26
1 Joomiraaɗo haaldi e Muusaa e Eliyajar ɓii almaami Haaruuna wi'i:
— 2 Limon worɓe gilla ɓe duuɓi 20 yaade yeeso, hewtuɓe tiigaade kaɓitirɗe konu hakkunde jamaare Israa'iila fuu. Limiron ɓe cuuɗi cuuɗi.
3 Muusaa e almaami Eliyajar kaaldi e maɓɓe ley njaayri Mo'ab, daande gooruwol Urdun to ƴeenyirde Yeriko, mbi'i:
— 4 Min liman worɓe gilla ɓe duuɓi 20 yaade yeeso, fodde no Joomiraaɗo yamirnoo Muusaa e Israa'iilankooɓe nde njaltunoo Misira.
5 Ruben woni hammadiijo Israa'iila. Inan ɓiɓɓe Ruben oon:
Henokinkooɓe ƴuurii e Henok. Palluwinkooɓe e Pallu, 6 Hesroninkooɓe e Hesron, Karminkooɓe e Karmi. 7 Ɓee ngoni lenyi Ruben. Limgal worɓe maɓɓe wo 43 730.
8 Ɓiɓɓe Eliyaba ɓii Pallu 9 wo Nemuwel e Datan e Abiram. Datan e Abiram ngoni ardinooɓe jamaare toonyiinde Muusaa e Haaruuna ndeen. Kamɓe ngondunoo e Koora e banndiraaɓe muuɗum muurtannooɓe Joomiraaɗo ɓeen. 10 Wo kamɓe leydi omtinoo moɗidi e Koora de yiite duppi banndiraaɓe muɓɓen 250 faa ɗum laatanoo heddiiɓe ɓeen maande. 11 Ammaa ɓiɓɓe Koora maayayno.
12 Inan ɓiɓɓe Simeyon fodde cuuɗi muɓɓen:
Nemuwankooɓe ƴuuri e Nemuwel, Yamininkooɓe e Yamin, Yakininkooɓe e Yakin, 13 Jerakinkooɓe e Jerak, Sawulinkooɓe e Sawulu. 14 Ɓee ngoni lenyi Simeyon. Limgal worɓe maɓɓe wo 22 200.
15 Inan ɓiɓɓe Gad fodde cuuɗi muɓɓen:
Sefoninkooɓe ƴuuri e Sefon, Hagginkooɓe e Haggi, Suninkooɓe e Suni. 16 Osninkooɓe e Osni, Erinkooɓe e Eri. 17 Arodinkooɓe e Arod, Areelinkooɓe e Areeli. 18 Ɓee ngoni lenyi Gad. Limgal worɓe maɓɓe wo 40 500.
19 Inan ɓiɓɓe Yahuuda fodde cuuɗi muɓɓen:
Er e Onan. Ammaa Er e Onan fuu maayii leydi Kanaana illa ɓe njahaay Misira. 20 Ndelle inan ɓiɓɓe Yahuuda: Selaninkooɓe ƴuuri e Sela, Peresinkooɓe e Peres, Jerakinkooɓe e Jerak. 21 Inan ɓiɓɓe Peres: Hesroninkooɓe ƴuuri e Hesron, Hamulinkooɓe e Hamul. 22 Ɓee ngoni lenyi Yahuuda. Limgal worɓe maɓɓe wo 76 500.
23 Inan ɓiɓɓe Isakar fodde cuuɗi muɓɓen:
Tolatinkooɓe ƴuuri e Tola. Puwatinkooɓe e Puwa, 24 Yasubinkooɓe e Yasub. Simroninkooɓe e Simron. 25 Ɓee ngoni lenyi Isakar. Limgal worɓe maɓɓe wo 64 300.
26 Inan ɓiɓɓe Jabulon fodde cuuɗi muɓɓen:
Seredinkooɓe ƴuuri e Sered, Eloninkooɓe e Elon, Yahalelinkooɓe e Yahalel. 27 Ɓee ngoni lenyi Jabulon. Limgal worɓe maɓɓe wo 60 500.
28 Inan ɓiɓɓe Yuusufi fodde cuuɗi muɓɓen: Manasa e Efrayim.
29 Ɓiɓɓe Manasa: Makirinkooɓe ƴuuri e Makir. Wo Makir oon rimi Galaad maama Galaadinkooɓe. 30 Inan ɓiɓɓe Galaad: Yejerinkooɓe ƴuuri e Yejer, Helekinkooɓe e Helek, 31 Asriyelinkooɓe e Asriyel, Sikeminkooɓe e Sikem. 32 Semidayinkooɓe ƴuuri e Semida, Heferinkooɓe e Hefer. 33 Selofehad ɓii Hefer rimi ɓiɓɓe rewɓe tan. Inɗe maɓɓe ngoni: Mahala e No'a e Hogila e Milka e Tirsa. 34 Ɓee ngoni lenyi Manasa ɓii Yuusufi. Limgal worɓe maɓɓe wo 52 700.
