Haala ƴuwdi Benyamin
8
1 Benyamin rimi Bela. Oon woni afo makko. Asbel woni ɗiɗaɓo makko, Ahara, tataɓo makko. 2 Noha, nayaɓo makko e Rafa, njoyaɓo makko. 3 Ɓiɓɓe Bela wo: Addar e Geera e Abihud 4 e Abisuwa e Na'aman e Ahowa 5 e Geera e Sefufan e Huram.6 Inan ɓiɓɓe Ehud laatinooɓe ardiiɓe cuuɗi muɓɓen hakkunde jooɗinooɓe ley Geba, nanngaaɓe njaaraa faa Manahat: 7 Na'aman e Ahiya e Geera. Wo Geera oon waɗi de ɓe njaaraa leydi mboɗɗundi. Ɓiɓɓe muuɗum wo Ujja e Ahihud.
8 Saharayim heɓi ɓiɓɓe ley leydi Mo'ab gaɗa ko seerunoo deekiraaɓe muuɗum Husim e Baara ɗuum. 9 O rimdi e deekiiko Hodes: Yobab e Sibiya e Mesa e Malkam e 10 Yewus e Sakiya e Mirma. Ɓee ngoni ɓiɓɓe makko, ardiiɓe cuuɗi muɓɓen.
11 Deekiiko Husim rimani o Abitub e Elpaal. 12 Ɓiɓɓe Elpaal wo: Eber e Misam e Semed. Wo Semed oon nyiɓi galluuje Ono e Lod e durduɗe muɓɓen
13 Beriya e Sema wonnoo ardiiɓe cuuɗi muɓɓen hakkunde jooɗinooɓe Ayalon. Wo ɓeen ndiiwi jooɗinooɓe Gat.
14 Ahiyo e Sasak e Yeremot e 15 Jebadiya e Arad e Eder 16 e Mikayel e Yisfa e Yoha fuu wo ɓiɓɓe Beriya. 17 Jebadiya e Mesullam e Hiski e Heber 18 e Yismeray e Yisliya e Yobad fuu wo ɓiɓɓe Elpaal. 19 Yakim e Jikiri e Jabdi 20 e Elihenay e Silletay e Eliyel 21 e Adaya e Beraya e Simrat fuu wo ɓiɓɓe Simey. 22 Yispan e Eber e Eliyel 23 e Abdon e Jikiri e Hanan 24 e Hananiya e Elam e Antotiya 25 e Yifdeya e Penuwel ngoni ɓiɓɓe Sasak. 26 Samseray e Sehariya e Ataliya 27 e Yaresiya e Eliya e Jikiri fuu wo ɓiɓɓe Yeroham. 28 Ɓee ngoni ardiiɓe cuuɗi muɓɓen fodde ƴuwdi muɓɓen. Iɓe njooɗinoo Urusaliima.
Haala ƴuwdi Sawulu
29 Puɗɗuɗo wuro Gibiyon na jooɗinoo Gibiyon. Innde deekiiko wo Maaka. 30 Abdon woni afo makko, tawti Sur e Kis e Ba'al e Nadabu 31 e Gedor e Ahiyo e Jeker. 32 Miklot rimi Simeya. Iɓe ngondunoo e sakiraaɓe maɓɓe. Iɓe njooddinoo e muɓɓen ley Urusaliima. 33 Neer rimi Kis, Kis rimi Sawulu; Sawulu rimi Jonatan e Malki-Suwa e Abinadab e Esbaal. 34 Jonatan rimi Meribbaal; Meribbaal rimi Mika. 35 Ɓiɓɓe Mika wo Piton e Melek e Tareya e Ahas. 36 Ahas rimi Yehoyada; Yehoyada rimi Alemet e Asmawet e Simri. Simri rimi Mosa; 37 Mosa rimi Bineya. Bineya rimi Rafa; Rafa rimi Eleyasa; Eleyasa rimi Asel; 38 Asel rimi worɓe njeegom. Inan inɗe muɓɓen: Asrikam e Bokuru e Ismaa'iila e Sehariya e Obadiya e Hanan. Ɓee fuu wo ɓiɓɓe Asel. 39 Ɓiɓɓe sakiike makko Esek wo: Ulam, afo muuɗum e Yewus, ɗiɗaɓo muuɗum e Elifelet, tataɓo muuɗum. 40 Ɓiɓɓe Ulam na laatinoo konunkooɓe semmbiɗinɓe waawɓe fiɗude kure, worɓe 150. Ɓe keɓi ɓiɓɓe worɓe e taaniraaɓe ɗuuɗɓe. Ɓe fuu wo ɓe ƴuwdi Benyamin.