4
जेलाउ ख्रिस्त ताइको जिउता हिका हिगाहि,वा याताना भोगिहि | ओदोङ भाअ्सिङ नेलाइ ख्रिस्तकोङ बिचारता स्वयम ताइमिहेङ तियार पालिगोइखे,जेसाङ एमि द्याङ ज्याइ ताइको जिउता हिलाउ याताना भोगिका हि वा पापपालि लाअ्का हि | 2 नेलाइ स्वयम ताइमिहेङ तियार पासु ज्याइ पाहासो नेलाइ परमेस्वरको इस्सा आन्सारको कामता बान्चेका जिवन उपयोग पासुवाना कालाउ द्याङ्गेलाइको बिचार आन्सार माको | 3 बितिका समयता नेलाइदोङ इङ्को काथागेलाइ पातेङ हेङ्साङ समय बार्बाद पासुवाना इङ्को खान्धुरि मापाकागेलाइबुङ पाखे | नेलाइ कासिबेरि ,बोमिको आमनेता दि:का लालच दि:का, मह्का आम्तेङ चेरसुतेङ, फेसुतेङ कालाउ पालि मागोइका मुर्ति पुजाता सहभागि जेङ्सुवाना | 4 नेलाइ इन्सिका आखेका कामगेलाइता भाग र्हुलि मानिङ्नाङ इम्बालाइ भारभुसाइ मानितेङ हि,ओदोङ भाअ्सिङ इम्बालाइ आखेका काथा दोखे | 5 कालाउबुङ उङ्को द्याङ्गेलाइ ख्रिस्तहेङ लेखा प्यावा ज्याइ सि:का कालाउ सिन्हुका द्याङ्गेलाइको न्याय पालि तियार पालि हिका हिगाहि | 6 ओदोङ भाअ्सिङ सि:कालाइहेङ्बुङ ये:बानाल हिम्पाहि,ताकि इम्बालाइबुङ द्याङ्गेलाइ भाइपाङ जिउता इन्साफ निङ्लाउबुङ आत्माता इम्बालाइ परमेस्वर भाइपाङ ज्याको | 7 गोताङ काथाको अन्त्य भेरपाङ लोका हि,ओदोङ भाअ्सिङ ताइको दोमचाकाइलिको भाअ्सिङ साफा मन ताअ्सु कालाउ ताइमिहेङ काबुता पासु | 8 झाराङ खानतेङ मुख्य, एमि - भेनाङहे्ङ गहन प्रेम पाअ्, प्रेमहोइ गोताङ काथा दाकिपिखे | 9 मागनगनाइसिङ एमि सो भेनेङ्हेङ बान्सा मानाइसु | 10 ० जाइ जिस्काङ बरदान निङ्काइ,परमेस्वरको अनुग्रह्को भेनाङ -भेना बरदान निङ्तेङ जोम्पाका भाइकाङ इङ्को एमिसो- भेनेङ्को भाअ्सिङ प्रयोग पासु | 11 एदि हासुबुङ नुइ धुइखेपानु,परमेस्वरको वचन धुइका भाइपाङ वा धुइयाको | एदि हासुबुङ सेवापाखेपानु परमेस्वरदोङ पिका सरबुङ पाहासो वा इङ्को पाको,एसापासो कि गोताङ काथाता येसु:पाहासो परमेस्वरहेङ दोङ बाखानाइ ज्याको | वादोङ माहिमा कालाउ पराक्रम हेलाउलाउबुङ ह्याको | आमेन | 12 प्रिय सोना आनाउ,नेलाइ भोगितेङ हिका मेको धाङ्का भाइपाङ ओसारा कस्तता माभारभुसाइसु | इदोइ नेलाइको खान्धुरिको जाचपालिको,मासोचिसु कि नेलाइहुता आलौकिक घाटाना घतितेङ हिकाहि | 13 कालाउ ख्रिस्तको कस्तभोगता सहभागि जेङ्लाउ लेङ्चासु,ताकि वाको महिमा प्रकट जेङ्लाउ नेलाइबुङ आनन्द कालाउ हरसित जेङ्लि दोसु | 14 एदि नेलाइ ख्रिस्तको मिङ्ता निन्दित जेङ्सुना पानु नेलाइ धन्यको हिसुना | हाइपालिदोनु महिमाको कालाउ परमेस्वरको आत्मा नेलाइ दोफा ह्यावा | 15 कालाउ नेलाइ मध्येसो हासुदोङ्बुङ द्याङ मासेताको,खुका माजेङ्सु खराब मापासु बोमिको आमेनेता खुका पाकालाइका भाइपाङ दुःख भोगिलि मागोयाको | 16 कालाउ हासुबुङ ख्रिस्ततियान जेङ्काको कारन दुःख भोगिखे पानुते वा मालेदेराको,कालाउ ओदोङ मिङ्ता वा परमेस्वरहेङ महिमा प्याको | 17 हाइपालिदोनु न्याय निसाफ परमेस्वरकोङ जाहानसो सुरु जेङ्का समय लोका हि,कालाउ एदि इङ्को केलाइसो सुरु जेङ्नुते परमेस्वरको ये:बानाल माकिकालाइको दासा हिसिका जेनाङ्वाला ?'' 18 कालाउ ''एदि धर्मिजनको उदार मारेमफाङ दुःख सो जेङ्हेपानु आधर्मिक कालाउ पापिको गति झन हाइ जेनाङ वाला ?'' 19 ओदोङ भाअ्सिङ परमेस्वरको इस्सा आन्सार दुःख भोगेकालाइ भालाइ पाको कालाउ इम्बालाइ ताइको आत्मा खान्धुरि योग्य सिरजाइका कोता सोमप्याको |