Hebrews
इब्रानियों
1
लाम्फा लाम्फा परमेस्वर केलाइको आबा-आजुगेलाइ दोफा अगमबक्तागेलाइ पाहासो नुइ धुइधाखे | परमेस्वर हेन्जा खेप भेनाङ भेनाङ तरिका पाहासो नुइ धुइहि | 2 कालाउ एला इदोइ न्हुसोको दिनागेलाइता परमेस्वर केलाइ दोफा ताइको चानपाहासो नुइ धुइका हि | वा ताइको चानपाहासो इदोइ गोताङ सुमिङ बानाइहि,कालाउ वा ताइको चानहेङ गोताङ काथाता ताइको उताराधिकारि बानाइहि | 3 चान परमेस्वरको महिमा प्रतिबिम्बित पाखे , वा परमेस्वरको मन बिचार भाइका पुरा प्रतिरुप हिकाहि | वा गोताङ काथागेलाइ ताइको सरबुङ्साइका आदेसको खाबारा ताअ्खे | वा द्याङगेलाइहेङ ओबालाइको पाप गेलाइसो सुद्द पापिहि, कालाउ स्वर्गता परमेस्वरको दामपाहा खुर भारि योम्हि | 4 परमेस्वर वासेहेङ एलोङ मिङ पिहि जेदोङ हिदोइबुङ स्वर्गदुतगेलाइको मिङ खान्तेङ झाउका हि | ओदोङ भाअ्सिङ वा स्वर्गदुतगेलाइ खान्तेङ महान हिका हि | 5 परमेस्वर या काथा हिदोइबुङ स्वर्गदुतगेलाइहेङ दोअ्पिका मान्थुघाहि : ''ना काङ्को चान हिना,नानि का नाङ्को आबा जेङ्का हिघा |'' वा हिदोइबुङ स्वर्गदुतहेङ इदोइ काथा मादोअ्हि : ''का वाको आबा जेनाङ्का कालाउ वा काङ्को चान जेनावा |'' 6 कालाउ जेलाउ परमेस्वर ताइको लाङ चानहेङ या सुमिङ्ता नाल्पाङ वा दोअ्खे: ''परमेस्वरको गोताङ स्वर्गदुतगेलाइ वासेहेङ आराधाना पाको |'' 7 स्वर्गदुतको बारेता परमेस्वर दोअ्खे,''परमेस्वर ताइको स्वर्गदुतगेलाहेङ भेरमा भाइका बानाइहि ,कालाउ ताइको बान्धाइतिगेलाइहेङ मेको दाल्दालाका भाइका बानाइहि |'' 8 कालाउ ताइको चानको बारेता परमेस्वर दोअ्हि : हे परमेस्वर नाङ्को सिहासन हेलाउलाउबुङ ह्यावा ,न्यायपुर्बक ना ताइको राइजि चालायाना | 9 ना धार्मिकताहेङ प्रेम पाखेना कालाउ दुस्तहेङ मन्दामाताखेना ओदोङ भाअ्सिङ हे परमेस्वर, नाङ्को परमेस्वर नासेहेङ नाङ्को भायागेलाइहेङ पिका खान्तेङ माहान आनन्द पिका हि |'' 10 परमेस्वर झन दोअ्खे:''हे प्रभु, लाम्फोर्ति ना पृथ्विको जग ताअ्न्हा कालाउ बादेल मन्डल नाङ्को खुरको काम गेलाइ दोङ | 11 ' इदोइ गोताङ नासातेङ हानाङ कालाउ ना हेलाउलाउबुङ हितेङ ह्याना कालाउ गोताङ आने-मानेगेलाइ धाबा भाइपा पुर्न जेनावा | 12 ना इङ्को धावा भाइपाङ धेमाना, इङ्को आरोङ धावा भाइपाङ फेरिन्हावा , कालाउ ना हेलाउबुङ माफेरियाना | नाङ्को जिवनको अन्त हेलाउबुङ माजेनावा | 13 कालाउ परमेस्वर या काथा स्वर्गदुतहेङ हेलाउबुङ मादोअ्हि: ''ना काङ्को दाम्पाहा खुर भारि योम,जेलाउ थिकापा नाङ्को सतुरहेङ नाङ्को पाइतालाता मायाम्पा थिकापा माचुमाङ्का '' 14 गोताङ स्वर्गदुतगेलाइ आत्मागेलाइ दोङ जाइ परमेस्वरको सेवा पाखे कालाउ उदार निङ्कालाइको भाअ्सिङ साघाइलि इम्बालाइहेङ दिङ्गिल्खे |