Mə saray ɗerewel ngə Pol a
Timote
Pət am ɗerewel nhi
Nhi mə saray ɗerewel Pol mə ɗəɗefen a Timote cal mə ɗiyiy kəzəɗ, sin mə mayu mana kərti tik. A ɗəɗefen mandal sin a wan am jik jaw a Roma (1. 8, 16). Mandal səna, ngwalayiy tik cike geɗta (1.15). Pol mə sən za sin mbeh kə məc (4.6). Kadaban səna, sin ɗəɗefen a Timote kə yah kə gbamigi kə jan sin kə ceɗen ma tə liɓ tik (4.9).
Sin a ɗəɗef kə vəlen gədan a Timote kə musuf am takwan tu kə janenni am kəzəɗ ngə Kristu (2. 1-13). A luwen sin kə kaw zləgam ngə Bayzlav ngər səsaray, ɓəw sin kə jəgwanen zləgam səna a hidigi ko a pu. Zləgamiy səna a pətah aa kəma ngə Bayzlav za.
Zləgam təm ɗerewel nhi, a ceɗi yikwan mana aceki Pol mə ɗiy jəgəm malaw (4.7). Sin a ɗefi yikwan ma, kə jan yikwan təm kə ɗiy jəgəm mana sin am ɗew ngiykwan am mozlokotuf ngə Kristu. Law yikwan kə sən tik: ‹‹ Zləgamiy cike wayza hidiy mə ɗəɗefta am deftere, a pətah a kəma ngə Bayzlav za (3. 16).››
Mana ɗerewel nhi mə wəzak a səb tik a səb tik
Ɗə mbeli (1.1-2)
Pol aa luwen soko a Bayzlav makavay Timote (1.3-5)
Pol a səsak Timote am kəzəɗ ngə Kristu, za a luwen sin kə kaw zləgam ngə Bayzlav law law (3.6-2.13)
Təkən Timote tu jəgwanen a mgbəw ngə hidiy mə səbiy Kristu (2.14-4.5).
Pol a ɗefenma a Timote kə yah angaw kə gbamenni (4.6-18).
Ɗə mbeli way tik (4.19-22).