Kɨŋwatɨ kɨ tsá fiɛ bɨŋ kɨ Pɔl nə̀ bɔndɔ bə
Timɔti
Fiɔŋ fi na ji Kɨŋwatɨ kɨ Timɔti lə kɨ tsá fiɛ lə kɨŋ ntɨŋ
Kɨŋwatɨ kɨŋ ntɨŋ kɨtso na bitɨfiɛ bi Pɔl nə̀ nya bə Timɔti nɨ miɨ wu bɔ bə yu nə̀ nɨntɨ yu chitə Pɔl. Yu chanyɛ kɨtso tsukɔ ŋkansɨ yi shəŋ wɨ. Yu tɨfiə Timɔti lə yu kɨ gɨntɨ kwa fiə bə nɨŋ yihi yi yu na nɨntɨ Jisɔs Klistu lɨ bə shəŋ miu. Yu tɨfiə tɨ Timɔti lə yu chiŋfi kwa bitɨfiɛ bi diəŋ wɨ bi shɔŋ yi ndzeŋe lə bə bi nchínə yiko lə. Yu tɨfiə Timɔti tɨ lə yu kɨ nɨntɨ nɨŋ yihi nɨ miɨ wu bitɨfiə bə miɨ wu na gəndə yu tɨdi diɛ yi Nyɔ buni ma yu woko ŋgə nəŋ, makə bənɨ yimbiɛ yu nəŋ.
Pɔl dze tsa ba chanyɛ bə Timɔti lə yu dze tsa yu tə kə dza ba chɛse gwɨ yihi “yímbiɛ yi buŋfidi lə bə yi kɨlɔlɔ lə” ntɨŋ (2:23). Nə biɔŋ biŋ ntɨŋ bichi, yu se Timɔti lə yu dzê mfɨkə nə fiə wuhu wɨ.
Fó yi biɔŋ'ə Kɨŋwatɨ kɨŋ ntɨŋ
1:1-2 Mbɛyɛ
1:3–2:13 Pɔl nya kɨmbafə bə Nyɔ ndzɨ Timɔti ba koso shəŋ yihi
2:14–4:5 Pɔl tɨfiə Timɔti
4:6-18 Pɔl chanyɛ tsukɔ gwɨ yihi wɨ
4:19-22 Kɨfəŋgbɨŋ