Wolde Israa'iila e Madiyankooɓe
31
1 Joomiraaɗo haaldi e Muusaa wi'i:— 2 Njomnitoɗaa Madiyankooɓe bone mo ngaɗi Israa'iilankooɓe oon, de sakitoo kawritowaa e maamiraaɓe maaɗa.
3 Muusaa haaldi e jamaare Israa'iila ndeen wi'i:
— Ittee worɓe hakkunde mooɗon cegilano yaade konu. Ɓe njaha ɓe kaɓdowa e Madiyankooɓe faa Joomiraaɗo yoɓtoo ɗum'en. 4 Ley lenyol Israa'iila gootol fuu itton worɓe 1 000 yahooɓe konu oon.
5 Worɓe 12 000 cegilanaa (ɗum woni ujunere ujunere ley lenyi Israa'iila 12 ɗiin) faa njaha kaɓdowa e Madiyankooɓe. 6 Muusaa yaari ɓe fuu konu oon. Lenyol fuu sordaasiiɓe 1 000. Almaami Pinehas ɓii Eliyajar kam ɗowtiri ɓe. Pinehas oon kam tiigii kujje gonɗe ley nokkuure seniinde e luwe puufanteeɗe segilanaade konu ɗeen fuu. 7 Ɓe njehi ɓe konowi Madiyankooɓe fodde no Joomiraaɗo yamirnoo Muusaa de ɓe mbari worɓe muɓɓen fuu. 8 Tawti kaanankooɓe Madiya njoyo ɗum woni Ewi e Rekem e Suur e Hur e Reba. Ɓe mbardi Balaama ɓii Beyor oon du kaafaahi.
9 Israa'iilankooɓe ngaɗi rewɓe Madiyankooɓe e ɓiɓɓe muɓɓen fuu kasunkooɓe. Ɓe kooƴi cogge daabaaji muɓɓen e jawdi muɓɓen fuu. 10 Ɓe mbuli kuɓeeje Madiyana e koɗorɗe muuɗum fuu. 11 Ndeen ɓe ngartidi e yimɓe e daabaaji ko ɓe teetowi. 12 Ɓe ngaddi kasunkooɓe ɓeen e ko ɓe njanowi Madiyana fuu yeeso Muusaa e almaami Eliyajar e jamaare Israa'iila fuu ley njaayri Mo'ab, daande Urdun ɗakkol ƴeenyirde Yeriko. 13 Muusaa e almaami Eliyajar e jamaare ardiiɓe cuuɗi Israa'iila fuu mburtii faa kawra e maɓɓe.
— Ko saabii de accidinɗon rewɓe ɓee fuu yonkiiji? 16 Oɗon anndi wo kamɓe e ley tindingo Balaama caabaninoo Israa'iilankooɓe waɗude ko boni yeeso Joomiraaɗo wakkati kabaaru Peyor de saabe ɗuum masiiba saami dow yimɓe Joomiraaɗo. 17 Ndelle joonin, sey mbaron sukaaɓe worɓe, e rewɓe ɓanganooɓe fuu. 18 Ɓiɓɓe rewɓe ɓe anndaa worɓe tan njeyɗon accande ko'e mooɗon. 19 Wooɗi du onon ɓeen, keddoɗon yaasin hoɗorde faa waala balɗe jeɗɗi. Onon warɓe woɓɓe e meemuɓe maayɓe, sey laaɓinon ko'e mooɗon nyalaande tataɓerde e jeɗɗaɓerde. Yamiroore ndeen na woodani fay kasunkooɓe mooɗon ɓeen. 20 Noon du, laaɓinirton kaddule e kujje gaɗiraaɗe guri e ɗe leeɓi be'i e ko waɗiraa leɗɗe fuu.
21 Almaami Eliyajar wi'i worɓe yahunooɓe konu ɓeen:
— Inan jamirooje ɗe Joomiraaɗo hokki Muusaa: 22 Kujje ɗe yiite waawaa bonnude, ɗum woni kaŋŋe e cardi e njamndi ɓaleeri e njamndi mboɗeeri e fuufa e njamndi alahan,* 23 fuu laaɓiniree yiite de caggal ɗuum tummbee ley ndiyam ceninoojam. Ko yiite waawi bonnude du, cuuwon ɗum ley ndiyam ceninoojam ɗaam. 24 Lonnon kaddule mooɗon nyalaande jeɗɗaɓerde ndeen faa laaɓon, de caggal ɗuum, ngarton ley hoɗorde.
No ɓe pecciri ko honowaa ɗuum
25 Joomiraaɗo haaldi e Muusaa wi'i:
— 26 Aan e almaami Eliyajar, ardiiɓe cuuɗi Israa'iila mballa on limon yimɓe e daabaaji ko konunkooɓe ɓeen ngartidi fuu. 27 Peccaa ɗum pecce ɗiɗi de kokkaa honoynooɓe ɓeen feccere, Israa'iilankooɓe heddiiɓe du feccere.
28 Ittanaa Joomiraaɗo ley ngeɗu honoynooɓe ɓeen: ley yimɓe 500 fuu neɗɗo gooto, ley daabaaji 500 fuu daaba gooto. 29 Itton ley ngeɗu konunkooɓe de kokkon almaami Eliyajar e innde Joomiraaɗo. 30 Feccere Israa'iilankooɓe ndeen du, ley yimɓe 50 fuu itton neɗɗo gooto, wooɗi ley na'i maa araaji maa baali e daabaaji keddiiɗi ɗiin du fuu ngaɗiraa noon. Kawrondinaa ɗum fuu de kokkaa Lewinkooɓe haybooɓe hukum Joomiraaɗo ɓeen.
31 Muusaa e almaami Eliyajar ngaɗi ko Joomiraaɗo yamiri ɗuum. 32 Inan ko heddi e ko honoynooɓe ɓeen ngartidi:
Dammuuli 675 000,
33 Na'i 72 000,
34 Araaji 61 000,
35 Ɓiɓɓe rewɓe ɓe anndaa worɓe 32 000.
36 Feccere hokkaande konunkooɓe wo:
38 Ley na'i 36 000, ko ittanaa Joomiraaɗo wo 72.
39 Ley araaji 30 500, ko ittanaa Joomiraaɗo wo 61.
40 Ley yimɓe 16 000, ittanaaɓe Joomiraaɗo wo 32.
41 Muusaa hokki almaami Eliyajar ko Joomiraaɗo ittanaa ɗuum fodde no Joomiraaɗo yamirnoo waɗiree noon.
42 Caggal konunkooɓe kokkaama ngeɗu muɓɓen fu, Muusaa hokki Israa'iilankooɓe heddiiɓe ɓeen ngeɗu muɓɓen. Ɗum woni:
43 Dammuuli 337 500,
44 Na'i 36 000,
45 Araaji 30 500,
46 Ɓiɓɓe rewɓe ɓe annda worɓe 16 000.
47 Ndelle ley yimɓe 50 fuu Muusaa itti neɗɗo gooto, wooɗi du, ley na'i maa araaji maa dammuuli maa daabaaji keddiiɗi fuu o waɗiri noon. O hawrondini ɗum fuu, o hokki Lewinkooɓe haybooɓe hukum Joomiraaɗo ɓeen, fodde no o yamiranoo.
— Min kiisake sordaasiiɓe yaaɓe konu ɓeen, fay gooto nyakaay. 50 Ngam majjum min ngaddani Joomiraaɗo dokke kaŋŋe mo min keɓowi faa hakkeeji amin mooytee. Ɗum woni koɗi e jawe e kootonɗe maandinirɗe e ɗe noppi e kujje feere feere gaɗiraaɗe kaŋŋe.
51 Muusaa e almaami Eliyajar njaɓi kujje gaɗiraaɗe kaŋŋe ɗe ɓe ngaddi ɗeen. 52 Kaŋŋe mo ardiiɓe konunkooɓe mawɓe e famarɓe ittani Joomiraaɗo oon fuu wo kilooji 170. 53 Tawi sordaasiiɓe ɓeen, mono fuu wo hoore muuɗum hooƴannoo. 54 Muusaa e almaami Eliyajar njaɓi kaŋŋe mo ɓe ngaddi oon. Ɓe njaari ɗum ley hukum Ceniiɗo faa ɗum miccintina Joomiraaɗo Israa'iilankooɓe.