याकूब 2

काङको ओनेगेलाइ, प्रभु येसु: खिरिस्तको, महिमाको प्रभुहुता नेलाइको खान्धुरि हिकानाङ नेलाइ हिदोइबुङ (सुवासुत) कामता ताइको बोमिको दोतेङ मापासु | 2 एदि हासुबुङ द्याङ सोनाको आँउखुतिगेलाइ कालाउ रेम-रेम्का लोखोन होङतेङ नेलाइको सभाउता लोहि , कालाउ हिदोइबुङ एलोङ गरिबबुङ आखेका- उखेका लोखोङ होङतेङ लोहेपानु, ? 3 "नेलाइ उङ्को रेम्का लोखोन धाबा होङ्तेङ लोकाहेङ आदार मान पातेङ ""इता रेम्का थामेता योमसु ""दोअ्स्वाना कालाउ आरोङ उङ्को गरिबहेङ चाहि "" ना इन्ताङ जाअ्तेङ हि,”माकुनु ""काङ्को खोकोइ भेरपा योम ""दोअ्सुना पानु, " 4 हाइ नेलाइ ताइकोङ .माझाता ताइको -बोमिदोफा व्यवहारता मातिमपास्वाना,कालाउ मरेम्का (कुबिचार) मन जेङ्का न्यायपाका कर्ता माजेङ्स्वाना रो? 5 . काङ्को आनाङ सोनागेलाइ, हिङ्सु, हाइ परमेस्वर सुमिङ्को गरिबगेलाहेङ खान्धुरिता धनि बानाइतेङ इङ्को सार्भिको उताराधिकारि जेङ्ल्लि को भाअ्सिङ मासाल्ही रो? | एदि इदोइ सार्भि वासेहेङ प्रेमपाकाइहेङ वा पिका प्रतिग्या पाका माको रो? 6 कालाउ नेलाइते गरिब दयाङ्गेलाइको अपमान पाका हिसुना, हाइ धनिगेलाइ नेलाइहेङ अत्याचार मापाखे रो? हाइपालिपानु इम्बालाइ नेलाइहेङ आदालातता माचुम्पावा रो? 7 हाइ इम्बालाइको इङ्कोङ आदरनिय मिङ को वास्ता मापाखे रो?, जेदोङ मिङ सो नेलाइहेङ काइका हि? 8 "एदि नेलाइ ""ताइको सा-सालेङ फिनुगेलाइ कालाउ देरागेलाइहेङ ताइमिङ भाइपा प्रेम पासु "" दोअ्का पबित्तरो -धर्मसास्तरको राजाकियको व्यवस्थाहेङ जातिङ्को पुरा पास्वानापानु दोअ्नुते रेम्काङ पासुखेना |" 9 एदि नेलाइ ओबालाइदोफा मारेम्का व्यावहार तिम्पासुनापानुते नेलाइ पाप पासुखेना, कालाउ व्यवस्थाको अपराधि जेङ्सुवाना 10 हाइपालिपानु ज्याइ गोताङ व्यवस्था मानिखे कालाउ एलोङ खिनिङ काथाता वा चुकेहेपानु(गल्तीपाहेपानु) व्यावस्ताको गोतेङ काथाता वा दोसिली जेङ्का हिखे | 11 "हाइपालिपानु ज्याइ ""कासिबिरि मापासु"" दोअ्का हि, वा ''मासेसुबुङ'' दोअ्का हि | एदिना कासिबिरि मापाना ,कालाउ मारा पासुना पानुना व्यावसताको आपाराधि जेङ्का हिना |" 12 ओदोङ भाअ्सिङ नेलाइको बचन कालाउ व्यवहार स्वतन्तरताको व्यवस्थाको भाअ्सिङ न्यायनिसाप निङ्कागेलाइको भाइपा ज्याको | 13 हाइपालिपानु जेदोङ दयाङ्गेलाइ कृपा पाका मान्थु ,' वाको न्याय कृपा माकोसिङ्बुङ जेङ्खे| कृपा न्यायहुता जिजय जेङ्खे| 14 "काङ्को ओने हो, एदि हासुबुङ द्याङ ""कादोफा खान्धुरि हि ,'' दोअ्खे, कालाउ कामचाहि मापाखे पानु,उङ्कोसो हाइ फाइदा ?  ? हाइ वाको खान्धुरिसो उङ्कोहेङ बान्चिपालि दयावा रो ?" 15 एदि हासुबुङ वाजान ओने याते बेजान ओने आखेका उखेका हि ,वासेहेङ दिनाङ चालिआम्लि माथेम्खे, 16 कालाउ नेलाइको माझाता हासुहेङ्बुङ हासुदोङ वासेहेङ सान्तिसो हाने, रेम्फासो हि , हामुभेल्पा चा खिनिङ दोअ्खे, कालाउ वाको जिउता गोइका आमेनेगेला चाहि मापिनु, उङ्कोसो हाइ फाइदा जेनावा रो ? 17 एसापा खान्धुरिबुङ कामता मालागाइसुना पानु इङ्को खान्धुरि सि:का भाइका हि | 18 कालाउ हासुबुङ दोअ्तावा, “नादोफा खान्धुरि हि, कालाउ काङ्को चाहि काम हि, |''काम माकोसिङ्को नाङ्को खान्धुरि कासिहेङ तिम्पा, कालाउ काङ्को पाका कामसो का ताइको खान्धुरि नासेहेङ तिङ्पाङ्का| 19 नेलाइ खान्धुरि पासुखेना कि परमेस्वर एलोङ्दोङ हि इङ्को रेम्का हि | भुतगेलाइबुङ (मासान) खान्धुरि पाखे कालाउ थुर-थुरपा फिरहि | 20 ओइ हाइदोङ मागिकालाइ, (मुर्ख) , काम माकोसिङ को खान्धुरि बेक्कार जेङ्खे, दोअ्का काथा को प्रमान भोसुखेना? 21 जेलाउ केलाइको आजाइ-आजु आब्रामदोङ ताइको चान इसाहाकहेङ बेदिता अर्पन पाहि ,कालाउ वा ताइको कामसोबुङ धर्मि माजेङ्हेकुनु रो? (माथाहाइराहि रो?) 22 ना तिङ्खेना, कि वाको कामगेलाइ दोफा- दोफाङ खान्धुरिबुङ क्रियासिल हिघाहि, कालाउ कामसोबुङ खान्धुरि पुरा जेङ्का हिघाहि | 23 प्रबित्तरो -धर्मसास्तरता इसिका दोअ्का वचन पुरा जेङ्हि, आब्राहाम परमेस्वरता खान्धुरि पाहि, कालाउ या वाको कामको भाअ्सिङ धार्मिक गान्धिन्हाही , कालाउ वादोङ परमेस्वरको सानाइति जेङ्हि, | 24 नेलाइ तिङ्सुखेना कि कामसो द्याङ धर्मि जेङ्खे, खान्धुरि सो खिनिङ माको| 25 ओसाङ पातेङ राहाब बेस्याबुङ (पातरनि,कासिबेरि, लेसाइका,) वादोङ जासुसपाकालाइहेङ (गुपत्चेरगेलाहेङ) चापातेङ आम्पातेङ भेनाङ दामाभारि दिङ्गील्पिहि ,कालाउ कामगेलाइसो वा धर्मि बानाइका माको रो? 26 जेसाङ जिउ आत्मासो भेनाङ जेङ्लाउ सि:का हिखे, ओसाङ खान्धुरिबुङ कामगेलाइसो भेनेङ जेङ्लाउ सि:कादोङ भाइका हिखे |