रोम सहरतोरहाटीं पौलुसना सिट्टि
इद पुस्तकोमता बारेमते परिचयम
इद सिट्टि रासतोना पोर्रोल: पौलुस.
पौलुस इद सिट्टि रासाका मुन्ने रोम सहरते होना हिल्लोर. अदुनहाटीं इद सिट्टि रासि अगाटा विस्वासुल्कुंक ओर ओना सतता परिचयम वेहचंतोर. अयना अगाटा विस्वासुल्कुनाल इच्चुर विस्वासुल्क ओन्क एरपाट मत्तुर. अय्ते पौलुसुंक ओरगा होंचि कोन्नि रोजकु ओरतोनि मंचि, ओर्क येसु किरिस्तुना बारेमता बेसता कबुर वेहचि पजा अगटाल इसपानिया इनना देसेम होनना पिलान मत्ता.
दुनियाते मनना अन्नि जातिना लोकुल्क उंदच्चोने पापम कीसि मंतुर. पेनदा मुन्ने नित्तना इत्ते अंटोरगुडा सत्तेमंतुल्क आया पींता, अस्केन पेनदा मुन्ने नित्ता परांतुर. बोरय्ते येसु किरिस्तुन पोर्रो विस्वासम इर्रंतुर पेन ओर्कुन सत्तेमंतुल्क कीसि, पूना पिसवर हींता. बच्चोन तकलिप्क-कस्टाल्क वायिनागानि ओप्के पीसि मनालय येसु किरिस्तु ओना पवित्र आत्मा हेंदाल ताकत हींतोर.
इद सिट्टिता आकिर-आकिरते, मना पिसवर पेनदा सेवाहाटींगे मंदना, विस्वासुल्क अंटोर पावरमते बेस कलियसि मंदना, मना दंटाता विस्वासुल्क हर्रि तप्सि होनाकोंटा ओर्कुन बेस हूळकुनना. इल्हा अंटोर विस्वासुल्क कलियसि पिस्ते वेल्लेन सांति-समादानम दोर्कंता. इसोंटा पोल्लें पौलुस रासतोर.
बगा बतल मंता
रोमि विस्वासुल्कुंक पौलुस सतता परिचयम वेहंतोर 1:1-17
अंटोर्क पापिर्के इंचि पौलुस वेहमळ 1:18-32
पौलुस अंटोर्क पापिर्क इंचि वेहचि यहुदिल्कुना नियमकु वेहंतोर 2:1-29
हीता पोल्लेताल पेन पजोळ्क होन्नो 3:1-8
पापम हिल्वोर बोर हिल्लोर, पेन मनकलोर्कुन सत्तेमंतुल्क कींता 3:9-31
अब्राहामुना विस्वासम 4:1-25
पेनतोनि सत्तेमते मनमळ 5:1-11
आदाम आनि येसु 5:12-21
पापमहेंदाल हामुर आनि किरिस्तुनहेंदाल पिसवर 6:1-14
सत्तेमता सेवा कियना 6:15-23
मरमिना उदाहरन 7:1-6
मूसाना नियम आनि पापम, मरकना परिस्तिति 7:7-25
पेनदा आत्माता ताकतते पिसमळ 8:1-17
मनाकु पेनदा महिमाता वेलगु दोर्कंता 8:18-39
यहुदिल्कुनपोर्रो पौलुस होंग आंतोर 9:1-33
पेन अंटोर्कुन पिसागोटंता 10:1-21
पेन दाना लोकुल्कुन होळसो 11:1-12
यहुदिल्क विस्वासमते वायनुर इंचि पौलुस आसे पळांतोर 11:13-24
पेन इस्राएल लोकुल्कुन पिसागोटंता 11:25-36
मीवा पिसवरतुन पेनदुक अप्पजेप्पट 12:1-21
अदिकारिना कय्दा हिळु मंदना 13:1-14
इंका वरोना कदर कीम्ट 14:1-12
इंकावरोन पापमते अराहमट 14:13-23
विस्वासमते कमजोर मत्तोर्कुंक सहायम कियना 15:1-21
पौलुस रोम सहरते होनमळ 15:22-33
विस्वासुल्कुंक पौलुस नमस्कारम वेहमळ 16:1-27