No Nehemiya segilorii reenugol huɓeere Urusaliima
7
1 Nde gollal kokuwol ngol timminano fu, ngaɗumi dammbuɗe maggol ommbirɗe. Ndeen reenooɓe dammbuɗe e yimooɓe e Lewinkooɓe kalfinaa golle muɓɓen. 2 Ngaɗumi hooreeɓe dow huɓeere Urusaliima: Hanaani sakiike am e Hananiya hooreejo suudu reenirdu huɓeere, ngam Hananiya wo neɗɗo koolniiɗo, kuloo Laamɗo ɓuri yimɓe heewɓe. 3 Mbiimi ɓe:— Dammbuɗe huɓeere Urusaliima omtataake si wanaa nde naange nyawli. Reenooɓe na ndaara ɗe faa wakkati ommbeede majje hewti, ndeen ɓe ommba ɗe, ɓe coka ɗe. Yimɓe Urusaliima cenndiraa reenugol huɓeere ndeen, woɓɓe ndeena nokkuuje njeyɗe reeneede, woɓɓe du ndeena ɗakkol cuuɗi muɓɓen.
Inɗe ƴuuruɓe e maccangaaku ngarti
4 Huɓeere Urusaliima wo mawnde, inde yaaji ammaa yimɓe wonɓe ley mayre ɗuuɗaa. Wooɗi du, cuuɗi keewɗi mahitaakano tafon. 5 Ndeen Laamɗo watti e ɓernde am mi hawrina mawɓe e ardiiɓe lenyol ngool e yimɓe heddiiɓe fuu, faa inɗe cuuɗi muɓɓen mbinndee. Ndeen njiitumi ɓataaki mbinndanooki dow artiiɓe ƴuuri maccangaaku ngarti. Inan ko tawumi ina winndaa ley toon:
6 Inan yimɓe ƴuuruɓe leydi Baabiila ngarti Urusaliima, ɓe Nebukanesar kaananke Baabiila nanngunoo yaari leydi muuɗum. Ɓe ngarti huɓeere Urusaliima e gure maɓɓe ley leydi Yahuuda. 7 Mawɓe wartidinɓe e Sorobabel wo Yesuwa e Nehemiya e Ajariya e Ra'aamiya e Nahaamina e Mordakay e Bilsan e Misifa e Bigway e Nehum e Ba'ana. Inan limgal Israa'iilankooɓe ƴuuruɓe maccangaaku ngarti fodde cuuɗi muɓɓen:
8 Yimɓe lenyol Paroos wo 2 172.
9 Yimɓe lenyol Safatiya wo 372.
10 Yimɓe lenyol Aarah wo 652.
11 Yimɓe lenyol Pahat-Mo'ab, ɓeen ngoni taaniraaɓe Yesuwa e Yo'ab, wo 2 818.
12 Yimɓe lenyol Elam wo 1 254.
13 Yimɓe lenyol Jattu wo 845.
14 Yimɓe lenyol Jakkay wo 760.
15 Yimɓe lenyol Binuuyi wo 648.
16 Yimɓe lenyol Bebay wo 628.
17 Yimɓe lenyol Asgeda wo 2 322.
18 Yimɓe lenyol Adoniikam wo 667.
19 Yimɓe lenyol Bigway wo 2 067.
20 Yimɓe lenyol Aadin wo 655.
21 Yimɓe lenyol Aater, gilla Hejekiya wo 98.
22 Yimɓe lenyol Haasum wo 328.
23 Yimɓe lenyol Betsaay wo 324.
24 Yimɓe lenyol Haarifu wo 112.
25 Yimɓe lenyol Gibiyon wo 95.
26 Yimɓe ƴuuruɓe e maccangaaku ngarti jooɗiiɓe ley huɓeere Baytilaama e Netoofa, wo 188.
27 Jooɗiiɓe ley huɓeere Anatot wo 128.
28 Jooɗiiɓe ley huɓeere Bayti-Ajmaawat wo 42.
29 Jooɗiiɓe ley huɓeere Kiriyat-Yarim e Kefiira e Bi'iirot wo 743.
30 Jooɗiiɓe ley huɓeere Rama e Geba wo 621.
31 Jooɗiiɓe ley huɓeere Mikmaas wo 122.
32 Jooɗiiɓe ley huɓeere Baytila e Ayi wo 123.
33 Jooɗiiɓe ley huɓeere Nebo wo 52.
34 Jooɗiiɓe ley huɓeere Elam wo 1 254.
35 Jooɗiiɓe ley huɓeere Haarim wo 320.
36 Jooɗiiɓe ley huɓeere Yeriko wo 345.
37 Jooɗiiɓe ley huɓeere Lood e Hadiid e Oono wo 721.
38 Jooɗiiɓe ley huɓeere Senaaya wo 3 930.
39 Ɓe ngoni almaami'en ƴuuruɓe e maccangaaku ngarti:
Yimɓe lenyol Yedaya (ɗum woni ƴuwdi Yesuwa) wo 973.
