Haala jooɗiiɓe ley Urusaliima
9
1 Israa'iilankooɓe fuu limaa de inɗe muɓɓen mbinndaa suudu suudu ley dewtere kaanankooɓe Israa'iila. Yimɓe Yahuuda nanngaa njaaraa leydi Baabiila saabe kaybayno amaana Joomiraaɗo. 2 Artiiɓe ngari njooɗii ley nokkuuje maɓɓe de njeyti galluuje maɓɓe wo Israa'iilankooɓe e Almaami'en e Lewinkooɓe e ndaaranooɓe suudu Joomiraaɗo.3 Woɓɓe ley lenyol Yahuuda e ngol Benyamin e ngol Efrayim e ngol Manaasa fuu na keddinoo Urusaliima. 4 Utay ɓii Ammihud, Ammihud ɓii Omiri, Omiri ɓii Imri, Imri ɓii Bani ley ɓiɓɓe Peres ɓii Yahuuda du tawaama hakkunde maɓɓe. 5 Hakkunde Siloninkooɓe: Asaya woni afo, tawti ɓiɓɓe muuɗum. 6 Ƴuwdi Jerak wo Yehuwel. Yahuudiyankooɓe 690 njooɗinoo ley Urusaliima. 7 Ƴuwdi Benyamin wo Sallu e Mesulam ɓii Hodabiya, Hodabiya ɓii Hasenuwa 8 e Yibneya ɓii Yeroham e Ela ɓii Ujji e taaniraaɓe Mikiri e Mesulam ɓii Sefatiya e taaniraaɓe Rewel e ɓii Yibniya. 9 Benyaminkooɓe 956 njooɗinoo ley Urusaliima. Ɓe fuu wo ɓe ardiiɓe cuuɗi maɓɓe.
10 Almaami'en Yedaya e Yehoyarib e Yakin 11 e Ajariya ɓii Hilkiya, Hilkiya ɓii Mesulam, Mesulam ɓii Sadok, Sadok ɓii Merayot, Merayot ɓii Ahitub. Ahitub oon woni mawɗo suudu Laamɗo. 12 Adaya ɓii Yeroham, Yeroham ɓii Pasehur, Pasehur ɓii Malkiya, e Masay ɓii Adiyel, Adiyel ɓii Yaasera, Yaasera ɓii Meshulam, Meshulam ɓii Mesilemit, Mesilemit ɓii Immeer 13 e sakiraaɓe muɓɓen ardiiɓe cuuɗi 1 760. Wo ɓe yimɓe semmbiɗinɓe tedduɓe gollooɓe ley suudu Laamɗo.
14 Lewinkooɓe: Semaya ɓii Hasub, Hasub ɓii Aasarikam, Aasarikam ɓii Hasabiya ɓiɓɓe Merari 15 e Bakbakar e Heres e Galal e Mattaniya ɓii Mika, Mika ɓii Jikiri, Jikiri ɓii Asaf 16 e Obadiya ɓii Semaya, Semaya ɓii Galal, Galal ɓii Yedutun e Berekiya ɓii Asa, Asa ɓii Elkana ɓeen njooɗinoo ley gure Netofatinkooɓe.
