Dewtere Limle
Limgal go'aɓal
1
1 Hitaande ɗiɗaɓerde wurtagol Israa'iilankooɓe leydi Misira, nyannde go'o lewru ɗiɗaɓurdu, Joomiraaɗo haaldi e Muusaa nder ladde Sinayi yoornde ley Hukum Ceniiɗo wi'i ɗum:— 2 Limon Israa'iilankooɓe haddi lenyi muɓɓen e cuuɗi muɓɓen fuu. Mbinndon inɗe worɓe fuu, gooto gooto. 3 Aan e Haaruuna, mbinndon inɗe worɓe ɓe duuɓi 20 yaade yeeso, hewtuɓe tiigaade kaɓitirɗe konu, fodde to njeyaa hakkunde geɓe konunkooɓe Israa'iila fuu. 4 Lenyol fuu hooreejo muuɗum gooto, wara wallita on. 5 Inan inɗe worɓe wallitooɓe on ɓeen:
Lenyol Ruben, wo Elisur ɓii Cedehur.
6 Lenyol Simeyon, wo Celumiyel ɓii Surisaday.
7 Lenyol Yahuuda, wo Naasun ɓii Aminadaabu.
8 Lenyol Isakar, wo Netanel ɓii Suwar.
9 Lenyol Jabulon, wo Eliyaba ɓii Helon.
10 Lenyol Efrayim ɓii Yuusufi, wo Elisama ɓii Amihud.
Lenyol Manasa ɓii Yuusufi, wo Gamaliyel ɓii Pedasur.
11 Lenyol Benyamin, wo Abidaan ɓii Gedeyoni.
12 Lenyol Dan, wo Ahiyeser ɓii Amisaday.
13 Lenyol Aser, wo Pagiyel ɓii Okoran.
14 Lenyol Gad, wo Eliyasaf ɓii De'uwel.
15 Lenyol Naftali, wo Ahira ɓii Enan.
16 Ɓee ngoni hooreeɓe lenyi Israa'iilankooɓe, halfinaaɓe cuuɗi maamiraaɓe muɓɓen. 17 Muusaa e Haaruuna adi suɓaaɓe ɓeen faa mballita ɗum'en. 18 Ɓe kawrondini Israa'iilankooɓe fuu nyannde go'o lewru ɗiɗaɓurdu. Worɓe hewtuɓe duuɓi 20 yaade yeeso fuu inɗe muɓɓen mbinndaa gooto gooto fodde lenyi muɓɓen e cuuɗi muɓɓen. 19 Noon Muusaa waɗiri limgal ngaal fodde no Joomiraaɗo yamiri ngal waɗiree ley ladde Sinayi yoornde toon.
20 Lenyol Ruben, oon woni hammadiijo Israa'iila: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 21 wo 46 500.
22 Lenyol Simeyon: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 23 wo 59 300.
24 Lenyol Gad: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 25 wo 45 650.
26 Lenyol Yahuuda: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 27 wo 74 600.
28 Lenyol Isakar: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 29 wo 54 400.
30 Lenyol Jabulon: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 31 wo 57 400.
32 Lenyol Efrayim, ɓii Yuusufi: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 33 wo 40 500.
34 Lenyol Manasa, ɓii Yuusufi: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 35 wo 32 200.
36 Lenyol Benyamin: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 37 wo 35 400.
38 Lenyol Dan: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 39 wo 62 700.
40 Lenyol Aser: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 41 wo 41 500.
42 Lenyol Naftali: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu 43 wo 53 400.
44 Ɓee ngoni ɓe Muusaa e Haaruuna e hooreeɓe cuuɗi Israa'iila 12 ɓeen limi. 45 Israa'iilankooɓe worɓe waɗube duuɓi 20 yaade yeeso, hewtuɓe tiigaade kaɓitirɗe konu limaaɓe fodde cuuɗi muɓɓen fuu, 46 wo sordaasiiɓe 603 550.
Lenyol Lewi
47 Lewinkooɓe limidaaka e lenyi Israa'iila keddiiɗi wakkati limgal ngaal 48 sabo Joomiraaɗo haaldiino e Muusaa wi'i:
— 49 Taa mbinndaa lenyol Lewi, taa ɓe limdee e Israa'iilankooɓe. 50 Ammaa ɓe kalfinee hukum keesuwal amaana to kam e kujje feere feere ceniiɗe fuu ndesaa. Ɓe laatoo rondotooɓe hukum oon e kujje feere feere gonɗe ley muuɗum; ɓe koɗa ɓe piiloo hukum oon de ɓe kaybana ɗum. 51 Nde eggoton fuu, wo kamɓe njeyi huuncude hukum oon; wooɗi du ɗo koɗoton fuu, wo kamɓe njeyi darnude ɗum. Mo wanaa jeyaaɗo e maɓɓe de ɓadii ɗoon fuu wo bareteeɗo. 52 Israa'iilankooɓe heddiiɓe du, mono fuu hoɗa nokkuure darappo lenyol muuɗum fodde to jeyaa hakkunde geɓe konunkooɓe Israa'iila. 53 Lewinkooɓe kaa, koɗa piiloo Hukum oon taa tikkere am mawnde saama dow Israa'iilankooɓe. Ɓe kakkilana hukum oon sanne.
54 Israa'iilankooɓe ngaɗiri no Joomiraaɗo yamiri Muusaa noon pay.