इब्रानियों 5

हिदोइबुङ यहुदिद्याङगेलाइ माझासो साल्काहिखे , द्याङगेलाइ परमेस्वरहेङ पालि गोइका काथागेलाइ पालि साघाइलि वा नियुक्त जेङका हि | पापको माफिता उङको प्रधान धामि परमेस्वरको आगाता भेतिगेलाइ कालाउ बलिगेलाइ चढाइलिदोङ गोइखे | 2 प्रधान धामि स्वयम ताइमिङ गोताङ द्याङगेलाइ भाइपाङकमजोर हिखे | ओदोङ भाअ्सिङ बुझिलि मादोअ्का गेलाइ दोअ्फा कालाउ गल्ति काम पाकालाइ दोफा वा नर्म जेङलि द्वाना | 3 प्रधानधामि द्याङगेलाइको पापको भाअ्सिङ बलि चढाइखे कालाउ वा स्वयम कमजोर द्याङ हिकानाङ ताइमिङ पापको भाअ्सिङ बुङ बलि चढाइलि गोइखे | 4 प्रधान धामि जेङलि सम्मानको काथा हि |कालाउ इङको कामको भाअ्सिङ ताइमि-ताइमिहेङ हासुबुङ मासाल्खे | हारुनहेङ भाइपा,परमेस्वर साल्लि गोइखे | 5 एन्सापाङ ख्रिस्त प्रधान धामि जेङलि कालाउ इङकोको महिमा निङलि ताइमिहेङ मासाल्हि | कालाउ परमेस्वर वासेहेङ साल्हि | परमेस्वर ख्रिस्तहेंङ दोअ्हि:''ना काङको चान हिना नानिसो का नाङको आबा जेङघा |'' 6 धर्म सास्तरको भेनाङ भागाता वा दोअ्हि : ''मल्किसेदेक भाइपा ना हेलाउ लाउबुङको भाअ्सिङ धामि जेनाना |'' 7 जेलाउ ख्रिस्त सुमिङता हिका हिघाहि वा परमेस्वरहेङ दोम्चाकाइहि कालाउ साघाइलि र्हेहि | वा एमि खिनिङ हिघाहि ज्याइ वासेहेङ सिकासो बन्चिपालि (सुन्हुपालि) दोलिदोअ्का हिघाहि कालाउ येसु:मिति कालाउ ब्याकुल जेङतेङ दोमचाकाइहि | येसु:नम्रो कालाउ आग्याकारि हिका हिघाहि,ओदोङ भाअ्सिङ परमेस्वर वाको प्राथनाको उतरा पिहि | 8 येसु:परमेस्वरको चान हिका हिघाहि कालाउ वाको कस्त भोगिहि कालाउ इन्तासो वा आग्याकारि जेङलि दोहि | 9 कालाउ येसु:दोङ पुर्न बानाइहि कालाउ वाको आग्या किकालाइ झाराङको भाअ्सिङ आनन्तको मुक्तिको स्रोत (मुरका) जेङहि | 10 कालाउ परमेस्वर मल्किसेदेकहेङ भाइपाङ येसु:हेङ प्रधान धामि बानाइहि | 11 केलाइ याको बारेता नेलाइहेङ हिन्जा काथा दोअ्लिहि | कालाउ नेलाए धिरलि मन मापासुना,नेलाइ हेङ या बुझिपालि खुबै मुस्किल जेङका हिघाहि | 12 हाइपालिपानु इलाको बेला थेकापाबुङ नेलाइहेङ मास्तर (सिक्सक) जेङलि दोअ्लि गोइका,कालाउ एलाबुङ नेलाइहेङ हासुबुङ परमेस्वरको बचनको आधारभुत सिक्सागेलाइ धिरपालि गोइका हि | नेलाइहेङ थाङका (जाराउका) उम माको,बुरु दुधे गोयाङ | 13 दुधे खिनिङ आम्तेङ (चातेङ) बानचिका द्याङ चाहि धार्मिक्ताको बचनता आसा गिका मान्थुखे,हाइपालिपानु उङको जामालदोङ हिखे | 14 थाङका उमते गोताङ गिका (परिपक्व) द्याङ गेलाइको भाअ्सिङ हि | एमबालाइको मानसिक सरबुङ लगातार अभ्यास पाहासो रेम्का कालाउ आखेका (मारेम्का) लाअ्पालि दोअ्का जेङका हिखे |