35 Ɓiɓɓe Efrayim fodde cuuɗi muɓɓen: Sutelahinkooɓe ƴuuri e Sutelaha, Bekerinkooɓe e Beker, Tahaninkooɓe e Tahan. 36 Inan ɓiɓɓe Sutelaha: Eraninkooɓe ƴuuri e Eran; 37 Ɓee ngoni lenyi Efrayim ɓii Yuusufi. Limgal worɓe maɓɓe wo 32 500.
Kamɓe du wo ɓe ɓiɓɓe Yuusufi fodde cuuɗi maɓɓe.
38 Inan ɓiɓɓe Benyamin fodde cuuɗi muɓɓen:
Belaninkooɓe ƴuuri e Bela, Asbelinkooɓe e Asbel, Ahiraminkooɓe e Ahiram, 39 Sufaminkooɓe e Sufam, Hufaminkooɓe e Hufam. 40 Ɓiɓɓe Bela wo: Ared e Na'aman, Aredinkooɓe ƴuuri e Ared, Na'aminkooɓe du e Na'aman. 41 Ɓee ngoni lenyi Benyamin. Limgal worɓe maɓɓe wo 45 600.
42 Inan ɓiɓɓe Dan fodde cuuɗi muɓɓen:
44 Inan ɓiɓɓe Aser fodde cuuɗi muɓɓen:
Yimnankooɓe ƴuuri e Yimna, Yiswinkooɓe e Yiswi, Beriyinkooɓe e Beriya. 45 Inan taaniraaɓe Beriya: Heberinkooɓe ƴuuri e Heber, Malkiyelinkooɓe e Malkiyel. 46 Aser na woodunoo ɓiɗɗo debbo na inndiree Seera. 47 Ɓee ngoni lenyi Aser. Limgal worɓe maɓɓe wo 53 400.
48 Inan ɓiɓɓe Naftali fodde cuuɗi muɓɓen:
Yassiyelinkooɓe ƴuuri e Yassiyel; Guninkooɓe e Guni 49 Yeeserinkooɓe e Yeeser, Silleminkooɓe e Sillem. 50 Ɓee ngoni lenyi Naftali. Limgal worɓe maɓɓe wo 45 400.
51 Limgal worɓe Israa'iilankooɓe fuu wo 601 730.
No leydi ndiin fecciroytee
52 Ndeen Joomiraaɗo haaldi e Muusaa wi'i:
— 53 Leydi ndiin feccoyte hakkunde yimɓe ɓee fodde limgal muɓɓen faa ndi laatanoo ɓe ndonngu. 54 Cuuɗi ɓurɗi yimɓe, kokkee ko ɓuri yaajude e mayri. Ɓurɗi famɗude ɗiin du kokkee ko ɓuri famɗude. Lenyol fuu hokkee ngeɗu muuɗum fodde limgal cuuɗi muuɗum. 55 Leydi ndiin fecciree cumnal. Ɓe ndonira ndi fodde inɗe maamiraaɓe maɓɓe. 56 E cumnal ndi hokkirtee cuuɗi ɓurɗi heewude e ɓurɗi famɗude fuu.
Lewinkooɓe
57 Inan limaaɓe hakkunde Lewinkooɓe: Gersoninkooɓe ƴuuri e Gerson, Kehatinkooɓe e Kehat, Merarinkooɓe e Merari.
58 Inan cuuɗi lenyol Lewi:
Libininkooɓe, Heberoninkooɓe, Mahilinkooɓe, Muusinkooɓe e Koorankooɓe. Kehat rimi Amram. 59 Dee Amram oon na wi'ee Yokebed, ɓii Lewi mo rimi leydi Misira. O rimani Amram Haaruuna e Muusaa e Mariyama. 60 Ɓiɓɓe Haaruuna wo Nadabu e Abihu e Eliyajar e Itamar. 61 Nadabu e Abihu maayi saabe ɓe ngaɗanii Joomiraaɗo sadaka ure ɗe ndagaaki. 62 Lewinkooɓe worɓe limaaɓe gilla mo lewru wooturu fuu wo yimɓe 23 000. Ɓe limidaakano e Israa'iilankooɓe sabo ɓe kawtaay e muɓɓen ndonngu.
63 Ɓee ngoni Israa'iilankooɓe ɓe Muusaa e almaami Eliyajar limi ley njaayri Mo'ab, daande Urdun to ƴeenyirde Yeriko. 64 Fay gooto e ɓe almaami Haaruuna e Muusaa limunoo ley ladde Sinayi ɓeen heddaaki. 65 Sabo Joomiraaɗo wi'iino ɓe maayan ley ladde ndeen, wooɗi du, wo noon ɗum laatorii: Kaalibu ɓii Yefunne e Yoosuwa ɓii Nuun tan keddii.