2 John
2 यूहन्ना
1
परमेस्वरसो साल्का तिरि कालाउ वाको जामालाइ दोफा: का नेलाइ , सत्तेता हिका झाराङ्हेङ प्रेम पाङ्का | इङ्को झाराङ ज्याइ नेलाहेङ प्रेम पालि सत्तेताहेङ गिखे नेलाइहेङ्बुङ | 2 इदोङ प्रेमको कारनसो ज्याइ केलाइता हि, केलाइ नेलाहेङ प्रेमपाङ | इङ्को सत्ते केलाइता हेलाउबुङ ह्यावा | 3 अनुग्रह कृपा कालाउ सान्ति, आबा परमेस्वर कालाउ वाको चान येसु: ख्रिस्टकोपाहासो केलाइदोफाङ ह्याङ | केलाइ सत्ये कालाउ प्रेमसो इदोइ आसिरबाद निनाङ | 4 नाङ्को आधिमि जामालाइ ज्याइ इम्बालाहेङ आबा केलाइहेङ पिका आग्या आन्सार सत्येको दामा आनुसारन पातेङ् हिकाहि दोअ्का गिलि निङ्काता का लेङ्चाघा | 5 कालाउ, एला प्रिय सोना बेजान, का नेलाहेङ दोअ्खा: केलाइ झाराङदोङ् एमिसो- भेनाहेङ प्रेम पालि गोइखे | इदोइ नावा आग्या माको | इदोइ इङ्कोङ आग्यादोङ जेदोङ केलाइदोफा लाम्फासोङ हिघाहि | 6 लालाउ प्रेम पालिको माने वा केलाइहेङ : पिका आग्या आन्सार हिलि | कालाउ परमेस्वरको आग्या इदोइदोङ: नेलाइ प्रेमको आनुसन पालि गोइखे | ना इदोइ आग्या लाम्फासोङ्दोङ हितेङ लोका हिसुना | 7 इदोइ सुमिङ्ता खाल-खाल्खालको धाताइका गुरुजिगेलाइ (सिकस्य) हि | या धाताइका गुरुगिगेला येसु:ख्रिस्ट पृथ्विता मानवको रुपता लोका सुइकार मापाखे |द्-याङ ज्याइ या काथा असुइकार पाखे वा धाताइका गुरुजि कालाउ ख्रिस्ट बिरुदि दोङ हि | 8 होसियार हिसु ताकि पुरुस्कार जेदोङ केलाइको पिरिस्रोमसो निङ्का हि इङ्को मागुमायाङ कालाउ ना, नाङ्को गोतेङ पुरुस्कार प्राप्त पा | 9 एनोङ द्-याङ ख्रिस्तको सिकस्या खिनिङ अनुसरन पालि गोइखे | यदि द्-याङ ख्रिस्तको सिकस्या परिबर्तन पाखे पानु उङ्को द्-याङ दोफा परमेस्वर माहिखे | कालाउ एदि उङ्को द्-याङ ख्रिस्तको सिकस्या अनुसरन (भाइपाङ) पातेङ हिहे पानु वाकोता आबा कालाउ चान न्हेमिदोङ हिखे | 10 हिदोइबुङ द्-याङ इङ्को सिकस्या बिना नाङ्कोता लोखे पानु नाङ्को साता वासिहेङ माचुम्पु नाते वासिहेङ स्वागत मापा | 11 एदि ना वासेहेङ स्वागत पानापानु ना वाको मारेम्का काम ता साघाइतेङ हिका जेनाना | 12 का नासेहेङ दोअ्लि गोइका हेन्जाङ काथा हि | कालाउ कागज कालाउ मसिको उपयोगता का इदोइ पालि माचाहिघा | भरु का नासेहेङ भेतिलि लोलि आसा पाखा कालाउ दोफा-दोफाङ बात मारयाङ्का | ओदोङ भाअ्सिङ केलाइहेङ मेनाङ आनन्द बानाइखे | 13 नाङ्को बेजान ओनेको जामालगेलाइ, ज्याइहेङ परमेस्वर चुनिका हि | नासेहेङ अभिबादन कालाउ सेउपाखा पिगिल्खे |