3
इन्सापाङ ना बे 'गेलाइ ताइको के' गेलाइको आगाता समर्पन पासु जेलाउ, नेलाइ हासुबुङ के परमेस्वरको सिक्स्या किलि माकिखे पानु हाइदोङ मादोसिङ नेलाइको ब्यावहारदोङ ओबालाइ जितियाङ | 2 के' गेलाइ नेलाइको जिवनता पबित्तरो, साम्मानित चरितार तिङ्स्वाना | 3 नेलाइको साङ्का बाहार गहनागेलाइसो जेसाङ खोपा चुतेङ, सोनाको गाहाना लागाइतेङ माकुनु हेन्जाङ ताकाको लोखोन लागाइतेङ लोलि मायेल | 4 माको,नेलाइको साङ्का नेलाइको लितासो लोलि गोइखे ,इङ्को नम्र कालाउ सान्ति आत्माको साङ्का हि | इङ्को साङ्का हेलाउबुङ मानाकावा इङ्को परमेस्वरको आगाता मेनाङ मुल्वानको हि | 5 इदोङ खाल्को इङ्को पबित्तरो, बेबालगेलाइ ज्याइ हेन्जाङ लाम्फा बान्चिका हिघाहि कालाउ परमेस्वर ह्रुसो आसा पानाङ ओबालाइ ताइमिङ साङ्का जेङ्का हि | ओबालाइ ताइमिङ्हेङ केलाइता सुम्पिपिका हिघाहि | 6 "का ""सारा "" भाइका बेबालगेलाइको बिसयता काथा दोअ्तेङ हिघा, वा ताइको 'के ' आब्राहामको आग्या पालान पाहि | कालाउ वा वासेहेङ ताइको मलिक मानिहि | कालाउ ""ना "" बेबालगेलाइको ""सारा""को साचि चानचाम्दिगेलाइ हिन्सुन्हा, एदि नेलाइ रेमका पाका हिसुना कालाउ माथिका हिसुनापानु |" 7 इसापाङ्दोङ ना 'के ' गेलाइ ताइको बे' गेलाइदोफा मिलितेङ हिका भावानाता हिलि गोइखे | नेलाइ ताइको बे' गेलाइ प्रति आदर पालि गोइखे, ओबालाइ नेलाइ 8 एसापा, नेलाइ झाराङ एदोफाङ सान्तिदोफा हिलि गोइखे ,नेलाइ एमीसो भेनेङ्हेङ बुझिलि प्रर्यन्त पिलि गोइखे | एमिसो-भेनेङ दोफा दादा-ओनेगेलाइ भाइपाङ प्रेम पासु दयावान काला'उ बिनम्रो जेङ्सु | 9 द्याङ्गेलाइ नेलाहेङ मारेम्का पाहेपानु नेलाइ वाको बदलाता मारेम्का काम मापासु | एदि हासुबुङ नेलाइहेङ अपमान पानु वाको बदला वासेहेङ आखेका बचन मापासु | भरू उङ्को द्याङ्इहेङ आसिर्बाद पि, दोअ्तेङ परमेस्वर दोफा दोमचाकाइसु,हाइपालि पानु नेलाइहेङ आसिर्बादको भाअ्सिङ आहावन पाकाहि | 10 धर्मसास्तर दोअ्खे, “ ज्याइ जिवन प्रति मायारू पाखे कालाउ रेम्का समयको आनान्द भोक पालि खाङ्खे, वा मारेम्का काथागेलाइ दोअ्लिसो ताइको दोअ्तेङ तहता ताअ्लि कालाउ धाताइलि बन्द पालिगोइखे |” 11 उङ्को द्याङ कुकर्म काम पालि लालि गोइखे कालाउ रेम्का काम पालि गोइखे, उङ्को द्याङ सान्ति भोलि गोइखे कालाउ उङ्कोहेङ निङ्लि प्रयन्त पालि गोइखे | 12 प्रभु धार्मिक द्याङ्गेलाइहेङ खाङ्खे कालाउ प्रभु ओबालाइको दोमचाका हिङ्खे कालाउ प्रभु इङ्को द्याङ्गेलाइको बिरुद हि, ज्याइ मारेम्का दुस्त काम पाखे |'' 13 एदि नेलाइ दिनाङ रेम्का पिलि प्रयन्त पाकाताङ हिसुना पानु नेलाइहेङ हासु हाइपालि दावावा ? 14 कालाउ धर्म पालाउ नेलाइको दुःख सामाना पालि दोस्वाना,एदि नेलाइहेङ इन्सिका हिनु नेलाइ धन्यका जेङ्स्वना | नेलाइहेङ कस्ट पिका द्याङ्गेलाइदोफा माथिसु पिरता मापरेसु | 15 कालाउ नेलाइको हृदयता ख्रिस्टहेङ प्रभु मानितेङ पबितरो रूपता सम्मान पासु | नेलाइ झाराङ ब्याख्या पिलि तियार हिसु ज्याइ नेलाइदोफा हिका आसाको बिसयता पुस्टि पालि सेउपाखे | 16 कालाउ इङ्को द्याङ्गेलाइहेङ आदारदोफाङ नम्र प्रकारसो उत्तर पिसु | इदोङ अनुभब पिलि समर्थ जेङ्सु कि नेलाइ ठिक काम पातेङ हिसुना | जेलाउ नेलाइ इसिका प्रकारसो काम पासुखेना ख्रिस्ट नेलाइको बानिबेहुराको बारेता खुजालाइका लेदेरयावा | 17 कालाउ इङ्को द्याङ्गेलाइहेङ आदारदोफाङ नम्र प्रकारसो उत्तर पिसु | इदोङ अनुभब पिलि समर्थ जेङ्सु कि नेलाइ ठिक काम पातेङ हिसुना | जेलाउ नेलाइ इसिका प्रकारसो काम पासुखेना ख्रिस्ट नेलाइको बानिबेहुराको बारेता खुजालाइका लेदेरयावा | 18 नेलाइको भाअ्सिङ येसु: जेलाउकोबुङ भाअ्सिङ जिवन बलिदान पिहि,| वा दोसिलि मान्थुघाहि ,कलाउबुङ वा ओबालाइको भाअ्सि सि:पिहि ज्याइ दोसि हिघाहि (जेङ्पिहि) | नेलाइ झाराङ्हेङ परमेस्वरकोता चुमालि वा एसा पाहि |वा जिउता सि:हि, कालाउ वा आत्माता सिन्हुनपातेङ चुमाहि | 19 कालाउ वा आत्मा स्वरुप कैदि आत्मागेलाइहेङ सिक्स्या पिलि हानिहि | 20 इङ्को आत्मागेलाइ इम्बालाइदोङ,जाइ नुहको पालाता परमेस्वरको आग्या पालन पालि सुइकार मापाहि,परमेस्वर इम्बालाइहेङ दैर्ये पातेङ र्-हुतेङ हिघाहि, जेदोङ बेला नुह जहाज बानाइते ङ हिघाहि, खिनिङ येए झना इङ्को जहाजता बान्चिका हिघाहि |उङ्को द्याङ्गेलाइहेङ चिसो बान्चिपाका हिघाहि | 21 इङ्को चि बप्तिस्ता भाइकाङ हिघाहि ज्याइ एला नेलाइहेङ बान्चिपाखे | बप्तिस्ता जिउको बिधि झाकाका माको | बप्तिस्ता केलाइ परमेस्वर दोफा पबितरो हृदयको भाअ्सिङ याचाना पातेङ हिनाखे | इदेइ ह्रुसो नेलाइहेङ बान्चिपावा हाइपालिपानु येसु:हेङ सिकासो ल्होपाका हिघाहि 22 एला येसु: स्वार्गाता हानिका हि | वा परमेस्वरको दामपाहा हिका हि | वा स्वर्गादुतगेलाइ, अधिकारिगेलाइ कालाउ सरबुङ्गेलाइ ह्रुसो सासन चालाइखे |