19
1 Kaananke diwni mettorgal sanne, yehi dow dammbugal kokuwol ngalluure, de woyi. Imo yaha imo wi'a:— Ɓiyam Absalom, ɓiyam, ɓiyam Absalom! Ko ɓurannoo kam tawee wo miin maayi wanaa aan! Absalom, ɓiyam, ɓiyam!
2 Yo'ap humpitaa bojji kaananke e cunum saabe Absalom. 3 Sordaasiiɓe ɓeen du nani kaananke na sunanii ɓiyum. Nii jaalagol nyannde ndeen laatorii cunu dow yimɓe fuu. 4 Ɓe naati ngalluure nyannde ndeen ley cuncukka, hono no yimɓe semtuɓe naatirta si ndoggii ley wolde. 5 Ndeen kaananke suddi yeeso muuɗum, feekii e daande toownde, wi'i:
— Ɓiyam Absalom, Absalom, ɓiyam, ɓiyam!
6 Ndeen Yo'ap naati ley suudu kaananke, wi'i:
— Hannden a semtinii maccuɓe maaɗa hisinɓe yonki maaɗa fuu e yonkiiji ɓiɓɓe maaɗa worɓe e rewɓe e deekiraaɓe maa e nattaaɓe maa. 7 Aan kaa, aɗa yiɗi wanyuɓe maa, aɗa wanya yiɗuɓe maa du. Sabo a hollii faa laaɓi hannden, hooreeɓe maa e maccuɓe maa fuu wo ɓolɓe to maaɗa. Sabo hannden mi faamii si Absalom na heddinoo, de min fuu min maayi, ɗum hawrani ma. 8 Jonle umma wurta, kaaldaa e worɓe maaɗa faa semmbina ɓerɗe maɓɓe. Sabo miɗo hunoroo Joomiraaɗo si a yahaay fu, fay gooto heddadataako e maaɗa ley jemma o. Ɗum laatoto bonnde ɓurnde bonandaaji fuu ɗi njiiɗaa gilla cukaaku maaɗa faa e hannden.
9 Ndeen kaananke ummii, wurtii, jooɗowii dammbugal ngalluure. Yimɓe fuu kumpitaama, «Inan, kaananke na jooɗii to dammbugal.» Ndeen yimɓe ɓeen fuu ngari yeeso makko.
Tawi Israa'iila'en jokkunooɓe Absalom ɓeen fuu ndoggirii gure muɓɓen. 10 Hakkunde lenyi Israa'iila fuu yimɓe na pelundura, na mbi'a:
— Kaananke oon hisinii en e juuɗe Filistiyankooɓe e juuɗe wayɓe en fuu. Joonin kaa o doggii leydi ndi saabe Absalom. 11 Absalom mo kokkuɗen laamu du maayii ley wolde. Ndelle ko waɗi on mbi'ataa fay huunde dow wartireede kaananke oon?
12 Wooɗi, yimɓe Israa'iila fuu na kaala haala kaan. Ka hewtii faa to kaananke Daawda du. Ndeen Daawda nuli kabaaru o e Sadok e Abiyatar, almaami'en ɓeen, wi'i:
— Ƴamon mawɓe Israa'iila, «Ko waɗi laatiɗon sakitiiɓe wartirde kam, miin kaananke, ley laamordu am? 13 Onon ngoni sakiraaɓe am, ƴiiƴam am e enɗam am. Ko waɗi ndelle laatiɗon sakitiiɓe hoorude kam miin kaananke?» 14 Mbi'on Amasa du: wanaa wo o ƴiiƴam am e enɗam am naa? Laamɗo jukkoroo kam torra mawɗo si o loomtaay Yo'ap gilla joonin, o laatoo hooreejo sordaasiiɓe am.
15 Nii Daawda fooɗirii worɓe Yahuuda faa ɓe laatii ɓernde wootere. Ɓe nuli kabaaru to kaananke, ɓe mbi'i:
— Wartu, aan e wonduɓe e maaɗa fuu. 16 Ndeen kaananke yeccii, warti to maayo Urdun. Tawi yimɓe Yahuuda ngarii to wuro Gilgal faa njaɓɓitoo kaananke de njaara ɗum gere oo to maayo Urdun. 17 Simi ɓii Gera, Benyaminkeejo, jeyaaɗo wuro Bahurim, harii, wardi e worɓe Yahuuda faa njaɓɓitoo kaananke Daawda. 18 Worɓe Benyamin ujunere ina ngondi e makko. Siba, kawjotooɗo ƴuwdi Sawulu oon du, harii artii kaananke yottaade Urdun, kam e ɓiɓɓe mum sappo e njoyo e maccuɓe mum noogayo. 19 Ɓe peƴƴiti feƴƴitirde Urdun toon faa ɓe peƴƴintina koreeji kaananke. Iɓe ngaɗana ɗum ko haajaa fuu.
— Joomam taa tiiganam feloore. Taa miccitoɗaa ko ngaɗumi, miin maccuɗo maaɗa. Ko ngaɗumi nyannde nde ndilluɗaa Urusaliima ndeen jeyaa waɗeede. Joomam kaananke taa miiloɗaa dow majjum. 21 Sabo miin maccuɗo maaɗa, miɗo anndi mi waɗii hakke. Ndelle, ndaar, miin artii hannden, hakkunde yimɓe lenyol Yuusufi fuu, faa mi wara mi jaɓɓitoo ma, aan joomam kaananke.