17 Reenooɓe dammbuɗe suudu Joomiraaɗo wo Sallum e Akkub e Talmon e Ahiman e sakiraaɓe muɓɓen. Sallum wonnoo mawɗo maɓɓe. 18 Wo taaniraaɓe makko ndoomata dammbuɗe suudu kaananke faro lettugal faa warde hannden. Kamɓe ngoni Lewinkooɓe reenooɓe dammbuɗe fodde cuuɗi maɓɓe. 19 Sallum ɓii Koore, Koore ɓii Ebiyasaf, Ebiyasaf ɓii Koore e sakiraaɓe muuɗum ɓe suudu bammum Koore ɓeen, kam'en ndoomannoo naaruɗe hukum Joomiraaɗo hono no maamiraaɓe muɓɓen noon. 20 Pinehas ɓii Eliyajar wonnoo mawɗo maɓɓe. Joomiraaɗo na wondunoo e makko. 21 Jakariya ɓii Meselemiya doomannoo naarude hukum Ceniiɗo. 22 Suɓaaɓe ley gure muɓɓen de mbinndaa faa laatoo doomooɓe dammbuɗe ɓeen fuu wo 212. Daawda e annabi Samuwiila njoƴƴini ɓe faa ɓe laatoo doomooɓe wakkati fuu. 23 Kamɓe e ɓiɓɓe maɓɓe e taaniraaɓe maɓɓe fuu ɓe keddoto dammbuɗe suudu Joomiraaɗo, hukum Ceniiɗo oon faa ɓe ndooma ɗum. 24 Doomooɓe na njooɗinoo tatteeji suudu nduun nay fuu: lettugal e gorgal e soɓɓirre e horɗoore. 25 Sakiraaɓe maɓɓe jooɗinooɓe ley gure muɓɓen feere feere na njeynoo warude to maɓɓe wakkati wakkati faa waɗa balɗe jeɗɗi. 26 Doomooɓe dammbuɗe nay ɓeen fuu wo Lewinkooɓe mawɓe gollooɓe wakkati fuu. Wo kamɓe ndaaranannoo desirɗi jawdi suudu Laamɗo nduun. 27 Iɓe mbaalannoo piilol suudu Laamɗo sabo wo kamɓe ndoomannoo ndu. Wo kamɓe du omtannoo ndu subaka fuu.
28 Woɓɓe hakkunde maɓɓe na kaybannoo kujje gollitirɗe gonɗe ley suudu nduun. Iɓe limannoo ɗe wakkati ɗe nannetee e nde ɗe mburtintee fuu. 29 Woɓɓe du na kaybana kujje nokkuure seniinde e kujje ceniiɗe ɗeen fuu e conndi ɗaatundi e inaboojam e nebbam e ure e urdiiji feere feere. 30 Wo ɓiɓɓe almaami moƴƴinannoo urdiiji ɗiin. 31 Mattitiya, gooto e Lewinkooɓe, afo Sallum Kooranke, kam hokkanoo golle waɗirde buuruuje e piirugal wakkati fuu. 32 Hakkunde Kehatinkooɓe na woodunoo hennaaɓe e waɗude buuru cakkanteeɗo Joomiraaɗo nyannde fowteteende fuu.
33 Yimooɓe, ardiiɓe cuuɗi Lewinkooɓe, na njooɗinoo ley cuuɗi nder galle suudu Joomiraaɗo nduun. Ɓe ngollataano golle goɗɗe sabo iɓe njimannoo jemma e nyalooma fuu. 34 Wo ɓee ngoni ardiiɓe cuuɗi Lewinkooɓe fodde ƴuwdi muɓɓen. Iɓe njooɗinoo Urusaliima.
Haala ƴuwdi Sawulu
(8:28-38)
35 Puɗɗuɗo galluure Gibiyon, Yehiyel, na jooɗinoo Gibiyon. Innde deekiiko wo Maaka. 36 Abdon woni afo makko, tawti Sur e Kis e Ba'al e Neer e Nadabu 37 e Gedor e Ahiyo e Jakariya e Miklot. 38 Miklot rimi Simeyam. Ɓeen du, na njooddinoo e maɓɓe ley Urusaliima ɗakkol sakiraaɓe muɓɓen. 39 Neer rimi Kis. Kis rimi Sawulu. Sawulu rimi Jonatan e Malki-Suwa e Abinadab e Esbaal. 40 Jonatan rimi Meribbaal. Meribbaal rimi Mika. 41 Ɓiɓɓe Mika wo: Piton e Melek e Tareya. 42 Ahas rimi Yahera. Yahera rimi Alemet e Asmawet e Simri. Simri rimi Mosa. 43 Mosa rimi Bineya. Bineya rimi Refaya. Refaya rimi Eleyasa. Eleyasa rimi Asel. 44 Asel rimi worɓe njeegom. Inan inɗe muɓɓen: Asrikam e Bokuru e Ismaa'iila e Sehariya e Obadiya e Hanan. Ɓee ngoni ɓiɓɓe Asel.