Joƴƴinirde fitillaaji nokkuure seniinde
8
1 Joomiraaɗo haaldi e Muusaa wi'i:3 Haaruuna waɗi ko Joomiraaɗo yamiri ɗuum. O joƴƴiniri fitillaaji ɗiin no njayninirta ɗakkol muɓɓen hono no o wi'ira noon. 4 Joƴƴinirde fitillaaji ndeen fuu wo kaŋŋe dimo tafiraa gilla ley faa hewti alhaali pinndiiji ngaɗaaɗi dow mayre. Nde tafiraa hono no Joomiraaɗo yamirnoo Muusaa noon.
No Lewinkooɓe ceninirtee
5 Joomiraaɗo wi'i Muusaa:
— 6 Cenndaa Lewinkooɓe e lenyi Israa'iila keddiiɗi de ceninaa ɓe. 7 Inan no ceninirtaa ɓe: mbiccaa ɓe ndiyam ceninoojam de ɓe pemmba ɓalli maɓɓe fuu, wooɗi du, ɓe lonna kaddule maɓɓe. Ndeen ɓe laatoo seniiɓe. 8 Ɓe kooƴa ngaari pamardi e sadaka conndi ko yaadata e muuɗum, ɗuum woni conndi ɗaatundi ɓoosidaandi e nebbam, aan du kooƴaa ngaari ɗiɗaɓiri de ngaɗon sadaka yaafeede. 9 Kawrondinaa Israa'iilankooɓe fuu yeeso hukum Ceniiɗo de ɓattinaa Lewinkooɓe ɓeen. 10 Ngaddaa ɓe yeeso Joomiraaɗo de Israa'iilankooɓe tugga juuɗe muɓɓen dow maɓɓe. 11 Ndeen Haaruuna holla kam Lewinkooɓe ɓeen hono dokkal Israa'iilankooɓe, caggal ɗuum ɓe laatoo gollanooɓe kam. 12 Lewinkooɓe ndeka juuɗe muɓɓen dow ko'e ga'i pamari ɗiɗi ɗiin de ɗi cakkanee Joomiraaɗo. Haaruuna waɗa ngootiri sadaka yaafeede hakkeeji maɓɓe, keddiindi du sadaka buleteeɗo faa mooyta hakkeeji maɓɓe. 13 Kennaa Lewinkooɓe yeeso Haaruuna e ɓiɓɓe muuɗum de ngaɗaa ɓe hono dokkal ceniingal yeeso Joomiraaɗo. 14 Noon cenndirtaa Lewinkooɓe laatiiɓe jeyal am ɓeen e Israa'iilankooɓe heddiiɓe.
15 Caggal ɗuum Lewinkooɓe ɓeen na mbaawi fuɗɗude golle muɓɓen ley hukum Ceniiɗo. Aan du, ceninaa ɓe de ngaɗaa ɓe laatoo dokkal yeeso Joomiraaɗo. 16 Sabo wo ɓe jeyal am, kamɓe ngoni dokkal am lunnde hammadiiɓe Israa'iila. 17 Awru Israa'iila fuu wo miin jeyi, gilla e yimɓe faa e dikkorɗi daabaaji. Gilla nyannde kalkunoomi hammadiiɓe Misira, njeytumi ɓe Israa'iila. 18 Mi waɗii Lewinkooɓe hono mbatta lunnde hammadiiɓe Israa'iila fuu. 19 Wooɗi du, mi hokkii ɓe Haaruuna e ɓiɓɓe muuɗum hakkunde Israa'iilankooɓe faa ngollana ɓe ley hukum oon, ɓeen ngaɗanta ɓe sadaka mooytoowo hakke. Noon laatortoo taa masiiba saama dow Israa'iilankooɓe saabe ɓattaade nokkuure seniinde.
20 Muusaa e Haaruuna e yimɓe Israa'iila fuu kawriti ngaɗi ko Joomiraaɗo yamiri Lewinkooɓe ngaɗanee fodde no wiirunoo Muusaa. 21 Lewinkooɓe ɓeen cenini ko'e muɓɓen de lonni kaddule muɓɓen. Haaruuna du, holli ɓe hono dokkal ngal Israa'iilankooɓe kokki Joomiraaɗo de waɗani ɓe sadaka mooytoowo faa ɓe laatoo seniniiɓe. 22 Caggal ɗuum Lewinkooɓe ɓeen puɗɗi gollude ley hukum Ceniiɗo. Haaruuna e ɓiɓɓe muuɗum ndawranta ɓe. Noon Lewinkooɓe ngaɗiranaa ko Joomiraaɗo yamiri ngaɗanee fuu fodde no wiirunoo Muusaa.
23 Joomiraaɗo wi'i Muusaa katin: