Yimɓe jooɗiiɓe ley Urusaliima
11
1 Mawɓe ardiiɓe yimɓe njooɗake ley Urusaliima. Heddiiɓe du ngaɗi cumnal faa ley cuuɗi sappo fuu, suudu wooturu jooɗoo nder huɓeere Urusaliima seniinde. Jeenay keddiiɗi ɗiin du, njooɗoo ley kuɓeeje feere feere. 2 Ndeen yimɓe mbarkini woɓɓe e hakkunde maɓɓe jaɓirɓe jooɗaade ley huɓeere Urusaliima e yardaamuye.3 Inan ardiiɓe leyɗe jooɗiiɓe ley Urusaliima: Heddiiɓe e Almaami'en e Lewinkooɓe e gollooɓe ley Suudu Dewal Joomiraaɗo e ɓiɓɓe maccuɓe Suleymaana, e Israa'iilankooɓe heddiiɓe fuu njooɗii nder leyɗe Yahuuda laatiiɗe dongu muɓɓen. 4 Ammaa woɓɓe hakkunde lenyi Yahuuda e Benyamin njooɗake ley Urusaliima.
Ley yimɓe Yahuuda wo Ataaya ɓii Ujjiya, Ujjiya ɓii Jakariya, Jakariya ɓii Amaariya, Amaariya ɓii Safatiya, Safatiya ɓii Mahalalel, jeyaaɗo lenyol Peres ɓii Yahuuda. 5 Katin, e Maaseya ɓii Baaruki, Baaruki ɓii Kal-Hooje, Kal-Hooje ɓii Haajaya, Haajaya ɓii Aadaya, Aadaya ɓii Yooyarib, Yooyarib ɓii Jakariya ƴuuruɗo Silo.
6 Yimɓe lenyol Peres ɓii Yahuuda jooɗiiɓe ley Urusaliima wo 468, waawɓe konu.
7 Inan yimɓe Benyamin: Salluu ɓii Meesullam, Meesullam ɓii Yoo'ed, Yoo'ed ɓii Pedaaya, Pedaaya ɓii Koolaya, Koolaya ɓii Maaseya, Maaseya ɓii Itiyel, Itiyel ɓii Yesaya, 8 e jokkuɓe ɗum: Gaabay e Saalay. Ɓe fuu wo ɓe 928. 9 Yoo'el ɓii Jikiri woni ardiiɗo ɓe, Yahuuda ɓii Haasanuya woni balloowo mo dow ardaade huɓeere ndeen.
10 Hakkunde almaami'en, Yedaya ɓii Yooyarib, e Yaakin, 11 e Seraay ɓii Hilkiya, Hilkiya ɓii Meesullam, Meesullam ɓii Sadok, Sadok ɓii Maraayot, Maraayot ɓii Aahitub, mawɗo e ndaaranooɓe Suudu Dewal Laamɗo, 12 e banndiraaɓe muɓɓen gollooɓe ley Suudu Dewal Mawndu, ɓe fuu wo ɓe 822. Katin e Aadaya ɓii Yarohaam, Yarohaam ɓii Pelaaliya, Pelaaliya ɓii Amsii, Amsii ɓii Jakariya, Jakariya ɓii Pasahuura, Pasahuura ɓii Malkiya, 13 e banndiraaɓe makko, ardiiɓe cuuɗi muɓɓen, ɓe fuu wo ɓe 242. Katin e Amassay ɓii Ajariyel, Ajariyel ɓii Ahjay, Ahjay ɓii Mesilemot, Mesilemot ɓii Imeer, 14 e banndiraaɓe muɓɓen, waawɓe konu, ɓe fuu wo ɓe 128. Jabadiyel ɓii Gedolim woni ardiiɗo ɓe.
15 Hakkunde Lewinkooɓe: Semaya ɓii Haasubu, Haasubu ɓii Aasarikam, Aasarikam ɓii Hasaabiya, Hasaabiya ɓii Bunnii, 16 e Sabetaay e Yoojabad ɓeen ngoni mawɓe ardiiɓe Lewinkooɓe ndaaranooɓe gollal yaasin Suudu Dewal Laamɗo. 17 Ley yimooɓe, Mattaaniya ɓii Miika, Miika ɓii Jabadi mo lenyol Asaafu, oon woni ardiiɗo du'ortooɓe jimi. Bakbukiya e Abiida ɓii Sammuwa, Sammuwa ɓii Galaal, Galaal ɓii Yadutuun, ngoni wallooɓe mo. 18 Lewinkooɓe jooɗiiɓe ley huɓeere seniinde fuu wo 284.
19 Reenooɓe dammbuɗe wo Aakubu e Talmoon e banndiraaɓe muɓɓen, ɓe fuu ɓe 172.
20 Yimɓe Israa'iila heddiiɓe e almaami'en e Lewinkooɓe na njooɗii ley kuɓeeje leydi Yahuuda, mono fuu ley nokkuure maamiraaɓe muuɗum. 21 Gollooɓe ley Suudu Dewal Joomiraaɗo e ardiiɓe muɓɓen Siiha e Gisipa na njooɗii dow waamnde Ofel.
22 Ndaranoo Lewinkooɓe wonɓe ley Urusaliima, dawranoowo Suudu Dewal Laamɗo, oon woni Ujji ɓii Baanii, Baanii ɓii Hasaabiya, Hasaabiya ɓii Mattaaniya, Mattaaniya ɓii Miika, jeyaaɗo lenyol Asaafu, kamɓe ngoni yimooɓe. 23 Nyannde fuu iɓe njima fodde jamirooje ɗe kaananke waɗunoo. 24 Petahiya ɓii Mesijabeel, Mesijabeel ɓii Jeraaha jeyaaɗo lenyol Yahuuda, oon woni daraniiɗo Alhuudiyankooɓe yeeso kaananke Persi.
Yimɓe heddiiɓe ley kuɓeeje goɗɗe
25 Yimɓe heddiiɓe njooɗii ley kuɓeeje muɓɓen e gese muɓɓen:
Yimɓe Yahuuda ina njooɗii
ley wuro Kiriyat-Arba e gure piiliiɗe ɗum,
e Dibon e gure piiliiɗe ɗum,
e Yaakabisayel e gure piiliiɗe ɗum,
26 e Yesuwa e Molaada e Bayti-Pelet,
27 e Hasaar-Suwal e Beerseba e gure piiliiɗe ɗum,
28 e huɓeere Sikilag e huɓeere Mekona e gure piiliiɗe ɗum,
e Lakis e gese mum,
e Aajeka e gure piiliiɗe ɗum.
Ɓe njooɗii gilla Beerseba faa ley naɗɗol Hinnom.
31 Yimɓe lenyol Benyamin:
ley Geba, e Mikmaas, e Aaya e Baytila e gure piiliiɗe ɗum,
34 e Hadiid, e Seboyim, e Nebaalat,
35 e Lood, e Oono, e naɗɗol gollooɓe.
36 Woɓɓe hakkunde Lewinkooɓe ƴuuruɓe leydi Yahuuda njooɗowake ley leydi Benyamin.