Haala ƴuwdi Isakar
7
1 Ɓiɓɓe Isakar wo: Tola e Puwa e Yasub e Simron. Ɓe fuu wo ɓe nayo.2 Ɓiɓɓe Tola wo: Ujji e Refaya e Yeriyel e Yamay e Ibisam e Samuwiila. Ɓee ngoni ardiiɓe cuuɗi Tola, konunkooɓe cemmbiɗinɓe fodde ƴuwdi muɓɓen. Wakkati nguurndam Daawda ndeen wo ɓe worɓe 22 600.
3 Ɓiɓɓe Ujji wo: Yisrahiya e ɓiɓɓe muuɗum Mikayel e Obadiya e Jowiila e Yisiya. Njoyo ɓeen fuu wo ardiiɓe cuuɗi maɓɓe. 4 Iɓe ngoodunoo geɓe sordaasiiɓe 36 000 fodde cuuɗi maɓɓe, sabo iɓe tawranoo deekiraaɓe ɗuuɗɓe e ɓiɓɓe worɓe. 5 Sakiraaɓe maɓɓe ɓe lenyol Isakar winndaaɓe fuu wo worɓe konunkooɓe semmbiɗinɓe 87 000.
Haala ƴuwdi Benyamin
6 Ɓiɓɓe Benyamin wo: Bela e Beker e Yedihayel. Ɓe fuu wo ɓe tato. 7 Ɓiɓɓe Bela wo: Esbon e Ujji e Ujjiyel e Yerimot e Iri. Ardiiɓe cuuɗi njoyo ɓeen ɓeydii e konunkooɓe semmbiɗinɓe 22 034 winndaaɓe. 8 Ɓiɓɓe Beker wo: Jemira e Yohas e Eliyejer e Eliyohenay e Omiri e Yeremot e Abiya e Anatot e Alemet. Ɓe fuu wo ɓe ɓiɓɓe Beker. 9 Inɗe maɓɓe mbinndaama fodde ƴuwdi maɓɓe. Ardiiɓe cuuɗi maɓɓe wo konunkooɓe semmbiɗinɓe 20 200. 10 Yedihayel woni baaba Bilhan. Bilhan rimi Yewus e Benyamin e Ehud e Kenaana e Jetan e Tarsis e Ahisahar. 11 Ɓee fuu wo ɓe ɓiɓɓe Yedihayel. Wo ɓe worɓe 17 200 waawuɓe tiigaade kaɓitirɗe, konunkooɓe semmbiɗinɓe ardiiɓe cuuɗi muɓɓen.
12 Suppim e Huppim wo ɓiɓɓe Iir. Husim wo ɓii Aher.
Haala ƴuwdi Naftali
13 Ɓiɓɓe Naftali wo: Yahasiyel e Guni e Yeeser e Sallum e ɓiɓɓe Bilha.
Haala ƴuwdi Manasa
14 Ɓiɓɓe Manasa wo: Asriyel mo nattaaɗo muuɗum Siiriyanke rimani ɗum oon. O rimi du Makir, baaba Galaad. 15 Makir ɓaŋani Huppim e Suppim. Innde sakiike makko debbo wo Maaka. Ɓiyiiko ɗiɗaɓo wo Selofehad. Selofehad oon le, ɓiɓɓe rewɓe tan heɓi. 16 Maaka dee Makir rimi ɓiɗɗo gorko de inndiri ɗum Peres, minyum gorko na wi'ee Seres. Ɓiɓɓe Seres oon wo Ulam e Rekem. 17 Ɓii Ulam rimi Bedan. Ɓee ngoni ɓiɓɓe Galaad, ɓii Makir, Makir ɓii Manasa. 18 Sakiike makko debbo Ha-Moleket rimi Ishhod e Abiyejer e Mahala. 19 Ɓiɓɓe Semida wo: Ahiyan e Sikem e Liki e Aniyam.
Haala ƴuwdi Efrayim
20 Ɓiɓɓe Efrayim wo: Sutela, Sutela rimi Bered, Bered rimi Tahat, Tahat rimi Eleyada, Eleyada rimi Tahat, 21 Tahat rimi Jabad, Jabad rimi Sutela, Sutela rimi Ejer e Eleyad. Worɓe Gat rimaaɓe ley leydi ndiin mbari Ejer e Eleyad saabe njippakeno faa teeta daabaaji muɓɓen. 22 Efrayim, baabiiɓe oon heddii ley mettorgal faa ɓooyi de sakiraaɓe muuɗum ngari ndeƴƴini ɗum. 23 Caggal ɗuum o wondi e deekiiko de reedi rimani o ɓiɗɗo gorko. O inndiri ɗum Beriya sabo debbo oon jaɓii heddodaade e makko wakkati mettorgal hewtinoo ɓaade makko ndeen. 24 Ɓiyiiko debbo na wi'ee Seera. Oon nyiɓi Bayti-Horon galluure wonnde dow waamnde e wonnde ley naɗɗol e nde Ujjen-Seera. 25 Refa ɓii Beriya rimi Resef, Resef rimi Tela, Tela rimi Tahan, 26 Tahan rimi Ladan, Ladan rimi Amihud, Amihud rimi Elisama, 27 Elisama rimi Nuun, Nuun rimi Yoosuwa. 28 Nokkuuje maɓɓe wo: Baytila e durduɗe muuɗum e Naaran, faro lettugal e Gejer faro gorgal e durduɗe muɓɓen e Sikem e durduɗe muuɗum faa hewti Ayya e durduɗe muuɗum. 29 Ɓiɓɓe Manasa njeynoo Bayti-Se'an e durduɗe muuɗum e Taanak e durduɗe muuɗum e Megiddo e durduɗe muuɗum e Dor e durduɗe muuɗum. Wo ley galluuje ɗeen ɓiɓɓe Yuusufi, ɓii Israa'iila njooɗinoo.
Haala ƴuwdi Aser
30 Ɓiɓɓe Aser wo: Yimna e Yiswa e Yiswi e Beriya e sakiike muɓɓen debbo na wi'ee Serak. 31 Ɓiɓɓe Beriya wo Heber e Malkiyel. Malkiyel woni baaba Birjahit. 32 Heber rimi Yaflet e Somer e Hotam e sakiike muɓɓen debbo na wi'ee Suwa. 33 Ɓiɓɓe Yaflet wo: Pasak e Bimhal e Aswat. Ɓee ngoni ɓiɓɓe Yaflet. 34 Ɓiɓɓe Semer wo: Ahi e Roga e Hubba e Aram. 35 Ɓiɓɓe Helem, sakiike makko du, wo Sofa e Yimna e Seles e Amal. 36 Ɓiɓɓe Sofa wo Suwa e Harnefer e Suwal e Beri e Yimra 37 e Beser e Hod e Samma e Silsa e Yitran e Beera. 38 Ɓiɓɓe Yeter wo: Yefune e Pispa e Ara. 39 Ɓiɓɓe Ulla wo: Ara e Hanniyel e Risiya. 40 Ɓee fuu wo ɓiɓɓe Aser. Wo ɓe konunkooɓe semmbiɗinɓe innde anndeeɓe ardiiɓe cuuɗi muɓɓen, ɓiɓɓe laamiiɓe 26 000, winndaaɓe saabe konu.