40 Yimɓe lenyol Imeer wo 1 052.
41 Yimɓe lenyol Pasahuura wo 1 247.
42 Yimɓe lenyol Haarim wo 1 017.
43 Ɓe ngoni Lewinkooɓe ƴuuruɓe e maccangaaku ngarti:
Yimɓe lenyol Yesuwa gilla Kadamiyel taan Hoodewa wo 74.
44 Yimɓe lenyol Asaafu yimooɓe wo 148.
45 Ɓe ngoni reenooɓe dammbuɗe huɓeere:
Yimɓe lenyol Sallum e Aater e Talmoon e Aakubu e Hatiita e Sobaay wo kamɓe 138.
46 Ɓe ngoni gollooɓe ley Suudu Dewal Mawndu ƴuuruɓe e maccangaaku ngarti:
Yimɓe lenyol Siiha e Haasufa e Tabbayot.
47 Yimɓe lenyol Keeros e Sii'a e Paadon.
48 Yimɓe lenyol Labana e Haagaba e Salmay.
49 Yimɓe lenyol Hanaan e Gidel e Gahar.
50 Yimɓe lenyol Ri'aaya e Rasiin e Nekoda.
51 Yimɓe lenyol Gajam e Ujja e Paaseha.
52 Yimɓe lenyol Besay e Me'uunim e Nefusim.
53 Yimɓe lenyol Bakabuuka e Haakufa e Harihura.
54 Yimɓe lenyol Basliit e Mehiida e Harsa.
55 Yimɓe lenyol Barakoos e Sisera e Temah.
56 Yimɓe lenyol Nesiiha e Haatifa.
57 Ɓe ngoni ƴuwdi maccuɓe Suleymaana kaananke Israa'iila ƴuuruɓe e maccangaaku ngarti:
Yimɓe lenyol Sootay e Soferet e Periida.
58 Yimɓe lenyol Yaala e Darkoon e Gidel.
59 Yimɓe lenyol Safatiya e Haatil e Pokeret-Hajebayim, e yimɓe Amon.
60 Gollooɓe ley Suudu Dewal Joomiraaɗo e ƴuwdi maccuɓe Suleymaana, wo 392.
61 Ɓe ngoni ƴuuruɓe kuɓeeje Tel-Melah e Tel-Harsa e Keerub e Adon e Imeer jaaranooɓe maccangaaku, ngarti, de walaa ko hollata cuuɗi maamiraaɓe muɓɓen hakkunde Israa'iila'en:
62 Yimɓe lenyol Delaaya e Tobiya e Nekoda wo 642.
63 Ley almaami'en na woodi yimɓe lenyol Habaya e Koos e Barjilay noddirteeɗo innde esum gorko jeyaaɗo Galaad ngam o dewlii ɓiyum debbo.
64 Ɓe pilii to inɗe maamiraaɓe maɓɓe mbinndaa hono heddiiɓe noon, ammaa ɓe njiitaay ɗe. Saabe ɗum de ɓe ndaarda ɓe tuunɓe, ɓe kaɗaa waɗude gollal almaamaaku. 65 Goforneer Yahuuda yamiri taa ɓe nyaama ko ɓuri senaade faa nde almaami gollirii ɗum «Urim» e «Tumim»a.
66 Ƴuuruɓe maccangaaku ngarti ɓeen fuu wo yimɓe 42 360. 67 Maccuɓe maɓɓe e horɓe maɓɓe du 7 337. Iɓe tawraa yimooɓe worɓe e rewɓe 245, 68 e geelooɗi 435 e moli 6 720.
69 Woɓɓe hakkunde mawɓe lenyol ngool ngaddi dokke saabe gollal ngaal. Goforneer hokki ballal muuɗum buuɗi kaŋŋe 1 000 e le'e kaŋŋe 50, e saayooji almaami'en 530. 70 Woɓɓe ley ardiiɓe lenyol kokki ballal muɓɓen saabe gollal suudu seniindu: Buuɗi kaŋŋe 20 000, e cardi kilooji 1 100. 71 Ko heddiiɓe ley lenyol ngol kokki wo buuɗi kaŋŋe 20 000 e kilooji cardi ko ɓurata 1 130, e saayooji almaami'en 67.
72 Ndeen, almaami'en e Lewinkooɓe e reenooɓe dammbuɗe huɓeere e yimooɓe e gollooɓe ley Suudu Dewal Mawndu e woɓɓe ley lenyol ngool njooɗii ley kuɓeeje muɓɓen. Nde lewru jeɗɗaɓurdu yottinoo, tawi Israa'iilankooɓe wartuɓe fuu na njooɗii ley kuɓeeje muɓɓen.