Na Angwera na
Apostol ira
Meafu Sitaw A Libru
Antuweyaw yo daggeno Mapiya a Baga a neturak i San Lukas, tata gumàuru a bulunna i Pablo so paddoyugngera. Neyistorya sitaw a libru e yo kakkapallat a taddereno apostol ira anna pangibalaggora meafu so Mapiya a Baga so Jerusalem, so interu a Judea anna Samaria makiyad so amminan a tarabbunan ira sito talubaggan.
Ayan ino korwan a tolayera iyaw a libru, “Na angwera i Espiritu i Dios” gumafu se yo Espiritu i Dios antu yo naggiya anna nangadda so apostol ira si pakapangwa a ibalaggaweno Mapiya a Baga anna mangwa si kakkapallat a taddera. Antuweyaw yo istorya meafu so pefuweno angngurug na Hudyu a Kristiyanuwera mamefu so tarabbunan ino Hudyuwera a nassiwarak makiyad si nattabali a angngurug na interu talubaggan. Kanggam pay yo gumatturak a mebarifit a yo angngurug e ammena mattulyat so pattangngal ino Roma. Na kaawan a mededemmuwera sitaw a libru e yo pangiyadda si pakapangwa na Espiritu i Dios so minangikkurug ira so Aw na Pentecostes. Ibali-balinneno Espiritu i Dios a mangigiya anna mangidalan so amminan a mededemmuwera a neturak sitaw a libru.