22 Abisay ɓii Seruya wi'i:
— Ɗume jomii on e am, onon ɓiɓɓe Seruya faa laatiɗon hono wayɓe faddotooɓe kam hannden? Yalla na haani goɗɗo waree e ley Israa'iila hannden naa? Haanaay, sabo hannden ngartumi dow laamu Israa'iila. 24 Ndeen kaananke wi'i Simi:
— A maayataa.
Kaananke hunanake mo ɗum.
25 Mefiboset, taan Sawulu oon du, yehi faa jaɓɓitoo kaananke. Gilla nyannde nde kaananke dillunoo to laamorde faa nyannde warti e jam ndeen, tawi o haybaay koyɗe makko, o laɓaay waare makko, o lonnaay kaddule makko du. 26 Nde o wardi e yimɓe Urusaliima faa o jaɓɓitoo kaananke ndeen, kaananke wi'i mo:
— Mefiboset, ko waɗi a yaadaay e am?
27 O jaabii, o wi'i:
— Joomam kaananke, golloowo am Siba oon hiilii kam. Aɗa anndi wo mi bonnguujo. De miin maccuɗo maaɗa, mi wi'i Siba hirkinana kam araawa am faa mi waɗɗoo nga, mi jokke. 28 De o mbonkii kam miin maccuɗo maaɗa yeeso maa. Ammaa joomam kaananke, aɗa nanndi e maleyka Laamɗo. Ngaɗaa ko hawrani ma fuu. 29 Si goonga, yimɓe suudu baaba am fuu limaama yeeso maaɗa aan joomam kaananke wo jeyɓe wareede. Ammaa a joƴƴinii kam, miin maccuɗo maaɗa hakkunde nyaamdooɓe e maaɗa. Ndelle mi hewtaay wullitaade ma aan kaananke katin.
30 Kaananke wi'i mo:
— Walaa ko ɓeydaa haala maa. Miɗo wi'e, aan e Siba, on peccan gese ɗeen.
31 Mefiboset jaabii, wi'i kaananke:
— Accu o hooƴa fuu. Ko ngartuɗaa e jam, aan joomam, na heƴa kam.
32 Wooɗi, Barsilay jeyaaɗo leydi Galaad ƴuuri wuro Rogelim, de ɗowti kaananke to maayo Urdun faa feƴƴitida e makko gere oo to. 33 Tawi Barsilay oon na naywi sanne, waɗii duuɓi capanɗe jeetati. Wo o jom jawdi sanne du. To makko kaananke heɓi ko haajaa fuu wakkati jooɗinoo wuro Mahanayim. 34 Kaananke wi'i mo:
— Kaananke, heddanaaki kam balɗe keewɗe katin faa mi yaada e maa Urusaliima. 36 Miɗo wondi e duuɓi capanɗe jeetati joonin. Yalla miɗo waawi senndude hakkunde ko weli e ko metti katin naa? Yalla ɗemngal am miin maccuɗo maaɗa na waawi maatude ndakam nyaamduuji e njaramuuji naa? Yalla miɗo waawi hettindanaade worɓe e rewɓe yimooɓe naa? Ndelle ko waɗi miin maccuɗo maaɗa mi ɓeyda donngal dow maaɗa aan joomam kaananke? 37 Miin maccuɗo maaɗa mi yaadan e maaɗa yeeso maayo Urdun seeɗa. Ko waɗi de aɗa yiɗi barjitaade kam ko ngaɗanmaami ɗuum? 38 Miɗo nyaage, accaa kam miin maccuɗo maaɗa mi yeccoo wuro am, mi maaya ley ngalluure am ɗakkol saabeere baaba am e inna am. Ammaa inan ɓiyam Kimham, maccuɗo maaɗa. Kanko yaadata e maaɗa aan joomam kaananke. Ngaɗaa mo ko hawrani ma fuu.
39 Kaananke jaabii Barsilay, wi'i:
— Kimham yaadan e am, de mi waɗana mo ko hawrante. Aan du, ko kaajaɗaa fuu mi waɗante.
40 Ndeen yimɓe fuu peƴƴiti Urdun, kaananke du feƴƴiti. Kaananke muccii Barsilay oon, barkini mo, de o yeccii wuro makko. 41 Kaananke yehi yeeso to wuro Gilgal, yaadi e Kimham. Yimɓe Yahuuda fuu e feccere yimɓe Israa'iila du ɗowti kaananke e dow laawol muuɗum.
42 Ndeen worɓe Israa'iila ngari to kaananke, mbi'i mo:
— Kaananke, ko waɗi sakiraaɓe men worɓe Yahuuda nanngi ma, de njaari ma, aan e koreeji maa e worɓe maa fuu gere oo to maayo Urdun?
43 Worɓe Yahuuda fuu njaabii, mbi'i worɓe Israa'iila ɓeen:
— Wo saabe kaananke na jeydaa e amin sanne. Ko waɗi ɓernuɗon huunde nde? Yalla kaananke kam wuurni min naa? Yalla o hokkii min dokke naa?
44 Worɓe Israa'iila ɓeen njaabii worɓe Yahuuda, mbi'i:
— Geɗal amin to kaananke na ɓuri ngal mooɗon nde sappo. Hono noon to Daawda du. Ko waɗi ndelle njawuɗon min? Wanaa minen artii kaali haala wartirgol kaananke meeɗen naa?
Ammaa ley kalala oon, worɓe Yahuuda ɓeen njaabii worɓe Israa'iila ko ɓuri nyaaɗude.