इब्रानियों 12

केलाइको कोरपाङ खान्धुरिपाका द्याङगेलाइ हेन्जाङ हि , इम्बालाइको जिवनसो खान्धुरि हाइ हि इङ्को केलाइहेङ धिरपाखे | कालाउबुङ केलाइ इम्बालाइ भाइपाङ जेङ्लि गोइखे, केलाइबुङ ताइको धाक मारोकिसिङ धाअ्लि गोइखे | कालाउ धाकाता हाइदोङ बादा लोखेदोनु इङ्कोहेङ थाल्लिगोइखे , कालाउ केलाइहेङ सुकापाङ फासाइका पापहेङ बुङ लाअ्पालि गोइखे | 2 केलाइ जेलाउबुङ येसु:को उदाहरन भाइपाङ पालि गोइखे , केलाइको खान्धुरिको भाअ्सिङ येसु:आगुवा हिका हि कालाउ वा केलाइको खानधुरिहेङ पुरा पापिखे | वा क्रुसता सि:लि भोहि परमेस्वरको आगाता आनन्दको भाअ्सिङ ,वादोङ क्रुसको दुःख हेङ भोगिहि | एला वा परमेस्वरको सिहासनको दाम्पाहा भारि योम्तेङ हिका हि | 3 नाइसुकागेलाइ सहितेङ हिका येसु:हेङ बिचार पा जेलाउ पापिगेलाइ वासेहेङ सानताइहि,वा सहितेङ हिलि दोहि | निरास मापा ? कालाउ धिरज जेङ्तेङ हि कालाउ येसु:को बारेता फोम पा | 4 नेलाइ पापको बिरोतता फेसुखेना,कालाउ एला थेकापा नेलाइहेङ हिति सोपालि गोइका बेला थेकापा जेङ्का मान्थु | 5 नेलाइ परमेस्वरको चानगेलाइदोङ दोअ्तेङ सम्बोधन पाखे ओदोङ भाअ्सिङ नेलाइहेङ वा उपदेस पिखे | नेलाइ वाको वचनगेलाइ निल्का हिसुना:''काङ्को चान ! परमेस्वरको अनुसासन सितिमिति भाइपा मासम्झे | ना हरेस माचा ,जेलाउ प्रभु नेलाइहेङ सुधिरपावा | 6 हाइपालिपानु प्रभु जाइहेङ प्रेम पाखे,वा इम्बालाइहेङ अनुसासित पालिदोखे जाइहेङ ताइको चान दोअ्तेङ नाल्खे झाराङहेङ वा दण्ड पिलि दोअ्खे |'' 7 एसाङ जेदोङ कष्टहेङ आबाको ताड़ना समझितेङ सोहिलि गोइखे , परमेस्वर जेसाङ नेलाइदोफा चानहेङ भाइपाङ वयवहर पाखे , हाइपालिपानु आबा ताड़ना मापिका हिदोइ चाहि चान ह्यावा रो ? 8 कालाउ एदि झाराङ जोम्काता इङ्को ताड़ना नेलाइ निङ्का मान्थुना पानुते नेलाइ ताइको आबाको हेलाउबुङ ना ख़ास चानगेलाइ माको | कालाउ कासिबेरिता जोलोम जेङ्का चानगेलाइदोङ | 9 इदोङ सुमिङ्ता,केलाइ झाराङ्को ताताइको आबागेलाइ हिखे जाइ केलाइहेङ ताड़ना पिखे कालाउ केलाइ ओबालाइको आदर पान्हाखे | कालाउ झन हेन्जा केलाइ ताइको आत्मिक आबाको ताड़ना मानेलि गोइखे, एसाङ पाहि पानु केलाइ जिवन निङ्लि माद्वाङ रो ? | 10 हाइपालिपानु इम्बालाइ रेम्का थानेका बोमजिम आसा दिना केलाइहेङ ताड़नापिहि कालाउ केलाइ वाको पबितरो सहभागि जेङ्लि द्वाको दोअ्तेङ केलाइको फाइदाको भाअ्सिङ साजाय पिखे | कालाउ वा भाइपाङ पबित्तरो जेङ्लि केलाइको आत्मिक आबा केलाइहेङ अनुसासित पातेङ बानाइखे | 11 गोताङ साजाय सुरुता सु:खुद मान्ठुखे, केलाइ खु:सि माजेङ्नाखे हाइपालिपानु इङ्को बेला इदोइ दुःखदायि जेङ्खे | कालाउ न्हुसो सजायसो ग्यान निङ्लि दोअ्तेङ न्हुसो धार्मिकताको सान्ति पुर्न फल सेपाखे | 12 ओदोङ भाअ्सिङ केउनाका खुरगेलाइ तोल्हेसु , कालाउ कमजोरि तिरुगेलाइ आरोङ आत्माता बलियाका बानाइसु | 13 नेलाइको तेअ्का दामा सिधा बानाइसु, कालाउ कि लेङ्ग्रातिरु मासेनाको, भरू एलाको | 14 झाराङ द्याङ्गेलाइ दोफा सान्तिसो हिलि कोसिस पासु कालाउ पबितरो हिलि कोसिस पासु , बिना पबित्तरो हासुबुङ प्रभुहेङ तिङ्लि मादावा | 15 सामाहितेङ हिसु कालाउ हासुबुङ परमेस्वरको अनुग्रहसो बन्चित माजेनाको , कालाउ नेलाइको माझाता हासुबुङ तितेपातिभाइपा बारालि माको कालाउ बोमिहेङ बिगिरपालि मान्थु | 16 हासुबुङ दुराचारी अपराध पालि मान्थु, माको इसाब भाइपा सांसारिक मनको जेङ्लि मान्थु | एसाब जेठा चान हिघाखे कालाउ आबाको सम्पतिको उताराधिकारि हिघाखे | कालाउ इङ्को गोतेङ वा ए सान्सा उमको भाअ्सिङ पिलि गोइहि | 17 नेलाइ गिसुखेना,न्हुसो सो वा ताइको आबाको आसिरबादको भाअ्सिङ खार्लि गोइहि | कालाउ वासेहेङ आसिरबाद पिलि माकिहि हि , हाइपालिपानु एसाब ताइमिङ पाका काथागेलाइ पास्ताइलिकामौक निङ्लि मादोहि | 18 नेलाइ एनोङ साइलि मादोका, 'रा' ता लोका मान्थुसुना, कालाउ नेलाइ ओसारापा धाङ्का 'मे' डा:का बादेल, मेनाङ दा:किलकिल्का,दुम भेरमाको भेरपाबुङ लोका मान्ठुसुना | इदोइ 'रा 'ता जेता इस्राएलिगेलाइ लोका हिघाखे | 19 इता इम्बालाइ हिङ्का भाइका तुरहिको गाला कालाउ धुइका गालाबुङ माहिङ्खे , जेलाउ इम्बालाइ इसिका गाला हिङ्हि,इम्बालाइ एनोङ गालाबुङ हिङ्लि मागोयाको दोअ्तेङ बिन्ति पाहि | 20 इम्बालाइ आदेसहेङ रोकिलि मादोहि,''एदि गपुस थेकापासो बुङ इदोइ पाहाड साइहिपानु इङ्कोहेङ उन्थुइसो तोतेङ से:लि आदेस पिका इम्बाला सहिलि मादोसि |'' 21 इम्बालाइ जेदोङ दिरिस्य तिङ्का हिघाखे इङ्को इसिका भयानक थिलिगोइका हिघाखे कि मोसा दोअ्हि,का थिकासो थुरथुर फिरतेङ हिघा |'' 22 कालाउ नेलाइ इन्सिका थामेता लोका मान्थुसुनानेलाइ सियोन 'रा' ता लोका हिसुना | नेलाइ सिन्हुका परमेस्वरको सहर स्वर्गिय यरुसलेमता लोका हिसुना | नेलाइ हेन्जाङ स्वर्गदुतगेलाइको झाराङ्को उत्साह कालाउ आनन्दता लोका हिसुना | 23 स्वर्गता मिङ दर्ता पाका लामफोर्ति जोलोम जेङ्का चानगेलाइ सभाउता नेलाइ लोका हिसुना | नेलाइ झाराङ्को न्याकर्ता परमेस्वरता कोता, सिद्द जेङ्का | कालाउ नेलाइ धर्मिक द्याङ्गेलाइको आत्माको माझाता | 24 कालाउ कारारको माध्यमसो येसु:को आगाता सर्काइतेङ चुमाका इङ्को हितिको आगाता लोका हिनाहि जाइदोङ परमेस्वरसो वाको द्याङ्गेलाइको भाअ्सिङ नावा कारार चुमातेङ लोहि | जाइ केलाइहेङ हाबिलको हितिसो खान्तेङ उतम वचनगेलाइ दोअ्खे | 25 होसियारहिसु कालाउ परमेस्वरको दोअ्का हिङ्लि मानाइ मापासु जेलाउ परमेस्वरदोङ पृथ्विता इम्बालाइहेङ चेतावनि पिहि इङ्को द्याङ्गेलाइ वासेहेङ हिङ्लि मामाने हि कालाउ इम्बालाइ माखाङ्हि | एला परमेस्वर स्वर्गसो धुइतेङ हिका हि | कालाउ वासेहेङ हिङ्लि केलाइ मानाइ पान्हाहि पानु केलाइ हेसा खा:लि द्वाङ | 26 ओदोङ बेला जेलाउ वा नुइ धुइहि वाको गालासो पृथ्वि डागमागाइनाहि ,कालाउ एला वा प्रतिग्या पाका हि : ए खेप आरोङ का धरति(सुमिङ) खेनिङ माको कालाउ स्वर्गसुधाङ हेङ्गालाइ प्याङ्का | 27 एला एखेप आरोङ दोका सब्दसो सरलर्ग तिङ्पाखे कि सिरजाइन्हाका गोतेङ आमेने नासातावा | कालाउ जेदोङ काथागेलाइ माहेङ्गालाइनावा, इङ्को इसथिर ह्यावा 28 कालाउ बुङ केलाइ क्रृतग्य जेङ्लि गोइखे हाइपालिपानु केलाइ एनोङ राइजि निनाङ जाइ हेङ गालाइहि मादोकाङ | कालाउ केलाइ वासेहेङ भक्ति दोअ्फाङ परमेस्वरहेङ थितेङ ग्रहन योग्यो जेङ्का पुजिलिगोइखे | 29 हाइपालिपानु केलाइको परमेस्वर ओपाका 'मे' भाइका हि,जाइ ओपातेङ साखाप पावा |