iskitt tooyampayyaan dind lashsh yaamishooshsh dey
2
1 sapan herootis Daam kodde,
huss yihuta qalle petelehem Yesus dalad kanna iskitt tooyampayya dind lashsh yaamishooshsh yerusaalemep deyen;
2 illo,
"Daam ayhuta hin dalad aha kiyy?
dind lashsh yaamishooshshin iskittaay akkin illo iyy shoomatta deine."
kiden kaassaden.
3 helpaan herootis daamat ishaama hin dakaye henah;
orr sapara yerusaalemetenno iyy olle nahen.
4 iyyat illo kaadayya sukama Moohaatenne (qeesawaatenne) kollisampayya halitti dahenn hemb illo ikkim kristoos ahi dalanninu kaassad.
5 iyyaanno sedep kiden iyyi mitaattiyyen:
"kristoos dalanninu huss yihuta qalle peetelehemess kida;
maana maalla,
himampaytin him sedep kidiyyu tsaafam,
6 'yent peetelehem hed se huss yihuta qalle kishshu!
oot sinkitt siipawu israaelet lushinu hed ila sohanninu maalla,
amm att saparadda yihuta hin kakkaan kanneett kishshamu."
7 sekkanna herootis iskitt tooyampayaanett deketin hemb helpaan iyyaa uil iskitt se akken qara kaassad illo ufunaad;
8 sedepanno kid peetelehemep iyyaa hit.,
"aanaa oot meet sett dikkiyyaa tooyaa illo helpa akkitane,
ananno ikkimin anninu iyyi shomanninu ani lelaa."
9 helpaan iyyaa acac Daam dakayene hesohaden illo iskitt hin iyyaa dind lashsh yaamishooshsh akken hak por se meet hin ulla kiyyu qari ellinu iyyaa tureeshsh annin.
10 helpaan iyyaa iskitt se akkene ikkaaness masmasen;
11 tallopanno luumen illo meet sett inkoshayy maariyaam ketta akken;
turi kilpiyaden ishshoomaden;
saatsinawooddonno qahiyen worqetanne suukaan dinnahiyanne kerpet daayi idehayen.
12 ikkim iyyaa herootis kapopanno inmitaatin oot Moohot oommotin iyyaa dawur maalla iskitt tooyampayaan paana pilann hussaddopaa mitaaten.
kiptsep feelatta
13 helpaan iskitt tooyampayyaan kalen kanna,
hitaymishsh Mooha yoosefess oommotin akkaad illo,
"oot herootis meet sed ikasa fadiyyu maalla,
sohadu meet sedin inkoshayy olle kiptsep feeladu;
hak antu hedi lelinu ulli oladu."
ikkid.
14 semmaalla yoosef awaddat sette sohad meet settenne maariyaamin iolle kiptsep aan.
15 hak herootis toynossenno ulli olad.
hin kodden,
se poldat himampaytin,
"meetaawun kiptseshsh hemb" kid lel ikkim kaysaanninoss kida.
herootis medda rawusiyy
16 helpaan herootis iskitt tooyampayaan iyyi paasaaddu ufunaade,
ikkaaness miirood illo peetelehemenne paat se ukkapeesh kiyyop dahenn wotaatar acac illo qum sapan se iyyat iskitt tooyyampayaan qara dakay min,
immadaan par lakk kaysiyyenne sekannaatt kiyy dahenn all rawusiy.
17-18 essete,
him ermiyaas himampayt:
"nass saydaatenne pooyt haddawut raama dakaysamaad;
pooyt raaheel meddaadd pooyishshu,
oot meddaadd raawen maalla,
mutsura kokkisatta amm hefottitemu."
kid lel kaysaad.
kiptseeshsh mitaata
19 herootis toy kanna hitaymishsh Mooha kiptsess yoosefi oommotin akkaad illo
20 "oot orr hin meet se ikasa fadiyy raawen maalla,
sohadu illo meet sedin inkotayy olle israaelep aanii" ikkid.
21 yoosefenno hesohad illo meet settenne maariyaamin israaelep mitaat.