Limle 7

Sadaka Hukum Ceniiɗo

1 Nyannde Muusaa yottinnoo darnude hukum Ceniiɗo oon, o rufi nebbam ceninirɗam dow hukum oon faa o senina ɗum. Noon du, o seniniri kujje gonɗe ley hukum oon e hirsirde ndeen e gollitirɗe muuɗum fuu. O rufi nebbam ɗaam dow majje ɗe fuu. 2 Ndeen ardiiɓe lenyi Israa'iila, hooreeɓe cuuɗi ndaaranannooɓe limgal ɓeen ɓattii 3 ngaddi dokke muɓɓen yeeso Joomiraaɗo. Dokke ɗeen wo torkooji jeegom kuuraaɗi e ga'i 12. Torkooru fuu wo dokkal hooreeɓe ɗiɗo. Hooreejo lenyol fuu, ngaari ngootiri. Ɓe ngaddi ɗi yeeso hukum oon. 4 Joomiraaɗo haaldi e Muusaa wi'i:

— 5 Njaɓaa ko ɓe ngaddi ɗuum de ɗum golliree ley hukum Ceniiɗo. Kalfinaa ɗum Lewinkooɓe, mono fuu fodde haajuuji golle muuɗum.

6 Ndeen Muusaa jaɓi torkooji e ga'i ɗiin de hokki ɗi Lewinkooɓe. 7 O hokki Gersoninkooɓe torkooji ɗiɗi e ga'i nay fodde haajuuji gollal muɓɓen. 8 O hokki Merarinkooɓe torkooji nayi e ga'i jeetati fodde haajuuji gollal muɓɓen. Almaami Itamar ɓii Haaruuna woni mawɗo maɓɓe. 9 O hokkaay Kehatinkooɓe faa'e sabo gollal muɓɓen wo haybande kujje ceniiɗe e wakkaade ɗe.

10 Nyannde hirsirde ndeen seninanoo, ardiiɓe ɓeen ngaddi dokke muɓɓen. Ɓe ngaddi dokke maɓɓe yeeso sakkirde ɗoon. 11 Joomiraaɗo wi'i Muusaa:

— Ardiiɓe ɓeen ngaddira dokke muɓɓen gooto gooto saabe seningol sakkirde ndeen. Nyalaande fuu, ardiiɗo gooto wadda dokkal muuɗum.

12 Nyalaande go'aɓerde, Naasun ɓii Aminadaabu hooreejo lenyol Yahuuda waddi dokkal muuɗum.

13 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni , 14 tawti yardude waɗiraande kaŋŋe garamuuji 100 hebbinaande ure. 15 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 16 e ndamndi sadaka yaafeede. 17 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe . Ɗuum woni dokkal Naasun ɓii Aminadaabu.

18 Nyalaande ɗiɗaɓerde, Netanel ɓii Suwar hooreejo lenyol Isakar waddi dokkal muuɗum.

19 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni sadaka conndi, 20 tawti yardude waɗiraande kaŋŋe garamuuji 100 hebbinaande ure. 21 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 22 e ndamndi sadaka yaafeede. 23 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe sadaka dewral. Ɗum woni dokkal Netanel ɓii Suwar.

24 Nyalaande tataɓerde, Eliyaba ɓii Helon hooreejo lenyol Jabulon waddi dokkal muuɗum.

25 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni sadaka conndi, 26 tawti yardude waɗiraande kaŋŋe garamuuji 100 hebbinaande ure. 27 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 28 e ndamndi sadaka yaafeede. 29 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe sadaka dewral. Ɗum woni dokkal Eliyaba ɓii Helon.

30 Nyalaande nayaɓerde, Elisur ɓii Cedehur hooreejo lenyol Ruben waddi dokkal muuɗum.

31 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni sadaka conndi, 32 tawti yardude waɗiraande kaŋŋe garamuuji 100 hebbinaande ure. 33 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 34 e ndamndi sadaka yaafeede. 35 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe sadaka dewral. Ɗum woni dokkal Elisur ɓii Cedehur.

36 Nyalaande joyaɓerde, wo Celumiyel ɓii Surisaday hooreejo lenyol Simeyon waddi dokkal muuɗum.

37 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni sadaka conndi, 38 tawti yardude waɗiraande kaŋŋe garamuuji 100 hebbinaande ure. 39 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 40 e ndamndi sadaka yaafeede. 41 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe sadaka dewral. Ɗum woni dokkal Celumiyel ɓii Surisaday.

42 Nyalaande jeegoɓerde, Eliyasaf ɓii De'uwel hooreejo lenyol Gad waddi dokkal muuɗum.

43 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni sadaka conndi, 44 tawti yardude waɗiraande kaŋŋe garamuuji 100 hebbinaande ure. 45 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 46 e ndamndi sadaka yaafeede. 47 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe sadaka dewral. Ɗum woni dokkal Eliyasaf ɓii De'uwel.

