Na Turak i Pablo so
Taga-Colosas
Meafu Sitaw a Libru
Na Turak i Pablo so taga-Colosas e para so minangikkurug ira sinay, tata a lubbun so Asia Minor so silawan na Efeso. Bakkan i Pablo ino palungu a nanunturu so minangikkurug ira sinay, udde ana karguna pay sitaw se nanundun baggina si gumasserbiyera meafu so aggangwa i Dios a naggabwat si Efeso a kapitolyo na Roma so Asia. Naammuwanna a ana sasan-mestruwera a nakibulun so minangikkurug ira sinay. Ituntu-tunturuweno sasan-mestruwera a maawag a dumandan ira si ritwal ira, kakunna yo pabbanggit anna masiggat a paddandan so panuntulan ira meafu si maakkan anna korwan kepay a kiyan anna maawag nad pay a dayawandeno anghel ira takesi maammu-ammurengke i Dios anna manolayera a bulunna amu-amu.
Natturak i Pablo tapenu tulyatanna iyaw a tunturuwera megafu si gakkurug a tunturu a Kristiyanu. Iyaw yo kainteruwanna yo turaknga: i Jesu Kristo lamang yo makaiyaddengke si pannabbut. Na korwan a pangurug anna panuntulan ira e mangiyaroyu si minangikkurug ira sikwana. Megafu sike Kristo, pinaratu i Dios yo talubaggan. Na pakatabbutan pelamang na tolayera e yo pakisittata sike Kristo. Sinittataneno kanggamma sapitan iyaw a tunturu para so minangikkurug ira.
Maimammatan ingke sitaw a i Tiquico a baggineno nangiyang so Colosas si turak i Pablo e binulunan i Onesimo. Baggineno imbut i Filemon a gafu na atturak i Pablo sike Filemon.