2
क़ाङ्को म्हुइका जामालाइ,नेलाइ पाप मापासु दोअ्तेङ का इदोइ काथा नेलाइहेङ लिखेतेङ हिगा | कालाउ हिदोइबुङ द्याङ पाप पाखेपानुबुङ आबा दोफा केलाइको पक्स्यता धुइप्याङ एमि हि,वादोङ धार्मिक येसु:ख्रिस्त | 2 वा केलाइको पापको भाअ्सिङ स्यामा पापिखे,कालाउ केलाइको भाअ्सिङ खिनिङ माको,कालाउ सारा सुमिङ्को पापको भाअ्सिङ बुङ | 3 एदि केलाइ वाको आग्या गेलाइ पालन पानाहेपानु एसापाङ केलाइ थाहा गिलि द्वाङ,कि केलाइ वासिहेङ नाल्नाखे | 4 जाइ ''का वासिहेङ नाल्खा दोनु''कालाउ वाको आग्यागेलाइ उलङ्घन पाखे,उङ्को धाताइका हि,कालाउ इङ्कोता सत्ये मान्थु | 5 कालाउ जाइ वाको वचन पालन पाखे इन्ता परमेस्वर दोफाको प्रेम जातिङ्कोङ सिद्द जेङ्का हिखे | केलाइ वाकोता हिनाहि दोका काथाता इदोइ पाहासोङ निस्चित जेङ्खे | 6 कालाउ जाइ वाको वचन पालन पाखे इन्ता परमेस्वर दोफाको प्रेम जातिङ्कोङ सिद्द जेङ्का हिखे | केलाइ वाकोता हिनाहि दोका काथाता इदोइ पाहासोङ निस्चित जेङ्खे | 7 कालाउ बुङ एनोङ नावा आग्या का नेलाइहेङ लेखेदोङ्खा,जेदोङ वाकोता कालाउ नेलाइकोता सत्ये हि,हाइपालिदोनु कितिकितिका मोह्तेङ हि,कालाउ जातिङ्को फाइसालामका चाहि आन्चासोङ चिल्का तेङ्दोङ हि 8 कालाउ बुङ एनोङ नावा आग्या का नेलाइहेङ लेखेदोङ्खा,जेदोङ वाकोता कालाउ नेलाइकोता सत्ये हि,हाइपालिदोनु कितिकितिका मोह्तेङ हि,कालाउ जातिङ्को फाइसालामका चाहि आन्चासोङ चिल्का तेङ्दोङ हि | 9 जाइ ताइमि फाइसालामाकाता हिगा दोअ्खे पानु कालाउ ताइको ओनेहेङ मन्दा माताखे,वा एलाबुङ कितिकितिकाता दोङ हि | 10 ज्याइ ताइको ओनेहेङ प्रेम पाखे,वा फाइसालामाकाता हिखे,कालाउ वाकोता हिदोइबुङ दुःखको कारन मान्थुखे | 11 कालाउ जाइ ताइको ओनेहेङ मन्दामाताखे,उङ्को कितिकितिकाता हिखे,कालाउ कितिकितिकाता तेगिल्खे,कालाउ उङ्को हिसो हानिदोङ्खे,इङ्को थाहा मानिङ्खे,हाइपालिदोनु कितिकितिका होइ वासिहेङ कान्हा बानाइका हिखे | 12 काङ्को म्हुइका जामाललाइ,का नेलाइहेङ लेखेतेङ हिगा, हाइपालिदोनु वाको मिङ्को खातिर नेलाइको पाप स्यामा जेङ्काहि | 13 आबा गेलाइ,का नेलाइहेङ लेखेतेङ हिघा हाइपालिदोनु लाम्फासोङ दोङ हिका हिकालाइहेङ नेलाइ नाल्सुखेना | धानागेलाइ,का नेलाइहेङ लेखेतेङ हिघा हाइपालि दोनु नेलाइ इङ्को दुस्तहेङ जितिका हिसुना | काङ्को म्हुइका जामाललाइ का नेलाइहेङ लेखेतेङ हिघा,हाइपालिदोनु नेलाइ आबा हेङ नाल्का हिसुना | 14 आबा गेलाइ,का नेलाइहेङ लेखेताङ हिगा,हाइपालिदोनु लाम्फासोदोङ हिका-हिकालाइ हेङ नेलाइ नाल सुखेना | धानागेलाइ,का नेलाइहेङ लेखेतेङ हिघा,हाइपालिदोनु नेलाइ बलियाका हिसुना,कालाउ परमेस्वरको वचन नेलाइकोता हिखे,कालाउ नेलाइ इङ्को दुस्तहेङ जितिका हिसुना | 15 सुमिङहेङ नाते सुमिङता हिका हिदोइबुङ आमेनेहेङ प्रेम मापासु ,एदि हिदोइबुङ द्याङ सुमिङ्हेङ प्रेम पाखेपानु आबाको प्रेम वाकोता मान्थुके | 16 हाइपालिपानु सुमिङ्ता हिका गोताङ आमने,जेसाङ जिउको अभिलासा,मिसियाको अभिलासा,जिबनको मितुका आबासो लोका माको,कालाउ सुमिङ्सो लोका इदोइ | 17 सुमिङ् मोअ्तेङ हानावा कालाउ वाको अभिलासाबुङ मोअ्तेङ हानावा,कालाउ परमेस्वरको इच्सा पुरापाका चाहि हेलालाउबुङ को भाअ्सिङ ह्यावा | 18 जामाललाइ,आम्तिम घड़ी इदिदोङ |ख्रिस्त बिरोदि लोतेङ हि दोअ्का नेलाइ हिङ्काङ हिसुना| एला हेन्जाङ ख्रिस्त बिरोदि लोका हि | ओदोङ भाअ्सिङ केलाइ गिनाखे ,कि या आम्तिम घदि | 19 इम्बालाइ केलाइसो उलितेङ हानिहि,हाइपालिपानु इम्बालाइ केलाइको मान्थुघाहि | एदि इङ्को हिका हिनुते इम्बालाइ केलाइदोफाङ हितेङ हिदावा,कालाउ इम्बालाइ गोताङ केलाइको गोताङ माको रहेछ दोका काथा प्रकटपापालि इम्बालाइ उलितेङ लोका हि | 20 कालाउ नेलाइको अभिसेक महा पबित्तरसो हिका हि,कालाउ नेलाइ झाराङ सत्ये गिसुखेना | 21 नेलाइ सत्ये हेङ मागिनाखे दोतेङ का लेखिका माको,कालाउ हिदोइबुङ धाताइका सत्येसो मालोखे दोअ्देङ नेलाइ गिका हिनाङ का नेलाइहेङ लेखिका हिघा | 22 धाताइका हासु ? धाताइका इङ्को दोङ,ज्याइ येसु:दोङ हिकाहिदोका काथा इन्कार पाखे | आबा कालाउ चानहेङ ज्याइ इन्कारपाखे,ख्रिस्त बिरोधि इङ्कोदोङ | 23 चानहेङ इन्कारपाखा हिदोइबुङ द्याङ्ता आबा मान्थु | ज्याइ चानहेङ स्विकार वाकोता आबा हिखे 24 जेदोङ काथा नेलाइ लाम्फासोङदोङ हिङ्का हिसुना,इङ्को नेलाइकोता हितेङ ह्याको | एदि लाम्फासोङदोङ हिङ्का इङ्को काथा नेलाइकोता हेपानु नेलाइ चान कालाउ आबाता हिसुवाना | 25 वा केलाइहेङ जेदोङ प्रतिग्या पाहि इङ्को अनन्त जिबन | 26 नेलाइहेङ धाताइका बिसयता इदोइ काथागेलाइ का नेलाइहेङ लेखिखा | 27 नेलाइ वाकोसो निङ्का अभिसेक नेलाइ गोता हितेङ ह्यावा,कालाउ हासुबुङ नेलाइहेङ धिरपालि आबर्स्यक मागोयाङ | कालाउ वाको अभिसेक होइ नेलाइहेङ गोतेङ काथाको बिसोयोता धिरपावा,कालाउ इङ्को अभिसेक सत्ये हि,उङ्को बानाइका माको | या अभिसेक होइ नेलाइहेङ धिरपाका बमोजिम ख्रिस्तता हितेङ हिसु | 28 म्हुइका जामाललाइ,वाकोता हितेङ हिसु,ताकि वा प्रकट जेङलाउ केलाइता हिम्मत ह्याको,कालाउ वाको आगमनता वाको आगाता केलाइ लेदेरलि मागोयाको | 29 वा धार्मिक हि दोका काथा एदि नेलाइ गिसुवाना पानु या काथा नेलाइहेङ निस्चित ज्याको,कि धार्मिक काम पाका हासुबुङ परमेस्वरसो जोलम जेङ्का हिखे |