Jɔna bɨŋ ŋgəŋ bə shɔŋ yi Nyɔ
3
Baba Nyɔ chi chanyɛ bə Jɔna tsá bɨŋ fiɛ lə, 2 “Dzâ wə gəŋ Ninifɛ kɨtuŋ kɨbəŋ ka ntɨŋ wə gəndə ba laŋə shɔŋ yi mɨ nya ya wə.” 3 Nyi tsa, Jɔna nə̀ kuntə diɛ yi Baba Nyɔ ba gəŋ sɔ Ninifɛ. Ninifɛ no nə̀ kɨtuŋ kɨbəŋ tɔchi kɨ nə̀ ji ɨ miɨ dze díɔ tɛ fə yu tə gəndə chɛ kɨ ntɨŋ. 4 Dze nə butsu bu fiəfiə bɨŋ, Jɔna nə̀ gbɔ kɨ gəndə kɨtuŋ ka ntɨŋ yu laŋə lə “Shə díɔ mbaania ɨ Nyɔ jishi Ninifɛ.” 5 Chi bənɨ bə Ninifɛ bɛŋ nə̀ wɔɔ shɔŋ yi Nyɔ ya manɨ, bɔ bɨŋ yi. Nə mɨ fɛŋ bɔ laŋə lə miɨ chi chinə bidiəŋ, lə miɨ chi, dze nə bəbəŋ bɨŋ gəŋ fɔ bəntse wɨ, dɔŋ ji bindzu biyi bəntseyɛ lə bɔ fichə shəŋ yibɔlə nə məmbiə wɨ. 6 Tsa yi ŋkuŋ wu Ninifɛ nə̀ wɔɔ shɔŋ nyi, yu dza nə kabala bɨŋ, ba se bikɨŋ bi buŋkuŋ'ə bia, dɔŋ ji bindzu biyi ba jiŋ bu ntɨŋ. 7 Yu tə nya kɨlaŋ, bə́ gəndə ba laŋə Ninifɛ ntɨŋ chi lə, “Ŋkuŋ bə bənji buhu tə lə miɨ makə nyɛŋ fiɔŋ dze kə fɔ̂kɔhɔ. Lə miɨ chi, bənaŋ bə shíŋ kə diəhə fiɔŋ makə mu yi ŋgɔŋ. 8 Lə miɨ chi naji lə yu dɔŋ bindzu biyi ba kanshɛ bidɔ nyɛ́ŋ gwɨ́. Lə miɨ chi də kɨtso bə Nyɔ ba shə fiə wubiə bə bidəndə. 9 Kkɨ yəŋ diŋkəla ɨ Nyɔ yashənɨ kɨŋgɔmbiɛ kɨhɨ tsukɔ bulo bubəŋ bu yu na ji bwa bə bu bɨ wɨ ba jikə jishɛ bɨ.” 10 Chi bɔ nə̀ fəə cha ma, Nyɔ ŋəŋ fiɔŋ fi bɔ fəə fia, nɨ bɔ shə fiə wubɔlə wubiə, yu bu yashənɨ kɨŋgɔmbiɛ kɨhɨ ba tsukə baha bə ŋgə wu yu nə̀ kaa wa bɔ fi.