2
इस्राएलिगेलाइको माझाता जेसाङ धाताइका(झुटा)अगम बक्तागेलाइबुङ हिघाहि,एन्साङ नेलाइको माझाता बुङ धताइका मास्टरगेलाइ खडा जेनावा | ओबालाइ सिकापा नासापाका धाताइका सिकस्यागेलाइ चुमावा,इता थेकापाकि इम्बालाइहेङ उदार पाका प्रभुहेङ बुङ इम्बालाइ मन्दामाताका(इन्कार),कालाउ ताइमिहेङ दोङ धेमाङ बिनास चुमावा | 2 कालाउ इम्बालाइता हेन्जाङ जोसो झना बिलासि आचारनको अनुसरन पावा,कालाउ इम्बालाइको कारन सत्येको मार्गको बदनामि जेनावा | 3 कालाउ चिचाहाको आधिनता परितेङ ओबालाइ धताइतेङ काथागेलाइ बानाइतेङ नेलाइसो फायदा ल्होपावा |इम्बालाइको दण्डको काथा लाम्फासोङ निर्नय जेङ्का हि,कालाउ इम्बालाइको बिनासको काम सिनुपाङ हि | 4 परमेस्वर स्वर्गदुतगेलाइहेङ पाप पालाउ ओबालाइहेङबुङ बाकि माताहि,कालाउ ओबालाहेङ नरकता थाइगिल्पिहि,कालाउ न्यायको दिन थेकापाको भाअ्सिङ पातालको दाकिल्किल्का वाङ खाराका खाराता थाहागिल्हि | 5 वा प्राचिन सुमिङ्हेङबुङ बाकि माताहि,कालाउ भक्तिहिनको सुमिङ्ता चिको प्रलय(जल प्रलय) पालाउ धार्मिकताको प्रचारक नोवा कालाउ आरु न्हेमि झानाहेङ सुरक्स्या ताहि | 6 परमेस्वर सदोम कालाउ गमोरा दोअ्का सहरगेलाइ भस्मपातेङ इङ्कोको र्-हाइदोङ म्होपापिहि,कालाउ भक्तहिनगेलाइको आगाता ओबालाइहेङ एनोङ उदाहरन बानाहि | 7 वा दुस्तगेलाइको कामुकतासो हेन्जा दुःखितजेङ्का धार्मिक लोतेङ बान्चिपाहि | 8 इङ्को द्-याङगेलाइको माझाता हिलाउचालाउ कालाउ दिनाङ-दिनाङ इम्बालाइको मारेम्का कोकाम हिङ्लाउ तिङ्लाउ,वा ताइकोङ धार्मिक आत्माता दु:खि जेङ्घाखे | 9 एसापा भक्तिहेङ जाचसो बान्चिपालि कालाउ भक्तिहिन गेलाइहेङ न्यायको दिना थेकापा धेउतेङतालि प्रभु गिखे, 10 बिसेस पातेङ ओबालाइहेङ,जाइ असुदपाका लेसाइको कामता दुबितेङ हिखे,कालाउ खाबाराको वास्ता मापाखे | इम्बालाइ जिद्दि कालाउ घमण्दि हिखे,कालाउ स्वर्गिय प्रानिगेलाइको खुजलाइलि माथिखे | 11 कालाउ स्वर्ग दुतगेलाइ सरबुङ कालाउ बलियाका खान्तेङबुङ हेन्जा बारका जेङ्लाबुङ प्रभुको आगाता इङ्को प्रानिगेलाइहेङ मन्दामातातेङ दोसिलि माप्याङ | 12 कालाउ इङ्को द्-याङगेलाइ ताइमिङ माबुझेका काथागेलाइको निन्दा पाखे | ओबालाइ बुदिहिन गपुसगेलाइका भाइका हि,कालाउ एन्साङ इस्सागेलाइको काबुता हिखे | इम्बालाइ र्-म्तेङ से:न्हालि(से:न्नालि) जोलम जेङ्का भाइकाहि,कालाउ इम्बालाइ गपुसभाइपाङ नासातावा | 13 ताइमिङ पाका मारेम्का खाराबि गेलाइको भाअ्सिङ इम्बालाइ ताइमिङ्बुङ आखेका खाराबि भोग्यावा | नितिमादोङ भोगबिलासता मन पातेङ हिलि इम्बालाइ लेङ्चाका काथा सम्झिखे | इम्बालाइ दागा निङ्का कालाउ पेचारागेलाइ दोङ, कालाउ नेलाइदोफा भोजता हिलाउ इम्बालाइ बेसामारि चाकाताङ -आम्काताङ म्हाकाताङ मग्न हयावा | 14 इम्बालाइको मिसिया कासिबेरिहोइ पोङ्घाका हिखे ,कालाउ जेथे पाप पालाबुङ माआघाइखाहिखे | इम्बालाइ चन्चलमन हिकालाइहेङ लाइपाखे | इम्बालाइको हृदय दि:का कामता तालिम निङ्का हिखे | इम्बालाइ स्रापित सन्तान गेलाइदोङ | 15 इम्बालाइ सिधा दामा लाअ्तेङ मारेम्का दामा भारि हानिका हि खाराब कामको फाइदा मानिका बोओरको चान बालामको इम्बालाइ लेसारा पिताइका हि | 16 वा ताइकोङ अपराधको भाअ्सिङ चेरन्हाइचाका हिगाहि-लाता गाधा द्-याङ्को नुइधुइका उङ्को अगमबक्ताको पागाला पानाहेङ रोकिपिकाहिगाहि | 17 इम्बालाइ चि मान्थुका मुहानगेलाइदोङ,भेरमाहोइ उराइपाका कुकुवातुका (तुवालो) दोङ | इम्बालाइको भाअ्सिङ कितिकितिका साचि पिकाहि | 18 इम्बालाइ हाइदोङ मागिका (मुर्खता) पुर्न बार-बारका बलदिका काथागेलाइ पागिल्खे,कालाउ कुकामसो एनाङ खिनिङ खातेङ लोकालाइहेङ जिउको बिलासमय कामबासानाको काथाहोइ फसाइखे | 19 इम्बालाइहेङ स्वतन्त्तर बनाइप्याङ्का प्रतिग्या पाखे,कालाउ इम्बालाइ ताइमिङ भ्रस्तपाकाको बान्धाइतिहि ,हाइपालिपानु जेदोङ काथाहोइ हिदोइबुङ द्-याङ्हेङ जितिखे इङ्कोङ काथाहोइ वासिहेङ बान्धाइति बानाइखे 20 कालाउ एदि नेलाइहेङ केलाइको प्रभु कालाउ मुक्तिदाता येसु:ख्रिस्तहेङ नाल्तेङ्बुङ सुमिङ्को खाराबपाका काथासो खाअ्लि दोतेङ आरुङ पापता फसितेङ वाको काबुता परिहेपानु,इम्बालाइको न्हुसोको आबास्था लाम्फाको खान्तेङ आरुङ झन खाराब जेनाङ | 21 हाइपालिदोनु इम्बालाइहेङ पिका पबित्तरो आग्या गितेङ्बुङ आरुङ इन्तासो घुरिलि खान्तेङ भरु ठिक दामा नेलाइ हेलाउबुङ मानाल्का रेम्का जेन्धावा | 22 इदोइ सत्ये उखान आन्सारदोङ नेलाइहेङ एसादोका हि,''खिया ताइकोङ ओकाता घुरितेङ लोखे,''कालाउ चिउ पाका पाया आरुङ खेचाताङ उखे |''