1 Peter
1 पतरस
1
पतरुस,येसु: ख्रिस्तको प्रेरित पाहासो सेउपाखा,परमेस्वरपाहासो चुनिका ज्याइ ताइको सा सो दुरेता पोन्ट्स,गलातिया,कयापडोसिया,एसिया कालाउ बिथिनियाभारि चारबिराइतेङ हिका द्-याङगेलाइ दोफा | 2 परमेस्वर नेलाइहेङ पबित्त्तरो द्-याङ बानाइलि हेन्जा लाम्फा योजना बानाइका हिघाहि | नेलाइहेङ पबित्त्तरो बानाइका काम आत्मा हि | परमेस्वरको आग्याकारि कालाउ ये:सु ख्रिस्तको हितिहोइ अभिसेक पातेङ सुदद बानाइलि नेलाइहे साल्का हिघासुखेना ,परमेस्वरको अनुग्रह नेलाइकोता हेन्जा-खान्तेङ हेन्जा-बादेकाताङ हानाको | 3 परमेस्वर ज्याइ केलाइको प्रभु येसु: ख्रिस्तको आबा वाको बाखिनाइ ह्याको , परमेस्वरता असिम कृपा हि कालाउ वाको कृपासो केलाइहेङ नावा जिवन पिका हि | इदोइ नावा जिवनहोइ सि:कासो येसु: ख्रिस्तको सिन्चालाउसो केलाइदोफा जिउ हिका आसा चुमाखे | 4 एला केलाउ आसिरबादको आसा ताअ्न्हाखे ज्याइ वाको चानचान्दिगेलाइको भाअ्सिङ वाकोता हि | इदोइ आसिरबाद नेलाइका भाअ्सिङ स्वर्गता जोगाइतेङ ताअ्का हि | इदोइ आसिरबाद ध्वाङ्स,नासातेङ मान्हिका कालाउ ना:का माजेनाङ (धमिलो) जेलाउ थेकापा नेलाइ मुक्ति मानिङ्स्वाना | 5 नाङ्को खान्धुरिको पाहासोङ परमेस्वरको सरबुङ नेलाइको सुरक्स्या हिखे | इङ्को मुक्ति तियार ताका हि; कालाउ इदोइ नेलाइको समयको आम्तिम थेकापा प्यावा | 6 इदोइ नेलाइहेङ मेनाङ लेङ्चापावा यधपि नेलाइहेङ एघुरिङ खिनिङ को बेलाको भाअ्सिङ गोताङ खाल्का कष्ट भोगिलाउ नेलाइहेङ दु:खि बानाइखे | 7 इदोइ दुःख कष्टगेलाइ हाइपालि जेङ्खे ? नेलाइको खान्धुरि कमजोर हि दोअ्का तिङ्पालिको भाअ्सिङ प्रमान पालि | खान्धुरिको सुददता जेङ्लि सोना खान्तेङ हेन्जा दामको हि | सोनाको सुददता मेसो प्रमानित पालि दोखे, कालाउ सोना नासा खे | जेलाउ येसु: ख्रिस्त ल्वावा कालाउ खान्धुरिको सुदृता होइ नेलाइकोता बाखिनाइ,महिमा कालाउ इज्जत चुमावा | 8 नेलाइ ख्रिस्तहेङ तिङ्का मान्थुसुना कालाउबुङ नेलाइ वासेहेङ प्रेम पासुखेना, नेलाइ एला वासेहेङ तिङ्लि मादोस्वाना कालाउबुङ नेलाइ वाको हुता खान्धुरि पासुखेना | नेलाइ कालाउ गौरबमय आनन्दहोइ पोङ्घातेङ हिसुना | 9 नेलाइको खान्धुरिको एलोङ लकस्य हि, इङ्को लकस्य नेलाइको आत्मा बान्चिपालि कालाउ नेलाइको लकस्य जेदोङ मुक्तिको भाअ्सिङ हि इङ्को निङ्स्वाना | 10 अगमबक्तागेलाइ सावधानपुर्बक अध्यान पाहि कालाउ इङ्को मुक्तिको बारेता गिलि कोसिस पाहि | इङ्को अगमबक्तागेलाइ अनुग्रहको बारेता अगमबानि पाहि जेदोङ नेलाइहेङ तिङ्पाहि | 11 ख्रिस्तको आत्मा इङ्को अगम बक्तागेलाइ दोफा हिघाहि | कालाउ आत्माहोइ इङ्को दुःख कष्टगेलाइको बारेता जेदोङ ख्रिस्त हुसो घतेलि हिघाहि,कालाउ इङ्को कस्त महिमा ज्याइ इङ्को दुःख कस्तगेलाइ न्हुसो ल्वाङ,दोअ्ताङ हिघाहि | इङ्को अगमबक्तागेलाइ इम्बालाइको इङ्को आत्माहोइ हाइ तिङ्तेङ हि,इङ्को बिसयता गिलि कोसिस पाहि | इङ्को काथागेलाइ हेलाउ घतेयावा कालाउ इङ्को बेला सुमिङ्को अबस्था हिसिका जेनावा,नेलाइ इङ्को गिलि कोसिस पासु | 12 इदोइ नेलाइहेङ तिङ्पाहि कि जेदोङ सेवा ओबालाइ पाहि , ओबालाइ ताइमिको भाअ्सिङ माको ,उङ्को अगमबक्तागेलाइको काथाको बिसयता दोअ्हि जेदोङ एलाङ नेलाइ हिङ्सुन्हा , ओबालाइ ज्याइ नेलाइहेङ ये:बानाल प्रचार पाहि नेलाइ इङ्को काथागेलाइ दोअ्हि | ओबालाइ नेलाइहेङ उङ्को पबित्त्तरो आत्माको सहयोगसो दोअ्हि,ज्याइ स्वर्गसो दिङ्गिल्का हिघाहि | नेलाइहेङ दोअ्का काथागेलाइ इङ्का काथागेलाइदोङ जेदोङ स्वर्गदुतगेलाइबुङ गिलि उत्सुक हि | 13 ओदोङ सेवाको भाअ्सिङ मनहेङ तियार पासु कालाउ आत्माहेङ तहता ताअ् | नेलाइ अनुग्रहको भाअ्सिङ आसा पालि गोइस्वाना जेदोङ नेलाइहेङ प्यावा, 14 हानेकादिना, नेलाइ इदोइ बिसयता माबुझिसुना, नेलाइ मारेम्का काथागेलाइपाहासो हानेका हिघासुना कालाउ एला नेलाइ परमेस्वरको आग्याकारि जामालगेलाइ | ओदोङ भाअ्सिङ हानेका समयता जेसाङ बान्चिका हिघासुखेना,एन्साङ माहिसु | 15 कालाउ परमेस्वर भाइपा पबित्त्तरो हिसु कालाउ नेलाइ पाका गोताङ काथाता पबित्त्तरो जेङ्सु | परमेस्वर एमि हिका हि ज्याइ नेलाइहेङ काइहि | 16 इदोइ धर्म सास्तरता लेखेका हि,''पबित्त्तरो जेङ्सु,हाइपालि पानु का पबित्त्तरो हिघा |'' 17 नेलाइ परमेस्वरहेङ दोमचाकाइ पासुखेना कालाउ वासेहेङ आबा दोअ्तेङ सम्बोधन पासुखेना | परमेस्वर द्-याङ्को कामहेङ पक्स्यपात माकोसिङ जाचिखे | ओदोङ भाअ्सिङ,पृथ्विता हिकालाइ भाइपा बान्चितेङ समयता परमेस्वरहेङ थितेङ नेलाइ बान्चिलि गोइस्वाना | 18 नेलाइ गिसुखेना कि लाम्फाको समयता नेलाइ लकस्य माकोसिङ बान्चिका हिघासुघासुखेना| नेलाइ एन्सिका तरिकासो बान्चितेङ काथा इङ्को द्-याङ्गेलाइसो धिरसुना | ज्याइ नेलाइ खान्तेङ लाम्फा बान्चितेङ हिघाहि | कालाउ नेलाइहेङ इन्सिका खाल्सो बान्चिकासो बान्चिपाहि | नेलाइहेङ चोल्हि कि इङ्को आनेमानेसो माको जेदोङ सोना वा चान्दि भाइपा नासाखे | 19 कालाउ नेलाइते येसु: ख्रिस्तको मेनाङ्जाङका दामसो हितिहोइ चोल्हि,दोसि मान्थुसिङ थुमासो | 20 सुमिहेङ सिरजाइका खान्तेङ लाम्फाङ ख्रिस्तहेङ चुनिका हिघाहि | कालाउ नेलाइको भाअ्सिङ इदोइ लास्ता समयता वासिहेङ सुमिङ्ता नाल्पाहि | 21 ख्रिस्त पाहासो नेलाइ परमेस्वर हुसो खान्धुरि पासुखेना , परमेस्वर ख्रिस्तहेङ सि:का सो सिन्हु पाहि | कालाउ परमेस्वर वासिहेङ महिमा पिहि | ओदोङ भाअ्सिङ नेलाइ खान्धुरिता कालाउ आसा परमेस्वरता हि | 22 एला,नेलाइ जातिङ्को हृदयसो नाङ्को दादा-ओनेगेलाइ तिङ्पासु सत्येको पालन पातेङ ताइमिहेङ सुद बानाइ का हिसुना , ओदोङ भाअ्सिङ ताइ -ताइमिता पुरा हृदयको लिताङ्सो प्रेम पासु | 23 नेलाइ आरोङ जोलोम जेङ्का हिसुना इङ्को नावा जिवन नासातेङ हानिका आमेनेसो लोका माको कालाउ इदोइ जिवन मानासाका अआमेनेसो लोका हि |नेलाइ हेलाउलाउबुङ हितेङ्हिका परमेस्वर माअ्ताका सिन्हुका सान्देस जोलोम पिका | 24 धरमसास्तर दोअ्खे,''द्-याङगेलाइ जेलाउ माबान्चिखे, इम्बलाइ घासि भाइका हि इम्बालाइको महिमा घासिको ल्हे भाइका हि, घासि चुखे,कालाउ ल्हेगेलाइ हुल्खे | 25 कालाउबुङ परमेस्वरको बचन दिनाङ हितेङ हिखे |'' कालाउ ङङ्को,या बचन हि जेदोङ नेलाइहेङ दोअ्हि |