King'ēētēē :Yēēsu meerat
16
1 Kii nēē rook :pērēētuu *Sapaato, ku-al :mpō Maaryaa Maktaleena, Maaryaa eeyaa Chēēmis, ākōō Sālōōmē mwaar sikupa kuu-iilee pōōr pō Yēēsu. 2 Paani kayyeech :kōōrēē ku kaakupuusu asiis pērēētuu nyēpō taay nyēpō wiiki, kupa :chēēpyōōsōōchoochēē ākōy yi /kiikuutē pōōr pō Yēēsu. 3 Kumii aree, kuteep keey kilē, “Ng'oo :nyoo wō kumiltoowēēch korta nyi /kiikukaree kurkeetaa kēpēn?” 4 Paani ka-it yoonēē, kuuro kēpēnēē kuyaataat, /akiikeemilta korta. Ki ōōw koroonēē kwōng'uut. 5 Paani kachuut kēpēnēē, kuuro chiich nyoo mii kutēpēē ng'wēny ēēruung'waang' pō taay. /Kiikiilaak sira nyoo rēēl, kikwōng'yō :chēēpyōōsōōchoochēē. 6 Kumwoochi :chiichoonēē kilē, “Mookwōng'yō, ānkēt kilē āmii āwāsēy Yēēsu nyēpō Naasareet, nyoo /kiikupārchi kimurtooyoon. Moomii yēēnyi, kaakung'eeta meerat. Aroo kee yi kēēmii pōōrtō. 7 Apee āmwoochii kiineetanichiich ākōō Pēētērō kilē, ‘Kaakuuntoroor :Yēēsu kuwō Kalilaaya. Āpēētii ānyōōrchinii wōliinēē kilēē paani kiimwoorwook.’ ” 8 Kupeera :chēēpyōōsōōchoochēē kēpēnēē akumwēr āmu kiipōōtānchō akukwōng'yō. Kumaakumwoochi chiich aka tōkōl nkōō aree ng'aleechoochēē, āmu kiiwāriisyō kitya.[Māting'ēy siruut walak king'eetee kii-iitō nyēpō 9 ākōy 20]
King'uutinii keey :Yēēsu Maaryaa Maktaleena
9 Paani kiing'eeta :Yēēsu meerat koorōōn, nēē mii pērēētuu nyēpō taay nyēpō wiiki, kung'uuti keey kupōk Maaryaa Maktaleena, cheepyoosoonoonēē kii-ōōnchinii :Yēēsu toomirmiirēy tisap choo kii-iimēy. 10 Kuwō :cheepyoosoonoonēē ākōy wōloo kiimii kuriiryēērēē :kiineetanipō Yēēsu akumwoochi ng'aleechoochēē. 11 Paani kāmwoochi kilē kaaroo Yēēsu akusopoot, kimaaran.
King'uutinii keey :Yēēsu kiineetanichiich ārēēny
12 Kuureer :Yēēsu kung'uuti keey kiineetanichiich ārēēny choo kiimii kupkoonēē Chēērusālēēm. Kung'uuti keey nkōō aree aka nyoo kimēēmuukēy kusōwu :kiineetanichoochēē kilē Yēēsu :inyeentee. 13 Paani kāsōwu :kiineetanichoochēē ārēēny kilē kii Yēēsu :nyoonēē, kuchaayta ākōy Chēērusālēēm kipa kumwoochi kiineetanik chuuchō walak, kimaakuuran.
King'uutinii keey :Yēēsu kiineetanichiich choo kii lēē taman nkōō ākoong'o
14 Nēē mii lētuun, kung'uuti keey :Yēēsu kiineetanik choochēē kii lēē taman nkōō ākoong'o kumii ku-āmiisyēy. Kipōlchi :Yēēsu akwaaneek āmu kiitay kuuran kilē kaakung'eetee :inyeentee meerat, akutay kuuran ng'alēēpō piich choo kiimwoorēy kilē keero Yēēsu kilē sopoot.
Kumwoochinii :Yēēsu kiineetanichiich kupa ku-amtaata lōkōōy choo kāroomēēn nkōō ng'wēny tōkōl
15 Kiimwoochi :Yēēsu kiineetanichiich kilē, “Apee ng'wēny tōkōl, ā-āmchinootō piich tōkōl lōkōōy choo kāroomēēn. 16 Chiich aka tōkōl nyoo keeran ng'aleechuuch /akeepaatiisan, /kēēsāruuy. Ku nyoo mēērānēy ng'aleechuuch, kēētilchinii kiirwook. 17 /Kuutēnii choo rānēy ng'aleechu kaamuuka nyoo muukēy ku-oon *toomirmiirēy chaa raacheen nkōō kaarineenyuun. Ng'āloolēē ng'ālyēēp choo mēēnkēt. 18 Muukēy mpō kunam kipaang'ōōy nkōō ēēruunēkwaak, ntā kura ng'woonō aka tōkōl aku mā-āmēy :kir akwaaneek. Nēē tiing'ō ēēruunēkwaak piich choo mnyoonsōōt, kusopyō.”
/Kiiku-āp Yēēsu kuwō kipsēnkwēt
19 Kii nēē waang' :Kiptaayaan Yēēsu kung'āloolchinii kiineetanichiich, /kēē-āp kuwō kipsēnkwēt akuwō kutēpō ēēruu taay nyēpō Iriin.
Amtaar nyēpō lōkōōy choo kāroomēēn
20 Kiipa :kiineetanik kupa ku-amtaata lōkōōy choo kāroomēēn nkōō kōōrēē tōkōl. Kiimii :Kiptaayaan nkōō akwaaneek ku-āmtootēy lōkōōyichoochēē akuutēnii akwaaneek kaamuuka ku-irēy tukun choo mēēmuukēy ku-ir :chiich, kung'uutinii piich kilē pō man lōkōōyichoochēē kāroomēēn.