Jahaangal Israa'iilankooɓe gilla Misira faa maayo Urdun
33
1 Inan no Israa'iilankooɓe mburtorii Misira fedde fedde e juuɗe Muusaa e Haaruuna. 2 Muusaa winndi nokkuuje ɗo ɓe koɗi fuu dow yamiroore Joomiraaɗo. Inan nokkuuje ɗeen:3 Ɓe eggi Ramses nyannde 15 lewru go'aɓurdu, jaangoore iidi Faltagol. Ɓe eggi e gite Misirankooɓe wo ɓe hewtuɓe ko'e maɓɓe. 4 Tawi wakkati oon, Misirankooɓe na uwa hammadiiɓe muɓɓen ɓe Joomiraaɗo fiyi faa saro allaaji muɓɓen.
5 Israa'iilankooɓe eggi Ramses, ɓe koɗowi Sukkot.
6 Ɓe eggi Sukkot, ɓe koɗowi Etam, naarude ladde yoornde.
7 Ɓe eggi Etam, ɓe njecci faa Pi-Hayirot, yeeso Ba'al-Sefon de ɓe koɗi ɗakkol Migdol.
8 Ɓe eggi Pi-Hayirot, ɓe ndewi hakkunde maayo, ɓe njehi yaadu balɗe tati ley ladde Etam yoornde de ɓe koɗi Maara.
9 Ɓe eggi Maara, ɓe njehi Elim. Ɗoon ɓe tawi ɓulli ndiyam 12 e leɗɗe tamarooje 70, ɓe koɗi nokkuure ndeen.
10 Ɓe eggi Elim, ɓe koɗowi ɗakkol maayo Maaliya.
11 Ɓe eggi maayo Maaliya, ɓe koɗowi ley ladde Sin.
12 Ɓe eggi ladde Sin, ɓe koɗowi Dofka.
13 Ɓe eggi Dofka, ɓe koɗowi Alus.
14 Ɓe eggi Alus, ɓe koɗowi Refidim. Ɗoon woni ɗo Israa'iilankooɓe kunngi ndiyam njareteeɗam.
15 Ɓe eggi Refidim, ɓe koɗowi ladde Sinayi.
16 Ɓe eggi ladde Sinayi, ɓe koɗowi Kibirot-Hataawa.
17 Ɓe eggi Kibirot-Hataawa, ɓe koɗowi Hajerot.
18 Ɓe eggi Hajerot, ɓe koɗowi Ritima.
19 Ɓe eggi Ritima, ɓe koɗowi Rimmon-Peres.
20 Ɓe eggi Rimmon-Peres, ɓe koɗowi Libina.
21 Ɓe eggi Libina, ɓe koɗowi Rissa.
22 Ɓe eggi Rissa, ɓe koɗowi Kehelata.
23 Ɓe eggi Kehelata, ɓe koɗowi waamnde Sefer.
24 Ɓe eggi waamnde Sefer, ɓe koɗowi Harada.
25 Ɓe eggi Harada, ɓe koɗowi Makelot.
26 Ɓe eggi Makelot, ɓe koɗowi Tahat.
27 Ɓe eggi Tahat, ɓe koɗowi Terak.
28 Ɓe eggi Terak, ɓe koɗowi Mitka.
29 Ɓe eggi Mitka, ɓe koɗowi Hasmona.
30 Ɓe eggi Hasmona, ɓe koɗowi Moserot.
31 Ɓe eggi Moserot, ɓe koɗowi wuro Ɓiɓɓe-Yaakan.
32 Ɓe eggi Ɓiɓɓe-Yaakan, ɓe koɗowi Hor-Gidgada.
33 Ɓe eggi Hor-Gidgada, ɓe koɗowi Yotbata.
34 Ɓe eggi Yotbata, ɓe koɗowi Abrona.
35 Ɓe eggi Abrona, ɓe koɗowi Esiyon-Geber.
36 Ɓe eggi Esiyon-Geber, ɓe koɗowi Kaades ley ladde Sin.
37 Ɓe eggi Kaades, ɓe koɗowi waamnde Hor keerol leydi Edom.
38 E dow yamiroore Joomiraaɗo, almaami Haaruuna ƴeenyi waamnde Hor de maayi toon, tawi wakkati oon ɓe mburtorake Misira duuɓi 40 nyannde go'o lewru joyaɓurdu. 39 Duuɓi Haaruuna fuu wo 123 de maayi dow waamnde Hor. 40 Ndeen Arad, laamiiɗo Kanaaninkooɓe jooɗinooɗo horɗoore leydi Kanaana nani yottagol Israa'iilankooɓe.
41 Ɓe eggi waamnde Hor, ɓe koɗowi Salmona.
42 Ɓe eggi Salmona, ɓe koɗowi Punon.
43 Ɓe eggi Punon, ɓe koɗowi Obot.
44 Ɓe eggi Obot, ɓe koɗowi Iyye-Abarim dow keerol leydi Mo'ab.
45 Ɓe eggi Iyye-Abarim, ɓe koɗowi Dibon-Gad.
46 Ɓe eggi Dibon-Gad, ɓe koɗowi Almon-Dibilatayma.
47 Ɓe eggi Almon-Dibilatayma, ɓe koɗowi baamle Abarim yeeso Nebo.
48 Ɓe eggi baamle Abarim, ɓe koɗowi njaayri Mo'ab, daande maayo Urdun, ƴeenyirde Yeriko. 49 Ɓe koɗi Urdun gilla Bayti-Yesimot faa yottii Abel-Sittim ley njaayri Mo'ab.
Jamirooje feccugol leydi Kanaana
50 Ley njaayri Mo'ab, daande maayo Urdun, ƴeenyirde Yeriko toon Joomiraaɗo haaldi e Muusaa wi'i:
— 51 Kaaldaa e Israa'iilankooɓe mbi'aa ɗum'en: Nde peƴƴitinɗon Urdun de kewtuɗon leydi Kanaana fu, 52 ndiiwon ɓe tawuɗon toon fuu. Kalkon tooruuji maɓɓe gaɗiraaɗi kaaƴe e jamnɗe, wooɗi du kalkon nokkuuje cakkirɗe majji. 53 Teeton leydi ndiin njooɗoɗon sabo wo onon kokkumi ndi faa njogoɗon. 54 Pecciron leydi ndiin cumnal fodde cuuɗi mooɗon. Cuuɗi ɓurɗi yimɓe fuu kokkee ko ɓuri yaajude e mayri. Ɓurɗi famɗude du kokkee ko ɓuri famɗude. Mono fuu heɓa ngeɗu muuɗum fodde no cumnal ngaal hokkiri ɗum. Ndongu nguun hokkiree cuuɗi baaba. 55 Ammaa si on ndiiwaay yimɓe ɓeen yeeso mooɗon fu, ɓe njoppoton ɓeen, laatanto on kaɗɗe ley gite maa gi'e ley buttuli. Ɓe torran on ley leydi ndi njooɗoytoɗon ndiin. 56 Wooɗi du, ko podinoomi waɗude ɓe fuu saaman dow mooɗon.