Limgal nannganooɓe wartuɓe Urusaliima
2
1 Inan yimɓe ƴuuruɓe leydi Baabiila ngarti Urusaliima, ɓe Nebukanesar kaananke Baabiila nanngunoo yaari leydi muuɗum. Ɓe ngarti huɓeere Urusaliima e gure maɓɓe nder leydi Yahuuda. 2 Mawɓe wartidinɓe e Sorobabel wo Yesuwa e Nehemiya e Saraaya e Re'elaya e Mordakay e Bilsan e Misifa e Bigway e Rehum e Ba'ana.Inan limgal Israa'iilankooɓe yaltuɓe maccangaaku ngarti fodde cuuɗi muɓɓen:
3 Suudu Paroos, yimɓe 2 172.
4 Suudu Safatiya, yimɓe 372.
5 Suudu Aarah, yimɓe 775.
6 Suudu Pahat-Mo'ab ɓeen ngoni ɓiɓɓe Yesuwa e Yo'ab, wo ɓe 2 812.
7 Suudu Elam, yimɓe 1 254.
8 Suudu Jattu, yimɓe 945.
9 Suudu Jakkay, yimɓe 760.
10 Suudu Baanii, yimɓe 642.
11 Suudu Bebay, yimɓe 623.
12 Suudu Asgeda, yimɓe 1 222.
13 Suudu Adoniikam, yimɓe 666.
14 Suudu Bigway, yimɓe 2 056.
15 Suudu Aadin, yimɓe 454.
16 Suudu Aater bi'eteeɗo Hejekiya, yimɓe 98.
17 Suudu Betsaay, yimɓe 323.
18 Suudu Yoora, yimɓe 112.
19 Suudu Haasum, yimɓe 223.
20 Suudu Gibar, yimɓe 95.
21 Yimɓe wuro Baytilaama, 123.
22 Yimɓe Netoofa, 56.
23 Yimɓe Anatot 128.
24 Yimɓe Asmawet 42.
25 Yimɓe Kiriyat-Yarim e Kefiira e Bi'iirot 743.
26 Yimɓe Rama e Geba, 621.
27 Yimɓe Mikmaas 122.
28 Yimɓe Baytila e Ayi 223.
29 Yimɓe Nebo 52.
30 Yimɓe Magbiis 156.
31 Yimɓe Elam oo to 1 254.
32 Yimɓe Haarim 320.
33 Yimɓe Lood e Hadiid e Oono, 725.
34 Yimɓe Yeriko 345.
35 Yimɓe Senaaya 3 630.
36 Inan almaami'en wartuɓe fodde cuuɗi muɓɓen:
Suudu Yedaya mo ƴuwdi Yesuwa: yimɓe 973.
37 Suudu Imeer: yimɓe 1 052.
38 Suudu Pasahuura: yimɓe 1 247.
39 Suudu Haarim: yimɓe 1 017.
40 Inan Lewinkooɓe wartuɓe Urusaliima fodde cuuɗi muɓɓen:
Suudu Yesuwa e Kadamiyel ɓiɓɓe Hoodawiya: yimɓe 74.
41 Yimooɓe wartuɓe ɓe suudu Asaafu: 128.
42 Reenooɓe dammbuɗe, jeyaaɓe e cuuɗi Sallum e Aater e Talmoon e Aakubu e Hatiita e Sobaay, wo yimɓe 139.
43 Gollooɓe ley suudu Dewal Mawndu wartuɓe:
yimɓe suudu Siiha e Haasufa e Tabbayot,
44 e yimɓe suudu Keeros e Sii'ha e Paadon,
45 e yimɓe suudu Labana e Haagaba e Aakubu,
46 e yimɓe suudu Haagab e Salmay e Hanaan,
47 e yimɓe suudu Gidel e Gahar e Ri'aaya,
48 e yimɓe suudu Rasiin e Nekoda e Gajam,
49 e yimɓe suudu Ujja e Paaseha e Besay,
50 e yimɓe suudu Asnaa e Me'uunim e Nefusim,
51 e yimɓe suudu Bakabuuka e Haakufa e Harihura,
52 e yimɓe suudu Basluut e Mehiida e Harsa,
53 e yimɓe suudu Barakoos e Sisera e Temah,
54 e yimɓe suudu Nesiiha e Haatifa.
55 Inan yimɓe ƴuwdi maccuɓe kaananke Suleymaana wartuɓe:
Yimɓe suudu Sootay e Soferet e Peruuda,
56 e yimɓe suudu Yaala e Darkoon e Gidel,
57 e yimɓe suudu Safatiya e Haatil e Pokeret-Hajebayim e Ammii.
58 Limgal gollooɓe ley Suudu Dewal Mawndu yimɓe ƴuwdi maccuɓe kaananke Suleymaana ƴuuruɓe e maccangaaku ngarti fuu, wo yimɓe 392.
59 Ina woodi ƴuuruɓe gure Tel-Melah e Tel-Harsa e Keerub e Aadaan e Imeer, ɓe ngalaa ko seedantoo ɓe maamiraaɓe maɓɓe e lenyol Israa'iilankooɓe ƴuuri. 60 Kamɓe ngoni yimɓe suudu Delaaya e Tobiya e Nekoda. Wo ɓe yimɓe 652. 61 Ley almaami'en du, na woodi ɓiɓɓe Habaya e Koos e Barjilay. O noddiraama Barjilay sabo o dewlii ɓii Barjilay jeyaaɗo Galaad, de o innditorii innde muuɗum. 62 Ɓe pilii ley dewte limgal de ɓe njiitaay maamiraaɓe maɓɓe. Ndeen ɓe mburtinaa ley almaami'en. 63 Saabe majjum, goforneer yamiri taa ɓe nyaama nyaamdu seniindu sanaa nde almaami ngolliri «Urim» e «Tumim»a dow mayru faa faama muuyɗe Laamɗo.
64 Limgal wartuɓe leydi Yahuuda fuu wo yimɓe 42 360, 65 maccuɓe e horɓe limaaka. Ɓeen wo yimɓe 7 337. Ina woodi du worɓe e rewɓe yimooɓe 200. 66 Ɓe ngartidi pucci 736, moli araaji 245, 67 geelooɗi 435 e araaji 6 720.
68 Nde woɓɓe ley ardiiɓe cuuɗi feere feere ɓeen njottinoo Suudu Dewal Joomiraaɗo ley Urusaliima fu, kokki dokke saabe nyiɓitagol suudu nduun dow ɗo wonnoo arande ɗoon. 69 Neɗɗo fuu itti ley jawdi muuɗum ko waawi, hokki saabe gollal ngaal. Ɓe kawrini kaŋŋe kilooji 500, e cardi kilooji 2 800, e kaddule 100 ɗe almaami'en ɓornotoo.
70 Almaami'en e Lewinkooɓe e woɓɓe hakkunde yimɓe ɓeen, e yimooɓe e reenooɓe dammbuɗe e gollooɓe ley Suudu Dewal Mawndu, njooɗii ley gure muɓɓen. Yimɓe Israa'iila heddiiɓe du njooɗii ley gure muɓɓen.