18
1 Wakkati Daawda tilinoo haaldude e Sawulu ndeen, Yonatan takkii e makko, ina yiɗi mo hono no yiɗiri hoorem. 2 Illa nyannde ndeen Sawulu joƴƴini Daawda ley galle muuɗum, accaay mo o yeccoo wuro baabiiko. 3 Yonatan waɗi amaana e Daawda sabo imo yiɗi ɗum hono no o yiɗiri hoore makko. 4 Yonatan ɓoortii saaya muuɗum de hokki ka Daawda, hokki mo kaɓitirɗe mum - fay kaafaahim e ɓaarum e kaɓɓorgol muuɗum du. 5 Nokkuure fuu to Sawulu neli Daawda haɓana ɗum, Daawda gaynan faa Sawulu waɗi mo kawjotooɗo sordaasiiɓe. Ɗum na weli yimɓe fuu, na weli howruuɓe Sawulu du.Kiram Sawulu
6 Gaɗa ko Daawda warnoo Filistiyankeejo oon ndeen, ɓe fuu iɓe koota. Rewɓe mburtake galluuje Israa'iila ina njima ina mbama faa ɓe njaɓɓitoo kaananke Sawulu e jimi ceynooji e tummbuɗe lenngoy e kolli. 7 Ley ko ɓe mbamata ndeen, iɓe njima, iɓe mbi'a:
Sawulu warii ujunaaje mum,
Daawda du ujunaaje mum capanɗe keewɗe.
8 Sawulu tikki sanne, haala kaa mettii mo. O wi'i:
— Iɓe mbi'ana Daawda ujunaaje capanɗe keewɗe, de miin, iɓe mbi'ana kam ujunaaje tan. Ko heddanii mo fuu wo heɓude laamu am!
9 Ndelle illa nyannde ndeen Sawulu fuɗɗi hirude Daawda.
10 Jaango majjum ginnaaru bonndu ƴuurundu to Laamɗo wari to Sawulu e semmbe faa imo haala ɗi njeɗɗaa ley suudu makko. Daawda na hoɗa hoddu mum no woowri. Sawulu du ina tiigii labbo e junngo mum, 11 tippii ngo, miilii ɓillan Daawda e senngo suudu. Ammaa Daawda hisi mo laabi ɗiɗi.
12 Sawulu hulii Daawda sabo Joomiraaɗo na wondi e makko, de yoppi ɗum. 13 Ndelle Sawulu toowtini Daawda, waɗi mo kawjotooɗo e dow sordaasiiɓe ujunere. Ndelle Daawda na ardoo sordaasiiɓe, na yaha bolwole na warta. 14 Imo gayna e ley huunde fuu ko o waɗata sabo Joomiraaɗo na wondi e makko. 15 Nde Sawulu yi'unoo huunde fuu ko o waɗi na gasa ndeen, huli mo. 16 Ammaa Israa'iila'en e Yahuuda'en fuu na njiɗi Daawda sabo imo ardoo ɓe e ley jahaale wolde fuu.
17 Sawulu wi'i Daawda:
— Inan ɓiɗɗo am debbo arandeejo Merap. Mi hokkete mo faa ɓaŋaa mo. Ngollanaa kam cuusal tan, kaɓaa bolwole Joomiraaɗo.
Sabo Sawulu miilake e ley ɓernde muuɗum, wanaa junngo muuɗum warata mo, wo Filistiyankooɓe.
18 Daawda kaa wi'i Sawulu:
— Miin wo mi moy, de ɓeye ngoni koreeji am naa saare baabam ley Israa'iila du faa mi laatoo esoo kaananke?
19 Ndelle nde wakkati warnoo faa Merap ɓii Sawulu oon hokkee Daawda ndeen, o hokkaama gorko bi'eteeɗo Adariyel jeyaaɗo wuro Mehola.
20 Ammaa Mikal ɓii Sawulu debbo ina yiɗi Daawda sanne. Nde ɓe kaalannoo ɗum Sawulu fu, ɗum weli ɗum 21 faa miilii hokkan ɓiyum oon Daawda. O miilii ɗum laatoto hono tuugol faa watta Daawda ley juuɗe Filistiyankooɓe.
Ndelle Sawulu wi'i Daawda ɗiɗaɓerde:
— Joonin aɗa woodi wakkati faa laatoɗaa esam.
22 Ndeen Sawulu yamiri howruuɓe muuɗum, wi'i:
— Kaalanon Daawda sera, mbi'on, «Ndaar, kaananke na yiɗi ma, howruuɓe kaananke du na njiɗi ma. Ndelle laata esoo kaananke.»
23 Ɓe kaalani Daawda haalaaji ɗiin. Daawda kaa wi'i:
— Yalla oɗon miiloo laataade esoo kaananke wo huunde famɗunde naa? Miin wo mi talkaajo, mi fotaay e fay huunde.
— Kaalanon Daawda, mbi'on, «Kaananke yiɗaanaa muruuji Filistiyankooɓe hemre, faa o yomnitoo wayɓe makko.»
Nii Sawulu anniyorinoo faa Daawda saama e ley juuɗe Filistiyankooɓe.
26 Howruuɓe ɓeen kaalani Daawda ko kaananke wi'i. Nde Daawda nannoo ɗum fu, tawi laataade esoo kaananke na weli ɗum. Ndelle, illa wakkati oon faltaaki, 27 Daawda ummii, yaadi e worɓe muuɗum, de wari keme ɗiɗo hakkunde Filistiyankooɓe. O yaari muruuji maɓɓe de o hokki ɗi fuu kaananke faa o laatoo esum. Ndeen Sawulu hokki mo Mikal, ɓiyum debbo faa o ɓaŋa.
28 Ammaa nde Sawulu faamunoo Joomiraaɗo na wondi e Daawda, wooɗi ɓiyum debbo Mikal du na yiɗi Daawda ndeen, 29 Sawulu huli mo faa ɓuri ko arande ɗuum. Nii Sawulu laatorii ganyo Daawda foy.
30 Wakkati fuu mo hooreeɓe Filistiyankooɓe njehi wolde, Daawda ɓuri gaynude e gollanooɓe Sawulu fuu. Ɗum waɗi innde makko laatii teddunde.