याकूब 5

ए धनि द्याङ ! हिङ्सु,नेलाइहुता आइलागिका दुःखगेलाइको भाअ्सिङ, मन आउलिपाङ खार्सु कालाउ मन थुपार्सु | 2 नेलाइको धनसम्पतिगेलाइ आइका हि,कालाउ नेलाइको लोखनधावागेलाइ पेसामाकरागेलाइ चाका हि | 3 नेलाइको सोना चान्दिता कासि लागिका हि,कालाउ इङ्कोङ कासि नेलाइको बिरोधता गवाहि जेनावा, कालाउ भाइका नेलाइको जिउ ओतावा | नेलाइको न्हुसोको भाअ्सि् धन-सम्पति जोम्पातेङ ताका हिसुना | 4 जेदोङ खेतालागेलाइ नेलाइको मिलिङ्को बालि चेकाहि,नेलाइ धोखाबाजि पातेङ मापिका इम्बालाइको ज्यालादोङ र्हिकाइखे ,कालाउ इङ्को सेका चेकागेलाइको पुकारा सिपाहिगेलाइको परमप्रभुको न्हातोङ थेकापाकाङ पुगिका हिखे | 5 नेलाइ इदोइ पिथ्विको सु:ख- बिलास कालाउ मोज्माज्जाता मस्त रामाइतेङ हिका हिसुना | बलि पिलिको भाअ्सिङ नेलाइ ताइमिहेङ प्रस्तपातेङ हिसुना | 6 नेलाइको बिरोधता मापाका धर्ममात्मिगेलाइहेङ दोसिलितेङ नेलाइ से:का हिसुना | 7 ओदोङ भाअ्सिङ ओनेगेलाइ,प्रभुको आगमन मालोका थेकापा वा प्रतिकस्या पातेङ र्हुम्तेङ हिसु | खाङ्सु,भोनोइको हेन्जादाम सेकाको उब्जाको आसा पातेङ किसान लाङ्का बासार कालाउ न्हुबासारको बार्सा माजेङ्भरि धर्ये (र्हुम्तेङ) आसा पातेङ हिखे | 8 नेलाइबुङ र्हुम्तेङ्सा कालाउ आसा पातेङ्सा हिसु, ताइको हृदयहेङ थेगानाता तासु हाइपालिपानु प्रभुको आगमन (लोलि) भेरपाङ हि | 9 ए ओनेगेलाइ,एमिसो बोमिको बिरूदत्ता किचकिच मापासु,माकोनु नेलाइ दोसिलि जेङ्सुवाना | (ठहराइसुवाना) खाङसु,न्याय पाका ताइको फिनुताङ जातेङ हिका हि | 10 ओनेगेलाइ, कष्ट भोगिका कालाउ धैर्यको उदाहरन हिसिका हिलि गोइका,उङ्को प्रभुको मिङ्ता दोअ्का अगमबक्तागेलाइहेङ खाङ्सु | 11 खाङसु,र्हुम्तेङ्सा हिकागेलाइहेङ (धर्यधारन) केलाइ धन्यका दोन्हाखे | नेलाइ आय्युबको जिसकाङ दु:खताबुङ माथिसिङ हिका बिसयता हिङ्का हिसुना,कालाउ प्रभुको दायामाया पाका कालाउ प्रभु हिसिका करुनामय कालाउ कृपालु हिका हि | 12 काङ्को ओनेगेलाइ,गोतेङ काथा खान्तेङ लाम्फा स्वर्गको कालाउ पृथ्विको माकुनु आरु हिदोइबुङ काथाको के:रा माचासु,कालाउ दोसिलि माजेङ्लिको भाअ्सिङ नेलाइको ''ऐइदोङ'' चाहि, ऐइदोङ'' ह्याको कालाउ ''माकोनु'' चाहि माकुदोङ''ह्याको,| 13 हाइ नेलाइता हासुङ कस्त (दुःख) भोगितेङ हि ? वा दोमचाकायाको | हाइ हासुबुङ आधिमि आनन्दित हि,? (लेङ्तेङ्दो्ङ्) वा बाखानाइको ल्ले ल्लेकाको | 14 हाइ नेलाइको माझाता आधिमि मासाधिका हिसुना ? वादोङ मन्डलिको (गिर्जा) एल्डरगेलाइहेङ कायाको | इम्बालाइको प्रभुको मिङ्ता वासेहेङ चुइतिसो अभिसेक पापितेङ वाको भाअ्सिङ दोचाकाइ पाप्याको |(पापियाको) 15 कालाउ खान्धुराइको दोमचाकाइकासो मासाधिकाहेङ बान्चिपावा, कालाउ प्रभु वासेहेङ एल्पावा,कालाउ एदि वा पाप पाका हिहे पानुबुङ वाको पाप स्यामा जेनावा | 16 ओदोङ भाअ्सिङ नेलाइ एमिसो भेनेङदोफा ताइ -ताइको पाप स्विकार पासु | नेलाइ एल्लिको भाअ्सिङ एमिसो बोमिको भाअ्सिङ दोमचाकाइ पासु | धार्मीक द्याङ्को दोमचाका सारभुसाइखे कालाउ हेन्जाङ प्रभाबसालि हिखे | 17 एलियाबुङ्ते केलाइ भाइकाङ स्वभाब जेङ्का दयाङ हिघाखे | वा वाइ मालाको दोअ्तेङ भक्ति पातेङ दोमचाइहि हिगाखे,कालाउ सुम बासार तु महिना थेकापा पृथ्विता वाइ मालोहि | 18 वा ओरङ दोमचाइहि,कालाउ बादेल्सो बार्सा जेङ्हि,कालाउ भुमिसो उब्जनि पिहि | 19 काङ्को ओनेगेलाइ,एदि नेलाइको मध्येसो हासुबुङ सत्येसो आवाइतुगेलतेङ हानिलाउ (लाअ्तेङ्हानेलाउ) हासुदोङ घुरिपातेङ चुमाहिपानु 20 वा ग्याको कि ज्याइ एमि पापिहेङ इङकोको कु-कामसो (मारेम्का) दामासो घुरिपातेङ चुमाखे,वासेहेङ सि:कासो (मृत्यु) बान्चिपावा,कालाउ गान्देलि मादोका पापहेङ महोप्यावा |