3 John
3 यूहन्ना
1
एल्डरसो,काङ्को प्रिय आनाउ सानाइति गायसहेङ,ज्याइहेङ का जातिङ्को प्रेम पाखा | 2 प्रिय सानाइति का दोमचाखा, कि गोताङ काथाता नाङ्को भालाइ ज्याको,कालाउ नाङ्को स्वास्थय ठिक ह्याको | कालाउ नाङ्को आत्मिक जिवन बुङ ठिक हि दोअ्का का गिखा | 3 हेथेते झना ओनेगेलाइ लोतेङ नाङ्को जिवनको सत्याताको गवाहि पिलाउ का मेनाङ आनन्दित जेङ्घा | ना जातिङ्कोङ सत्येको भाइपाङ पाखेना | 4 काङ्को चान्चामेन्दिगेलाइ सत्येको भाइपाङ पाहेपानु दोअ्का काथा हिङ्लि खान्तेङ भरू आरुहेन्जा आनन्दको काथा काङ्को भाअ्सिङ हाइ जेङ्लि द्वारो ? 5 प्रिय आनाउ,ना खान्धुरियोग्य काम पाखेना, जेलाउ ना दादा-ओनेको,बिसेस पातेङ पर्देसिगेलाइको सेवा पाखेना | 6 इम्बालाइ मन्डलिको आगाता नाङ्को प्रेमको गवाहि पिका हि | परमेस्वरको नजरता मन्दाताका भाइपा इम्बालाइ हानिलि बेबस्था मिलिपापिसुना दोअ्का ना रेम्काङ पाखेना | 7 हाइपालिपानु खान्धुरि मापाकालाइसो हाइदोङ माचुमासिङ इम्बालाइ वाको मिङ्को खातिर याताराता ओल्लिका हि | 8 ओदोङ भाअ्सिङ इस्का द्याङ्गेलाइहेङ सेवा सत्कार पालि गोइखे,ताकि केलाइ सत्येयता जोम्लि द्वाको | 9 का मण्डलिहेङ आधे काथा लिखिका हिगाखा,कालाउ नेलाइकोता बार्का जेङ्लि खाङ्का दियोतिरिफस काङ्को खाबारा सुइकार मापाखे | 10 ओदोङ भाअ्सिङ जेलाउ का लोखा उङ्को पातेङ हिङ्का काम गेलाइको काथा दोअ्ताङ्का (ल्होपाङ्का) | नाङ्को बिरोधता इङ्को आखेका बचनगेलाइ चुमतेङ हिगिल्खे | इङ्को झोकोता खिनिङ सनतुस्ति मान्थु तेङ वा ओनेगेलाइहेङ स्वागत पालि मन्दा माताखे,कालाउ इम्बालाइहेंङ स्वागत पालि खाङ्कालाइहेङ्बुङ खोराइखे,कालाउ इम्बालाइहेङ मण्डलिसो बाहार उल्लिपापिखे | 11 प्रिय आनाउ,खराबिको अनुकरन मापासु,कालाउ भालाइको आनुकरन पासु | ज्याइ भालाइ पाखे | उङ्को परमेस्वरको जेङ,ज्याइ खराब पाखे,वा परमेस्वरहेङ तिङ्का मान्थु | 12 डेमेतिरियसको भाअ्सिङ्ते झाराङ द्याङ्गेलाइ गवाहि पिका हि,कालाउ सत्येबुङ इङ्को गवाहि प्याङ | केलाइबुङ गवाहि प्याङ,कालाउ ना, गिखेना कि केलाइको गवाहि सत्ये हि | 13 का हेन्जा काथागेलाइ लेखिलिगोइका हिगाहि,कालाउ मसि कालाउ कलम होइ इङ्को नासेहेङ लिखिलि का माचाहिखा | 14 कालाउ नासिहेङ धेमाङ भेतिलि आसा पाखा,कालाउ केलाइ र्हाइ-र्हाइताङ दुसुतेङ काथा पाइने | 15 नेलाइहेङ सान्ति मिलियाको | झाराङ सानाइतिगेलाइसो नासिहेङ सेउपाखा | सानाइति गेलाइहेङ मिङ र्हुतेङ सेउपालि पिसु |