17
1 Joomiraaɗo haaldi e Muusaa wi'i:— 2 Mbi'aa Eliyajar ɓii almaami Haaruuna wurtina ɓoɓtirɗe ɗeen ley yiite de sankita ƴulɓe majje sabo ɗe laatake ceniiɗe. 3 Ɓoɓtirɗe waɗuɓe hakke de rimani ɗum'en maayde ɗeen, ciiwee ngaɗee beɗi celbuɗi de ommbiree sakkirde sabo ɗe laatake ceniiɗe. Ɗe laatoo du ko sappanta Israa'iilankooɓe. 4 Almaami Eliyajar hooƴi ɓoɓtirɗe njamndi mboɗeeri ɗe yiite wuli joomiraaɓe muɓɓen ɗeen de waɗi ɗe ciiwaa ɗe ngaɗaa beɗi ommbirɗi sakkirde. 5 Ɗum laatanii Israa'iilankooɓe ko miccintinta ɗum'en ko si wanaa ƴuwdi Haaruuna, fay gooto jeyaa wulude ure yeeso Joomiraaɗo. Neɗɗo fuu ngaɗuɗo ɗum, ko hewtii Koora'en ɗuum hewtoto joomum fodde no Joomiraaɗo wiirunoo e hunnduko Muusaa noon.
6 Jaangoore majjum, Israa'iilankooɓe fuu ummii na ŋurŋurtana Muusaa e Haaruuna katin na mbi'a:
— On mbarii yimɓe Joomiraaɗo!
7 Nde Israa'iilankooɓe umminannoo ɓe muurtere fu, ɓe mbaylitii ɓe kucciti e dammbugal hukum Ceniiɗo. Wakkati oon pay, ruulde huurii hukum oon de teddeengal Joomiraaɗo ɓangi. 8 Muusaa e Haaruuna njottii yeeso hukum oon. 9 Joomiraaɗo wi'i Muusaa:
Muusaa e Haaruuna kippii e leydi. 11 Muusaa wi'i Haaruuna: hooƴu ɓoɓtirgal maaɗa ndoondi de ngattaa ƴulɓe sakkirde kuɓɓooje, ndufaa ure dow majje de njaawanaa waɗanoyde yimɓe ɓeen sadaka mooytoowo hakke sabo Joomiraaɗo tikkanii ɓe, faa masiiba baroo oon fuɗɗii.
12 Haaruuna waɗi ko Muusaa wi'i ɗuum. O doggi o yehi hakkunde jamaare Israa'iila tawi masiiba oon saamii hakkunde maɓɓe. O watti ure de o waɗi sadaka mooytoowo hakke. 13 O darii hakkunde maayɓe e wuurɓe de masiiba oon daarii. 14 Maayɓe wakkati oon tan wo yimɓe 14 700 baka maaydunooɓe e Koora ɓeen walaa. 15 Haaruuna yeccii to Muusaa dammbugal hukum toon, tawi masiiba oon darake.
Sawru Haaruuna
16 Joomiraaɗo wi'i Muusaa:
— 17 Haaldu e Israa'iilankooɓe mbi'aa hooreejo lenyol fuu hokke sawru wooturu, ɗum na hawra e cabbi 12. Dow sawru fuu mbinndaa innde hooreejo lenyol ngool. 18 Dow sawru Lewi, mbinndaa Haaruuna, sabo lenyol fuu sawru wooturu tan waddata. 19 Mballinaa cabbi ɗiin ley hukum Ceniiɗo yeeso keesuwal Amaana ɗo kawrammi e mooɗon ɗoon. 20 Mo sawru muuɗum wiliti fu, wo oon cuɓiimi. Wo noon mboɗɗinirammi on muurtere Israa'iilankooɓe ndeen.
21 Muusaa yottini Israa'iilankooɓe haala kaan de ardiiɓe lenyi ɓeen, mono fuu waddi sawru wooturu, ɗi kawri ɗi cabbi 12, sawru Haaruuna na wondi e majji. 22 Muusaa wallini ɗi yeeso Joomiraaɗo ley hukum keesuwal Amaana. 23 Jaangoore majjum, Muusaa naati ley hukum toon de tawi sawru Haaruuna ndu lenyol Lewi wilitii. Ndu waɗii haako e pinndi, wooɗi du ndu rimii ɓiɓɓe ɓennduɗe. 24 Muusaa wurtini cabbi ɗiin ley hukum toon de yaari ɗi hollowi Israa'iilankooɓe. Ɓe ndaari ɗi de mono fuu jaɓi sawru muuɗum. 25 Joomiraaɗo haaldi e Muusaa katin wi'i:
— Njeccinaa sawru Haaruuna nduun ɗakkol keesuwal Amaana de ndesaa ndu ɗoon faa ndu laatanoo saliiɓe waɗude ko mbi'aa fuu maande, taa ɓe maaya.
26 Muusaa waɗiri no Joomiraaɗo wi'iri ɗum noon.
27 Israa'iilankooɓe mbi'i Muusaa: