याकूब 3

ओनेगेलाइ, नेलाइकोसो हेन्जा झना मास्टर माजेङ्सु ,हाइपालिपानु नेलाइ गिसुखेना ,केलाइ धिरपाकागेलाइको न्याय झन हाइगुति जेनावा | 2 हाइपालिपानु केलाइ झाराङ हेन्सा गल्ती पानाखे , जेदोङ द्याङ ताइमिङ दोअ्का काथाता भुल मापाखे, वा ताइको गोतेङ जिउताबुङ लागाम लागाइलि दोअखे, कालाउ उङ्को दयाङ जाहाका मन भाइपा हिखे | 3 एदि ओहयागेलाहेङ ताइको कब्ज़ाता ताअ्लि इम्बालाइको नुइता लगाम लागाइपिलि दोनु इम्बालाइको गोतेङ जिउहेङ जेसो मन जेङ्खे ओसोङ चुम्पुलि दोअ्स्वाना | 4 खाङ्सु त जाहाजगेलाइ जेदोङ बार्का भेरमासो चोलिखे , इङ्को बा-बार्का हिलाउबुङ एनोङ म्हुइका पतवारहोइ ताइको इच्सा आन्सारसो जेता मन जेङ्खे वोताङ चुम्पुखे | 5 इन्सिकाङ देतोङ्बुङ एनोङ म्हुइका अङ्ग जेङ्तेङ बार-बारका काथाको बेज्यत पाखे | खाङ्सु,एनोङ म्हुइका मेको झिल्कासो बारका झारबुङ स्वाहा पाखे | 6 देतोङ्बुङ एनोङ मे दोङ हि | या जिउको अङ्गगेलाइ मध्ये अधर्मको एलोङ(एनोङ) दुष्ट कामको सुमिमिङ दोङ हि | यादोङ गोताङ जिउहेङ खाराब पाखे कालाउ जिबनको गोताङ क्रमसो बुङ मे जोलाइपिखे कालाउ नर्कको मेता उङ्को ओखे ! 7 हिदोइबुङ खालको जियाजुइलेङ, पोम्भेलेतेङतेका (घस्राइका) जन्तु कालाउ समुन्द्रको जिब जन्तुगेलाइहेङ तह लागाइलि दोअ्खे,कालाउ द्याङ्को जातिसोदोङ इम्बालाइहेङ तह लगाइका हि | 8 कालाउ देतोङ्हेङ हासुबुङ द्याङ तह लागाइलि मादोखे | नासापाका बिस भरितेङ इङ्को सलिपाका एनोङ दुष्ट दोङ हि | 9 इदोइपाहासो केलाइ प्रभु कालाउ आबाको बाखिनाइ पान्हाखे,कालाउ इदोइसोङ परमेस्वरको स्वरूपता बानाइका द्याङ्गेलाइहेङ केलाइ दुसाइन्हाखे (साराराप पिनाखे) | 10 एनोङदोङ नुइसो आसिस कालाउ सराप ओल्हिखे | काङ्को ओनेगेलाइ,एसा माजेङ्लि गोइका हि | 11 हाइ चिको मुलको एनोङ घारासो दि:का कालाउ खा:का चि ओल्हिखे ? 12 काङ्को ओनेगेलाइ,हाइ अन्जिरको सिङ्ता जैतुन, दाखको सिङ्ता अन्जिर सेलि द्वारो ? खाका चिको मुहानसोबुङ ताका चि ओल्लिलि मादावा | 13 नेलाइमध्येसो बुदिमान कालाउ गिका ग्यानि द्याङ हासु हि ? ताइको असल जिवनसो बुदिको नम्रताता वा ताइको कामगेलाइ तिङ्पाको | 14 कालाउ यदि नेलाइको हृदयता बोमिको आरिस डाहापाका कालाउ ताइको भाअ्सिङ खिनिङ रेम्का ज्याइको दोअ्तेङ दोनु इदोइ काथाता घमण्दि मापा,कालाउ सत्यतेङ झुता( धाताइका) माबानाइसु | 15 या बुदि स्वर्गसो लोका बुदि माको | कालाउ या ते संसारिक,मानात्मिक कालाउ सैतानिक दोङ हि | 16 हाइपानु जेता डाह कालाउ आरिस पाका ताइमि खिनिङ रेम्का ज्याको दोअ्का भावना पाखे इन्ता झाइ-झागाडा कालाउ हिदोइबुङ खाल्को मारेम्का(भ्रष्ट) काम जेङ्का हिखे | 17 कालाउ जेदोङ बुदि स्वर्गसो लोखे इङ्को लाम्फाङ सुदद जेङ्का हिखे,कालाउ इङ्को सान्तिप्रिय, कोलम, बिचारसिल, हिलि, कृप्पापुर्ण कालाउ रेम्का फलपाकलहोइ पोङ्घातेङ,पक्स्य पातमापासिङ कालाउ मादिसिङ हिखे | 18 सान्ति कायम ता:कागेलाइ सान्तिसो बिखे,कालाउ इम्बालाइहेङ धार्मिकताको बालि जोम्पाखे |