कुरेंति कलिसियातोर्क पौलुस रासता मोदाटा सिट्टि
इद सिट्टिता बारेमते सिन्नगा परिचयम
रासतोना पोर्रोल: पौलुस.
रासता वर्सा: इसवि सन 56.
प्रेरित पौलुस, कुरेंति सहरता विस्वासुल्कुनाहाटीं इपिसुस सहरताल इद सिट्टि रासतोर. किरिस्तुना बेसता कबुर वेहालय रोंडो मल्कां वातस्के, ई कुरेंति सहरते कलिसिया सुरु कीतोर. अगा कोन्नि रोजकु मंचि अगटाल होत्ता पजा, अद कलिसियाते वेल्लेने समस्यां तयार आतां. अव समस्यांकु समादान वेहालय कुरेंति सहरता विस्वासुल्कुंक इद मोदाटा सिट्टि रासतोर. आ कलिसियातोर्कुंक वरोनद-वरोंक अर्राकुंटा आयमळ, पापम कबळ कियमळ इल्हा जर्गसेक मत्ता. इवन्नि बेसता कबुरता हेंदाले समादान दोर्का पर्रंता इंचि रासतोर.
मनम किरिस्तुना मनकलोर्कुम इंचि वट्टिदे मंदानायो, गानि किरिस्तुनालेसिं ताकाना, पवित्रते बेर्स्सेके होंदाना, वरोंक-वरोर पावरम कियमळे पेद्दा पोल्ले आंद, इंचि रासतोर.
बगा बतल मंता
जोहर 1:1-3
पौलुस पेनदुन दन्यवाद कींतोर 1:4-9
विस्वासुल्कुना लोपो वरोनद-वरोंक अर्राकुंटा मनमळ 1:10-17
पेनदा ताकत आनि तेल्वि किरिस्तु आंदुर 1:18-31
क्रुसुनपोर्रो वेलळ वाटता किरिस्तुना बारेमते बेसता कबुर 2:1-5
पेनदा तेल्वि 2:6-16
पेनदा दासुल्कुना विचारम अलग-अलग मननायो 3:1-23
पेनदा मर्ममता देकरेक कियानोर 4:1-21
कलिसियातोर्कुना लोप्पो बोगमतनम कियमळ 5:1-13
विस्वासुल्कुना नड्डुम जगडम आयानदुन न्यायम कियमळ 6:1-11
मेंदुल्तुन पेनदा महिमाताहाटीं वाळकुंटु 6:12-20
मर्मिना बारेमते 7:1-16
पेन बारि केय्तानो अदुनहाटींगे पिस्सट 7:17-40
मोळ्कता उपारम 8:1-13
प्रेरितुल्कुना अदिकार 9:1-27
बोम्माना पूजा कियमट 10:1-13
सामिना उपारम आनि बोम्माना उपारम 10:14-33
आरादनातस्के मुर्ताह्कु तल्ला मुचमळ 11:1-16
पेनदा उपारम 11:17-34
पवित्र आत्मा हिय्यना वरमकु 12:1-11
मेंदुल उंदि दाना बागाल्कु वेल्लेने 12:12-31
पावरम कियमळ अन्निंकन्ना बेस पोल्ले आंद 13:1-13
वेरे-वेरे बासां आनि बविस्यवानि 14:1-25
आरादना कियानाहाटीं तरिका मनना 14:26-40
किरिस्तुना जीवा अरमळ 15:1-11
मनम जीवाते तेदमळ 15:12-34
जीवाते तेदता मेंदुल 15:35-58
येरुसलेमता कलिसियातोर्कुनाहाटीं चंदा 16:1-4
पौलुसना पय्नम होनना विचारम 16:5-18
आकिरता जोहर 16:19-24