5
जेलाउ नेलाइको समुहता हिका अगुवागेलाइ दोफा काङ्को काथा हि, काबुङ एलोङ अगुवादोङ का ताइमिङ ख्रिस्टको दानाइ निन्चाका तिङ्का हिघा | कालाउ का इङ्को महिमाको हकदार ह्याइका जेदोङ केलाइहेङ तिङ्प्यावा | 2 जेदोङ इङ्को द्याङ्गेलाइको नेलाइ जिम्मावारि हिसुना ओबालाइको सामाराइ पालि कालाउ खाङ्लि दोअ्तेङ का निबेदन पाखा | ओबालाइ परमेस्वरको बथान हिसुना , उङ्को द्याङ्गेलाइको जेरहेङ साम्राइपि, ना चाहेखेना पानु, कालाउ कराकापता माको | भरु एसा पासु हाइपालिपानु नेलाइ सेवा पालि खुसि हिसुना, एसा माको नेलाइ ताकाको भाअ्सिङ दि:का हिसुना | 3 नेलाइको जिम्माता हिका द्याङ्गेलाइता ना सासक भाइपा व्यवहार मापासु | भरु इङ्को द्याङ्गेलाइको भाअ्सिङ रेम्का उदाहरन जेङ्सु | 4 कालाउ जेलाउ बार्का गोथालो ल्वाङ नेलाइ महिमाको मुकुट निङ्स्वाना ,कालाउ वा ताइको साङ्काता हेलाउबुङ मारामावा | 5 ओइ धानागेलाइ, नेलाइहेङ्बुङ काङ्को काथा हाइदोङ दोअ्लि हि,नेलाइ ताइको अगुवागेलाइको खाबारा किलि गोइस्वाना | नेलाइ झाराङ एमिसो -भेनेङ दोफा मेनाङ रेम्फा बिनम्र हिलिगोइस्वाना | “ परमेस्वर अहङ्कारि द्याङ्गेलाइको बिरुध्दता हिका हि; कालाउ वा बिनम्र द्याङ्गेलाइहेङ अनुग्रह पाखे | 6 एसापा परमेस्वरको सुरबुङ्साइका खुरको सतरसायाता बिनम्र जेङ्सु | कालाउ कि वा नेलाइहेङ ह्रुता तोल्ह्यावा जेलाउ थिक समय लावा | 7 जेलाउ वा नेलाइहेङ साम्ह्राइखे नेलाइको गोतेङ चिन्ता वाको आगाति ताअ्पिसु | 8 ताइमिहेङ काबुता ताअ्सु कालाउ थिसु , साइतान नेलाइको सतरू हि | इङ्को जेसाङ खुवाँ हासुहेङ्बुङ चालि द्यापाहाङ घुराइगिल्खे | 9 साइतान भाइका पाका कामगेलाइ मापासु , ताइको खान्धुरिता दोरो जेङ्तेङ हिसु | नेलाइ गिसुखेना कि सुमिङ भरि नेलाइको दाइ-ओने, बाइ-ओनेगेलाइ इन्सिकाङ दानाइनिनचातेङ दु:ख भोगितेङ हि, इन्सिका दानाइ निन्चाकाता नेलाइ हिघासुघाना | 10 इदोइ सहि हि, नेलाइ आधा समयको भाअ्सिङ दुःखको भोगिलि गोइस्वाना, कालाउ न्हुसो परमेस्वर गोतेङ काथा पुरा ठिक पापियावा , वा नेलाइहेङ बलियाका बानाया | वा नेलाइहेङ साहारा प्यावा कालाउ नेलाइहेङ लोङ्कासो लाम्फा खोअ्तावा, वा गोतेङ अनुग्रहको परमेस्वर हिका हि | वाआङ नेलाइहेङ ख्रिस्ट येसु:ता वाको माहिमाको सहभागिता जेङ्लि आहान पाका हि | इङको महिमा जेलाउबुङ ह्यावा | 11 गोताङ सरबुङ हेलाउलाबुङ वाकोङ ह्यावा | आमेन | 12 का सिल्वानासको सघाइकासो इदोइ चिठ्थि लेखिघा ,का गिघा कि वा खुन्धाराइ ओने | का नेलाइहेङ हाइसाइपालि परमेस्वरको साचि अनुग्रह हि दोअ्तेङ साक्चि पिलि इदोइ आतुइसा पातारा लिखिका हिघा | या अनुग्रहता दोरो जेङ्तेङ हिसु | 13 बेबिलोनको मन्डलि नेलाइ झाराङ्हेङ सेउपाखा हि | उङ्को द्याङ्गेलाइबुङ नेलाइ भाइपा साल्का हिघाहि | मर्कुस,ज्याइ खिस्टता काङ्को चान हि वाबुङ सेउपाका हि | 14 ता-ताइमिता मायाको मुइ चासु जेलाउ नेलाइ भेतिस्वाना | नेलाइ साराङ्हेङ सान्ति ह्याको ज्याइ ख्रिस्टको दोफाङ हिसुना |