No lenyi Israa'iila koɗirta
2
1 Joomiraaɗo haaldi e Muusaa e Haaruuna wi'i:Hoɗorde Yahuuda
3 Hoɗorde Yahuuda heeda lettugal hukum oon ley darappo muuɗum. Ɓe koɗira fedde fedde. Naasun ɓii Aminadaabu woni hooreejo lenyol Yahuuda. 4 Limgal sordaasiiɓe maɓɓe wo 74 600. 5 Ɓe kodda e lenyol Isakar e ngol Jabulon. Netanel ɓii Suwar woni hooreejo lenyol Isakar. 6 Limgal sordaasiiɓe maɓɓe wo 54 400. 7 Lenyol Jabulon du, wo Eliyaba ɓii Helon woni hooreejo muɓɓen. 8 Limgal sordaasiiɓe maɓɓe wo 57 400. 9 Ndelle sordaasiiɓe hoɗorde Yahuuda fuu wo 186 400. Lenyi tati ɗiin ardotoo yimɓe Israa'iila nde eggata fu.
Hoɗorde Ruben
10 Hoɗorde Ruben heeda faro horɗoore ley darappo muuɗum. Ɓe koɗira fedde fedde. Elisur ɓii Cedehur woni hooreejo lenyol Ruben. 11 Limgal sordaasiiɓe maɓɓe wo 46 500. 12 Ɓe kodda e lenyol Simeyon e ngol Gad. Celumiyel ɓii Surisaday woni hooreejo lenyol Simeyon. 13 Limgal sordaasiiɓe maɓɓe wo 59 300. 14 Lenyol Gad du, wo Eliyasaf ɓii Rewel woni hooreejo muɓɓen. 15 Limgal sordaasiiɓe maɓɓe wo 45 650. 16 Ndelle sordaasiiɓe lenyi tati ɗiin fuu wo 151 450. Ɓeen ndewtata hoɗorde Yahuuda.
Lewinkooɓe
17 Caggal hoɗorde Ruben, hoɗorde Lewi rewtida e hukum Ceniiɗo oon. Ɓe ngona hakkunde koɗorɗe sordaasiiɓe ɗiɗi ardiiɗe e ɗiɗi cakitiiɗe ɗeen. Ɓe ummoroo hoɗorde hoɗorde, ɓe njokkondira ɓeya fuu ley darappo muɓɓen.
Hoɗorde Efrayim
18 Hoɗorde Efrayim heeda faro gorgal hukum oon ley darappo muuɗum. Ɓe koɗira fedde fedde. Elisama ɓii Amihud woni hooreejo lenyol Efrayim. 19 Limgal sordaasiiɓe maɓɓe wo 40 500. 20 Ɓe kodda e lenyol Manasa e ngol Benyamin. Gamaliyel ɓii Pedasur woni hooreejo lenyol Manasa. 21 Limgal sordaasiiɓe maɓɓe wo 32 200. 22 Lenyol Benyamin du, wo Abidaan ɓii Gedeyoni woni hooreejo muuɗum. 23 Limgal sordaasiiɓe maɓɓe wo 35 400. 24 Ndelle sordaasiiɓe lenyi tati ɗiin fuu wo 108 100. Ɓeen ndewtata Lewinkooɓe.
Hoɗorde Dan
25 Hoɗorde Dan heeda faro soɓɓirre hukum oon ley darappo muuɗum. Ɓe koɗira fedde fedde. Ahiyeser ɓii Amisaday woni hooreejo lenyol Dan. 26 Limgal sordaasiiɓe maɓɓe wo 62 700. 27 Ɓe kodda e lenyol Aser e ngol Naftali. Pagiyel ɓii Okoran woni hooreejo lenyol Aser. 28 Limgal sordaasiiɓe maɓɓe wo 41 500. 29 Lenyol Naftali du, wo Ahira ɓii Enan woni hooreejo muɓɓen. 30 Limgal sordaasiiɓe maɓɓe wo 53 400. 31 Ndelle sordaasiiɓe lenyi tati ɗiin fuu wo 157 600. Ɓeen cakitotoo ndewtida e darapooji muɓɓen.
32 Israa'iilankooɓe winndaaɓe fodde cuuɗi muɓɓen e koɗorɗe muɓɓen fuu wo worɓe 603 550. 33 Lewinkooɓe limdaaka e maɓɓe sabo Joomiraaɗo yamiriino Muusaa taa limda ɓe e Israa'iilankooɓe.
34 Noon Israa'iilankooɓe ngaɗiri ko Joomiraaɗo yamiri Muusaa fu. Iɓe koɗa ley darapooji maɓɓe, wooɗi du, iɓe eggira lenyol lenyol e suudu suudu.