गलातिया एरियाते मनना विस्वासुल्कुंक पौलुसना सिट्टि
इद पुस्तकोमता बारेमते परिचयम
इद सिट्टि गलातिया इनना एरियाते मनना विस्वासुल्कुंक पौलुस रासतोर. इद एरिया दक्सिन आसियाते वांता. इद सिट्टि पौलुस गलातियाते मनना विस्वासुल्कुंक बारि रासतोर इत्ते, अगाटा विस्वासुल्क तप्पुड बोदां केंजसि निजम विस्वासमताल लक्कु आतुर. ओर्कुन मर्रा निजम विस्वासमते तरनाहाटीं पौलुस इद सिट्टि रासतोर.
पौलुसुन प्रेरित इंचि बोर मनकलोर पेर्रा हिल्लुर गानि कुद्दु पेने ओन येसु किरिस्तुना कबळहाटीं पेरता. आनि पौलुसना उद्देसमगुडा यहुदि आयवोर लोप्पो होंचि किरिस्तुना बारेमता बेसता कबुर वेहना मत्ता.
इद सिट्टिते पौलुस इंका इल्हा रासतोर गदा, दुनियातोर अंटोर पापम कीसि पेनदा पावरमताल लक्कु आतुर. गानि येसु किरिस्तुन पोर्रो विस्वासम कीसि मर्रा पेनदुक दग्गेरे आयावच्चु. येसु किरिस्तुन पोर्रोटा विस्वासमहेंदाल पेनदा पावरम मनकंक दोर्कंता. अदुनहाटीं ओरा कबाह्कगुडा बेस जर्गंतां.
बगा बतल मंता
नमस्कारम आनि परिचयम 1:1-10
पौलुस वेहना बेसता कबुर पेनदागटाल वाता 1:11-24
पौलुस कराहता पोल्लेन प्रेरितुल्क ओप्कुंतुर 2:1-10
पौलुस पत्रुंक विरोद कींतोर 2:11-21
विस्वासम कियानोंके पेनदा आसिर्वादम दोर्कंता 3:1-14
मूसाना नियम आनि पेनदा पोल्ले 3:15-20
मूसाना नियमते पिसवर हिल्ले 3:21-29
पेनदुन एरपाट कीसि ताकाना 4:8-31
यहुदि आयवा विस्वासुल्कुंक कतनाता अव्सरम हिल्ले 5:1-12
पेनदा आत्मा वेहताप ताकाना 5:13-26
वरोंक वरोर सहायम कीम्टु 6:1-10
सिट्टिता आकिर पोल्लें 6:11-18