Ɗerewel ngə Pol a
Titus
Pət am ɗerewel nhi
Pol acin mə ɗəɗef ɗerewel nhi a Titus, cal mə ɗiyiy kəzəɗ, kərti tik am zlim ngə Kristu. Hidiy a luwta mandal sin taa ɗəɗef ɗerewel nhi, mə fəkahta kaɗ am jik jaw tə roma za (3.12).
Pol a ɗəɗefen a Titus kə jan sin kə jugwanen zləgam maa mindiwin atalan səb mozlokotuf ngə Kristu a hidigi. Sin kə jəgwanen atalan mbalgamiy mana taniy tu kə ɗewigi (1. 5-9). Za kə jəgwanen ɗew malaw a mgbəw ma par par tə dab hidiy mə səbiy Kristu (2. 1-10).
Am ɗerewel nhi, Pol a ceɗi yikwan: ‹‹ Təkəniy cike kweɗek kweɗek a hidiy məmariy nəv maa kweɗek a kibik Bayzlav (1. 15).›› Law yikwan kə ɗiy təkəniy malaw am ɗew ngiykwan, kə jan kə ɗef yikwan hidiy maa kweɗek a kibik Bayzlav.
Mana ɗerewel nhi mə wəzak a səb tik a səb tik
Ɗe mbeli (1. 1-4)
Ɗew ngə mgbəw ngə hidiy ngə Kristu təm hayək Kireta (1. 5-16)
Ngəz Titus tu kə ɗiyen a mgbəw maa par par tə dab hidiy ngə Kristu (2. 1-15)
Ɗiy malaw acin bəzar ngə ɗew ngə hidiy mə səbiy Kristu (3.1-11)
Ɗə mbeli way tik (3. 12-15)