1 John
1 यूहन्ना
1
जिवनको हिदोइ वचनको बिसोयोता जेदोङ लाम्फासोङ हिगाहि,जेदोङ केलाइ हिङ्का हिनाहि,जेदोङ केलाइकोङ मिसिया होइ केलाइ तिङ्का हिनाहि,जेदोङ केलाइ खाङ्नाहि कालाउ केलाइको खुर होइ साइनाहि, 2 इङ्को जिवन प्रकट जेङ्हि,कालाउ केलाइ तिङ्नाहि,कालाउ केलाइ गउ नेलाइहेङ इङ्को अनन्त जिबनको सान्देस हिङ्पाङ,जेदोङ आबा दोफा हिगाहि,कालाउ केलाइ कोता प्रकट जेङ्हि | 3 केलाइ जेदोङ तिङ्का कालाउ हेङ्का हिनाहि,सो केलाइ नेलाइहेङ हिम्पाङ,ताकि केलाइदोफा नेलाइको सङ्गति ह्याको | केलाइको सङ्गति आबा कालाउ वाको चान येसु:ख्रिस्तदोफा हि | 4 केलाइ इदोइ काथा एसापा दोङ लेखितेङ हिनाहि, कि केलाइको आनन्द पुर्न ज्याको | 5 जेदोङ सान्देस केलाइ वाको सो हिङ्नाहि कालाउ नेलाइहेङ हिङ्पाङ,इङ्को इदोइ दोङ हि,कि परमेस्वर फैसालामका हि,कालाउ वाकोता हेथेबुङ कितिकितिका मान्थु | 6 एदि वाको दोफा केलाइको सङ्गति हि दोतेङ केलाइ दोनाखे कालाउ कितिकितिकाता दोङ तेनाखे पानु ते,केलाइ धाताइका काथा धुइनाखे कालाउ सत्यता माचालिनाखे | 7 कालाउ वा फैसालमाकाता हिकाको निङ एदि केलाइबुङ फैसालामाकाता तेनाखेपानु,एमि सो भेनेङ दोफा केलाइको सङ्गति जेङ्खे,कालाउ वाको चान येसु:को हितिहोइ केलाइ झाराङहेङ पापसो सुद्द पाखे | 8 एदि केलाइता पाप मान्थु दोअ्तेङ केलाइ दोनाखेपानु ते केलाइ ताइमिहेङ धोखा हिनाखे,कालाउ केलाइता सत्ये मान्थुवा | 9 एदि केलाइ ताइको पाप गेलाइ स्विकार पाखेपानु वा केलाइको पाप छय्मा पापिखे,कालाउ गोताङ अधर्मसो केलाइहेङ सुदृ पाखे,हाइपालिपानु वा खान्धुरि योग्य कालाउ धर्मि हि | 10 एदि केलाइ पाप पाका मान्थुन्हाहि दोअ्तेङ केलाइ दोनाखे पानु केलाइ वासिहेङ धाताइका बानायाङ,कालाउ वाको वचन केलाइता मन्ठुवावा |