48 Nyalaande jeɗɗaɓerde, wo Elisama ɓii Amihud hooreejo lenyol Efrayim waddi dokkal muuɗum.

49 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni sadaka conndi, 50 tawti yardude waɗiraande kaŋŋe garamuuji 100 hebbinaande ure. 51 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 52 e ndamndi sadaka yaafeede. 53 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe sadaka dewral. Ɗum woni dokkal Elisama ɓii Amihud.

54 Nyalaande jeetataɓerde, wo Gamaliyel ɓii Pedasur hooreejo lenyol Manasa waddi dokkal muuɗum.

55 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni sadaka conndi, 56 tawti yardude waɗiraande kaŋŋe garamuuji 100 hebbinaande ure. 57 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 58 e ndamndi sadaka yaafeede. 59 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe sadaka dewral. Ɗum woni dokkal Gamaliyel ɓii Pedasur.

60 Nyalaande jeenayaɓerde, Abidaan ɓii Gedeyoni hooreejo lenyol Benyamin waddi dokkal muuɗum.

61 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni sadaka conndi, 62 tawti yardude waɗiraande kaŋŋe garamuuji 100 hebbinaande ure. 63 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 64 e ndamndi sadaka yaafeede. 65 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe sadaka dewral. Ɗum woni dokkal Abidaan ɓii Gedeyoni.

66 Nyalaande sappoɓerde, Ahiyeser ɓii Amisaday hooreejo lenyol Dan waddi dokkal muuɗum.

67 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni sadaka conndi, 68 tawti yardude waɗiraande kaŋŋe garamuuji 100 hebbinaande ure. 69 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 70 e ndamndi sadaka yaafeede. 71 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe sadaka dewral. Ɗum woni dokkal Ahiyeser ɓii Amisaday.

72 Nyalaande sappo e go'aɓerde, wo Pagiyel ɓii Okoran hooreejo lenyol Aser waddi dokkal muuɗum.

73 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni sadaka conndi, 74 tawti yardude waɗiraande kaŋŋe garamuuji 100 hebbinaande ure. 75 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 76 e ndamndi sadaka yaafeede. 77 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe sadaka dewral. Ɗum woni dokkal Pagiyel ɓii Okoran.

78 Nyalaande sappo e ɗiɗaɓerde, Ahira ɓii Enan hooreejo lenyol Naftali waddi dokkal muuɗum.

79 Dokkal ngaal, wo taasawal gaɗiraangal cardi kilo e feccere e taasayel gaɗiraangel cardi garamuuji 800 fodde ponndirɗe gonɗe ley nokkuure seniinde. Ɗe ɗiɗi fuu iɗe kebbinaa conndi ɗaatundi ɓoosidaandi e nebbam, ɗum woni sadaka conndi, 80 tawti yardude waɗiraande kaŋŋe garamuuji 100 hebbinaande ure. 81 O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo, 82 e ndamndi sadaka yaafeede. 83 O waddi katin ga'i ɗiɗi e jawɗi joy e damɗi joy e njawkoy njoyoy koy ndunngu ngootu saabe sadaka dewral. Ɗum woni dokkal Ahira ɓii Enan.

84 Nii woni dokke ardiiɓe lenyi Israa'iila saabe hirsirde nyannde nebbam jooranoo dow mayre. Taasaaje cardi 12 e taasahoy cardi 12 e jarduɗe kaŋŋe 12. 85 Taasawal gootal fuu, cardi kilo e feccere waɗiraa. Taasayel gotel fuu, garamuuji cardi 800 waɗiraa. Ɗum fuu iɗum hawra e kilooji cardi 27 e feccere fodde ponndirɗe nokkuure seniinde. 86 Jarduɗe 12 kebbinaaɗe ure ɗeen du, wootere fuu garamuuji kaŋŋe 100 waɗiraa fodde ponndirɗe nokkuure seniinde. Jarduɗe ɗeen fuu teddeefi muɓɓen wo garamuuji 1 200. 87 Tawti ga'i 12 e njawɗi 12 e njawkoy koy ndunngu ngootu 12 ngaɗeteekoy sadaka buleteeɗo, e conndi e damɗi 12 saabe sadaka yaafeede. 88 Ɓe kokki ga'i 24 e jawɗi 60 e damɗi 60 e njawkoy 60 koy ndunngu ngootu saabe sadaka dewral. Ɗum woni ko hokkaa nde seningol sakkirde ndeen timmunoo.

89 Nde Muusaa naatata ley hukum Ceniiɗo faa haalda e Joomiraaɗo fu, na nana daande dow keesuwal Amaana hakkunde keruba'en na haalda e muuɗum.