21
1 Daawda ummii, dilli, de Yonatan yeccii ley ngalluure.No Daawda doggiri moolowii wuro Nobi
2 Daawda yehi wuro Nobi to almaami bi'eteeɗo Ahimelek. Ahimelek diwni kulol, wi'i:
— Ko waɗi ngaruɗaa aan tan? Ko saabii a waldaa e fay gooto?
3 Daawda jaabii Ahimelek, wi'i:
— Wo kaananke neli kam, de wi'i taa mi acca fay gooto faama ko yamiri kam ɗum. Mi hollii jokolɓe am nokkuure wonnde to min kawrata.
4 Ndelle ɗume ngooduɗaa hono nyaamdu? Kokkoraa kam buuruuje joy naa ko tawraɗaa fuu.
5 Almaami jaabii Daawda, wi'i:
— Mi walaa buuru keɓaaɗo fuu, ammaa miɗo woodi buuruuje ceniiɗe, de sanaa tawee jokolɓe maaɗa mbayrii rewɓe.
6 Daawda jaabii almaami wi'i:
— Wo goonga, wakkati wolde fuu min ngondataa e rewɓe. Ɓalli jokolɓe am ɓe wo ceniiɗi, fay ley bolwole ɗe cenaaki du ɓe cenii, sakko hannden.
7 Ndelle almaami oon hokki Daawda buuruuje ceniiɗe ɗeen sabo ɓe ngalaano buuruuje si wanaa buuruuje gonnooɗe yeeso Joomiraaɗo ittanooɗe. Nyannde nde ɗe ittanoo ndeen, ɓe loomtiniri ɗe buuruuje bulɗe. 8 Tawi gooto hakkunde maccuɓe Sawulu na toon nyannde ndeen, na wi'ee Do'ek jeyaaɗo leydi Edom, wo o hooreejo durooɓe Sawulu.
9 Daawda ƴami Ahimelek, wi'i:
— Yalla aɗa woodi labbo naa kaafaahi ga naa? Mi hooƴaay kaafaahi am naa kaɓorɗe am fuu sabo nelal kaananke wo kenyiingal. 10 Almaami jaabii, wi'i:
— Inan kaafaahi Goliyat Filistiyankeejo mo mbarunoɗaa ley Naɗɗol Leɗɗe Mawɗe. Inani ki ɗo, iki fiiliraa e kaddungal gaɗa to saaya almaamaaku wallintee. Si aɗa yiɗi fu, kooƴaa sabo goɗɗum fuu walaa.
Daawda wi'i:
— Ki walaa yeru. Hokkam ki.
No Daawda yehiri wuro Gaat
11 Nyannde ndeen Daawda ummii doggi Sawulu yehi to Akis, kaananke wuro Gaat. 12 Maccuɓe Akis mbi'i ɗum:
— Wanaa kanko woni Daawda kaananke leydi naa? Wo kanko ɓe njimanta iɓe mbama, iɓe mbi'a,
«Sawulu wari ujunaaje seeɗa mum,
Daawda du wari ujunaaje mum capanɗe keewɗe».
13 Daawda jogitake haalaaji ɗiin, o huli Akis kaananke Gaat sanne. 14 Ndelle o wattinkinii hono kaaŋaaɗo yeeso maɓɓe. Imo ŋaasa gampuuje, imo acca joodooli na njoodoo e dow waare makko.
15 Ndeen Akis wi'i gollooɓe mum: