Kimii :Yēēsu taayuu Pilaato
15
1 Paani kāwō kuyyeech kōōrēē kupa kiilap *:tisiik choo ēēchēēn, koonēēt chēpō ng'ātuut ākōō kāāntōōy ākōō kōōk tōkōl nyēpō Yāwuutik, nēē ityō kirat Yēēsu, akuumut kaa *Pilaato. 2 Kii nēē it, kuteep *:Pilaato Yēēsu kilē, “Inyēēn :pāytooyiintoo Yāwuutik?” Kuwālchi :Yēēsu kilē, “Keemwee kilēē nyoonēē.” 3 Kuutoomchi *:tisiik choo ēēchēēn kilē kiiku-ir Yēēsu ng'al chaa chaang' chaa raacheen. 4 Kuteep *:Pilaato Yēēsu kilē, “Moomii kiyoo iwāluuy nkōō ng'aleechu raacheen mwoorēy :pichu kilē kii-ir?” 5 Kumaakuwālchi :Yēēsu ng'ālyoon. Kikwōng' *:Pilaato.Kuutyāmēy :Pilaato kuutyaayta Yēēsu
6 Nkōō kēnyii aka tōkōl nyoo kyoomēy :Yāwuutik *Tuumpō Pasaka, ku kiityooytooy *:Pilaato chiich ākoong'o nyoo rataat nyoo kāsoom :Yāwuutik kilē /keetyaayta. 7 Kiimii :chiich aka nyoo /kiikikuurēē Paraapa nyoo /kiikurat nkōō piich walak choo /kiikurat choo kiipar chiich nkōō pooryoot. 8 Nkōō yoonēē, kuurumchi keey :piich *Pilaato akusoom kuutyooytoochi chiich ākoong'o nyaa rataat kilēē paani cham /kēētyooktooy nkōō pērēētuu *Pasaka. 9 Kuteep *:Pilaato pichoochēē kilē, “Āmārēy ātyookwook pāytooyiintoo Yāwuutik?” 10 Kiiteep *:Pilaato pichoochēē kilēē nyoonēē āmu kiinkēt kilē kiimuti *:tisiik choo ēēchēēn inyeentee akipō tuurin pō moo.
11 King'am :tisiichoochēē ēēchēēn piich tōkōl kumwoochi *Pilaato kuutyaayta Paraapa nyoo kātēētyooytooy Yēēsu. 12 Kuteep *:Pilaato kilē, “A-irta nee nyuun chiichi ākuurēē pāytooyiintoo Yāwuutik?” 13 Kumwoochi :piich tōkōl kilē, “Karkaata!” 14 Kuteep *:Pilaato kilē, “Āmu nee, kaleel nee :chiichi?” Kitas taay :pichoochēē kupōl kilē, “Karkaata!” 15 Kilēē yi kiimārēy *:Pilaato kuupaypaay piich, kuutyaayta Paraapa, akumwoochi askariichiich kuutwoor Yēēsu akuutētō /pakeekarkaat.
Kipiirēnēē :askariipō Pilaato Yēēsu
16 Kiimut :askariik Yēēsu ākōy wōli kiimāng'ēy :akwaaneek akukuur lukēē tōkōl nyēpō pooryoot. 17 Kuuloochi :pichoochēē Yēēsu sirōōpō pāytooyiin. Kunaar nkat nyēpō kātōōy akuuloochi mētinyiin. 18 Paani kaakuuloochi tukuuchoochēē, kuutaakwees kilē, “Iril! Pāytooyiintooni pō Yāwuutik!” 19 Kulapa :pichoochēē Yēēsu kaarya mēt akung'uti, akukutung'ō taayuunyiin ku-irtooy keey kilē kēēkoonyit. 20 Kii nēē waang' :pichoochēē kupiirēnēē Yēēsu, kung'usta siraa pāytooy nyi kāting'ēy akuuloochi siroochiich, akuurēētō /keepa /keekarkaat.
/Kēēpārchinii Yēēsu kimurtooyoon
21 Kumii aree, kutuuyēērō chiich nyoo kiimii kuwēētiiy Chēērusālēēm. /Kiikikuurēē chiichoonēē Siimnyōn nyēpō Kurēēnō akii apootaa Aleekisaanta ākōō Ruupō. Ku-ir :pichoochēē inyeentee kukalap kimurtooyoontoo Yēēsu. 22 Kiimut :pichoochēē Yēēsu ākōy yoo /kiikikuurēē Kolkoota. (Nēē /kiwal ng'ālyoontooni lēē Kolkoota ku ārii reenkeesyaa mēt.) 23 Kuutē :pichoochēē Yēēsu *tiipaay choo /kiikuuwaar ākōō saakit walak kilē sikuupoot ng'woonin. Kutay :Yēēsu kira. 24 Kupārchi :pichoochēē Yēēsu kimurtooyoon, akichārchi keey siroochiich, ku-istō *sēkēēr sikusōwu kilē ng'oo :nyoo āpēy nyōō. 25 Kii saayit sōmōk nyēpō koorōōn paani /kiikupārchinii Yēēsu kimurtooyoon. 26 /Kiikusirchi ng'aleechu kii-ir /keekeet kimurtooyoontēē. Kiimwoorēy :ng'aleechoochēē kilē: ‘pāytooyiintoo yāwuut.’ 27 Kiipārchi :askari chēēlōsōōstiin ārēēny kimurtooyoon kitas keey ākōō Yēēsu. Kiipārchi aka kamaspō ēēruu taay nyēpō Yēēsu; kipārchi aka ēēruu lēt.a 29 Kiipirpiirēy :piich choo kiisiirtooy mētēwēyiikwaak akumuulēy Yēēsu kumwoochinii kilē, “Inyēēn nyoo imuukēy isyaar *Kōpō Iriin akiireer iteek nkōō pērēētuus sōmōk! 30 Sāruu keey sōō! Rēkuunēē kimurtooyoon!” 31 Kimuul mpō *:tisiik choo ēēchēēn ākōō koonēēt chēpō ng'ātuut Yēēsu kimwoorēy kilē, “Kiisāru :chiichi piich walak, nku mēēmuukēy kusāru keey. 32 Kimārēēchaan keeroo *Meesaaya, pāytooyiintooni pō *Israayeel kurēku nkōō kimurtooyoon sikeerana ng'aleechiich.” Kumuul mpō :pichu kiikupārchi kimurtooyoon ākōō inyeentee.
Meeraa Yēēsu
33 Kii nēē it saayit lo nyēpō pērēēt kuchō :tuurin nyoo kiikar kōōrēē tōkōl, ākōy saayit sokool. 34 Paani ka-it saayit sokool, kuunchō :Yēēsu kilē, “Iriinteenyuun, Iriinteenyuun, āmu nee siimētoon?”† (Kiimwooruuy nyoonēē nkōō kuutiinyiin kilē, “Ēlōōyi, ēlōōyi, leema sapaktaani?”) 35 Paani kateer :piich walak choo kiimii yoonēē, kilē, “Ateertee kee, mii kukuurēy *Eliicha.” 36 Kuurip :chiich aka akunam anka nyoo kuulēy pēr akuuchuut *:tiipaay choo ng'woonēēn. Kunam ankaanoonēē kuruti keet akuukoorchi kuutii Yēēsu akilē, “Akanya /sikeeroo nēē chōōnēy *:Eliicha kuurēēkuuy nkōō kimurtooyoon.” 37 Kuunchō :Yēēsu akima. 38 Kupaala :anka nyoo kiisēēkēnēēnēy mu *Kōpō Iriin kupka ārēēny kung'eetee mēt ākōy keel. 39 Paani keerō :āskāriintēē nyoo ōōw nyoo kiiryoong'ēē taayuu kimurtooyoontoo Yēēsu,b wōloo kameerta :Yēēsu kilē, “Man, koo Wēēroo Iriin :chiichi.”
40 Kiimii :chēēpyōōsōōy walak choo kiirōōtunēē wōloo lōōw. Nkōō chēēpyōōsōōchu ku kiimii :Maaryaa Maktaleena ākōō Maaryaa eeyaa Chēēmis nyoo mining' ākōō Chōōsēs, ākōō Sālōōmē. 41 Kiituupootēy :chēēpyōōsōōchu Yēēsu akuutoorētēy paani kiimii Kalilaaya. Kiimii mpō :chēēpyōōsōōk walak yoonēē chaa chaang' choo kiituup Yēēsu ākōy Chēērusālēēm.
/Kēēsiintooy pōōrpō Yēēsu
42 Kii nee it :kosoliny nyēpō pērēētuu nyoo kiichēpēy keey :Yāwuutik kukānyoonuuy *:Sapaato, 43 kuwō :chiich aka nyoo /kikukuurēē Chōōsēp nyēpō Arimateeya nkōō nyakanat kusoom *Pilaato kuutē pōōr pō Yēēsu. Kii kiirwookiin Chōōsēp nyoo kiitookuunoot nkōō Kōōkwoo Yāwuutik, akiikānyēy pāyuunātoo kaa Iriin kuchō. 44 Kikwōng' *:Pilaato paani kateer kilē kaakuma :Yēēsu, akukuur kāāntōōyiintoonoonēē pō luk akuteepee nēē kaakuma :Yēēsu. 45 Paani kāmwoochi :kāāntōōyiintoonoonēē kilē kaakuma, kuchāmchi Chōōsēp kuwō ku-āp pōōr pō Yēēsu. 46 Kwaal :Chōōsēp anka akupa kuurēēkuunō pōōrpō Yēēsu kimurtooyoon akuratee ankaanoonēē. Kunam pōōrtō akupa kuukonoor kēpēn nyoo mii raat nyoo kiipalaat akuutiriinchi kor kukar kurkee nyēpō kēpēnēē. 47 Kiiro :Maaryaa Maktaleena ākōō Maaryaa eeyaa Chōōsēs yoo /kiikuutē pōōr pō Yēēsu.