3
प्रिय आनाउ, नेलाइहेङ लेखिका इदोइ काङ्को न्हेपातारादोङ हि,कालाउ नेलोङ्दोङ पाताराता हेथे काथागेलाइको फोम्पापातेङ नेलाइको जाहाका मनहेङ हाउसाइपाका हिगा, 2 पबित्तरो अगमबक्तागेलाइको अगमबानि कालाउ नेलाइको प्रेरितगेलाइसो पिका प्रभु कालाउ मुक्तिदाताको आग्याहेङ नेलाइ फोमपालि गोइस्वाना | 3 ना झाराङ खान्तेङ लाम्फा या बुझिलि गोयाना,कि न्हुसोको दिनागेलाइता खिल्लि उराइपाकागेलाइ खिल्लि पाकाताङ,इम्बालाइको ताइकोङ आभिलासाता एसादोकाताङ ल्वाङ, 4 ''वाको आगमनको( लोका) बाचा हिसु हानिहि ?हाइपालिपानु आबा-आजुगेलाइ जिम्लि दोअ्का दिनासोङ दोङ गोताङ काथा सिरजाइकाको सुरुसोङ लोका चलितेङ लोका भाइकाङ नानिबुङ हिदोङ हि |'' 5 गिलाबुङ बुझिलाबुङ इम्बालाइ इदोइ काथाको वास्ता मापाखे,कि परमेस्वरको बचनपाहासो स्वर्गगेलाइ लाम्फासोङ हिगाहि,कालाउ पृथ्विचाहि चिसो कालाउ चिपाहासोदोङ बानाइ हि | 6 इङ्कोङ चिसो एन्सालाउको समयको सुमिङ जलप्रलयता(चिको बार्सा ता) दुबितेङ नासाहि | 7 कालाउ इङ्कोङ बचनहोइ भक्तिहिन द्-याङ्को इन्साफ कालाउ बिनासको दिना थेकापाको भाअ्सिङ एलाको बादेल कालाउ पृथ्वि मेको भाअ्सिङ साचितेङ ताकाहि | 8 प्रिय आनाउ,या एनोङ काथा मानिल्सु,कि प्रभुको भाअ्सिङ एनि हाजार बासार भाइकाङ कालाउ हाजार बासार एनि दिना भाइकाङ जेङ्खे | 9 ताइको प्रतिग्याको बारेता प्रभु लेदारा मान्थु दोअ्का आधिमि -आधिमिको भानाइ हिलाउबुङ वा लेदारा चाहि मान्थु,कालाउ हासुबुङ मानासाताको कालाउ झाराङ पास्ताइपाको दोअ्का इस्सा पातेङ प्रभु नेलाइ दोफा धर्यवान हि | 10 कालाउ प्रभुको दिनाताते चोर भाइपा पातेङ झटै ल्वाङ,जेदोङ्ता बादेलचाहि बारका गालादोफाङ बितितेङ हानावा,आनेमानेगेलाइ मेको दालदालाइकाहोइ गाल्यावा,कालाउ पृथ्वि कालाउ इनता हिका गोताङ आनेमानेगेलाइ ओतेङ बुस्रि जेनावा | 11 इदोइ गोताङ आनेमानेगेलाइ एसापा गाल्यावा दोका गितेङ पबित्तरता कालाउ भक्तिको जिवनता नेलाइ हिसिका खाल्को द्-याङ हिसुना ? 12 नेलाइ परमेस्वरको दिनाको आसा पादोङ्सुखेना,कालाउ इङ्को दिनाहेङ भेरपाङ चुमालि खाङ्सुखेना,जेदोङ दिना बादेलगेलाइ ओतेङ बुस्रि जेनावा,कालाउ गोतेङ आनेमानेगेलाइ मेको दालदालाइका होइ गालियावा | 13 कालाउ वाको प्रतिग्या आन्सार केलाइ नावा स्वर्ग कालाउ पृथ्विको दामा खाङ्नाखे, ज्याइता धार्मिकताको बासा हिखे | 14 ओदोङ भाअ्सिङ आनाउगेलाइ,नेलाइ इदोइ काथाको आसा पाकालाइ जेङ्नाङ,वाको नजरता नेलाइ दागा कालाउ पेचारा माजेङ्कागेलाइ कालाउ सान्तिता हिकालाइ भाइपा हिलि कोसिस पासु | 15 केलाइको प्रभुको धर्यहेङ मुक्ति भाइपाङ थानेसु केलाइको प्रिय आनाउ-ओने पावलबुङ वासिहेङ पिका बुदि आन्सार ओबालाइहेङ ओदोङ काथा लेखे | 16 वा वाको गोताङ पातारागेलाइता ओदोङ काथागेलाइको उल्लेख पाका हि, इङ्कोता आधे-आधे काथागेलाइ बुझिलि मादोका गार्होबुङ हि | आधिमि द्-याङ्गेलाइ मागिनाङ भाइपा भुल प्रकारसो बाख्या पाखे,आधिमि द्-याङ्गेलाइ अग्यानि कालाउ खान्धुरिता कमजोरि हि,उङ्कोङ द्-याङ्गेलाइदोङ भेनेङ धर्म सास्त्तरो केलाइबुङ धाताइका प्रकारसो उल्टापुल्टा बाख्या पाखे ,कालाउ ताइमिहेङ बिनासता चुमाखे | 17 ओदोङ भाअ्सिङ प्रिय आनाउ लाम्फासोङ इङ्को काथागेलाइ गितेङ होसियार हिसु,दुस्त द्-याङ्गेलाइको धाताइका काथाता माआवाइसिङ ताइको मनहेङ मागुमाइपासु | 18 कालाउ केलाइको प्रभु कालाउ मुक्तिदाता येसु:ख्रिस्तको अनुग्रह कालाउ ग्यानता बाराकाताङ वासिहेङ एला कालाउ हेलालाउबुङ महिमा ह्यको आमिन |