इब्रानियों 4

परमेस्वर ओबालाइहेङ पिका प्रतिग्या केलाइहेङ्बुङ हि, इङ्को प्रतिग्या इदोइ हि कि केलाइ दुल्लि कालाउ परमेस्वरको माइसा द्वाङ | केलाइ सर्तक हिलिगोइखे कि केलाइ इङ्को प्रतिग्या निङ्लि माचुकिलि गोयाङ | 2 जिसिकाङ इम्बालाइहेङ दोअ्हि इन्सिकाङ किसिमसो बान्चिपालि उपाय केलाइहेङ बुङ दोअ्पिका हि | कालाउ इम्बालाइ हिङ्का उपदेस इम्बालाइहेङ मासाघाइहि | इम्बालाइ उपदेसते हिङ्हि कालाउ खान्धुरि दोफाङ ग्रहन मापाहि | 3 केलाइ खानधुरिराइ गेलाइ परमेस्वरको माइसाका ता दुल्लि निनाङ | जेसाङ परमेस्वरदोङ दोअ्का हि: ''का चेर ताम्पाघा कालाउ प्रतिग्या पाघा कि 'इम्बालाइ हेलाउबुङ दुल्लिमानिनाङ कालाउ काङको माइसाचाका मानिनाङ |'' परमेस्वर एसा दोअ्हि | कालाउ परमेस्वर या सुमिङको सिरजाइलि दोअ्तेङ वा ताइको काम दोअ्पिहि | 4 धर्मसास्तरता भेनाङ थामेता परमेस्वर ए आथार दिनाको काथा पाकाहि :''कालाउ ए आथार दिनाता परमेस्वर ताइको गोताङ कामगेलाइसो माइसा चाहि |'' 5 कालाउ इदोइ थामेता आरुङ दोअ्खे उङको द्याङगेलाइ काङको माइसाचाका दिना दुल्लि मानिनाङ |'' 6 या झ सत्ये हि कि हेथेते द्याङगेलाइ दुल्लाउ कालाउ परमेस्वरको साइसाचाका निनावा | कालाउ उङको द्याङगेलाइ ज्याइ लाम्फा मुक्तिको उपाय हिङहि इन्ता दुल्लि योग्योको मान्ठुघाहि हाइपालि पानु इम्बालाइ आग्या माकिहि | 7 ओदोङ भाअ्सिङ परमेस्वर भेनाङ बिसेस दिनाको योजना पाहि | उङको हेङ ''नानि''दोअ्हि | दाउदपाहासो परमेस्वर इङको दिनाको बारेता हिन्जाङ दिना न्हुसो दोपिहि | केलाइ इङको धर्म सास्तर्ता लाङफाङ प्रयोग पानाहि |''एदि नेलाइ परमेस्वरको गला नानि सिङसुनापानु लाम्फाङको भाइपा नेलाइको हृदय चाङका माबानाइसु |'' 8 केलाइ गिनाखे यहोसुबुङ द्याङगेलाइहेङ माइसाचाका थामेभारि मागोराइहि | केलाइ या बुझिनाखे हाइपालिपानु परमेस्वर न्हुसोसो भेनेङ भेनाङ माइसाचाका दिना दोअ्पिहि | 9 इदोइदोङ तिङपाखे कि परमेस्वरको द्याङगेलाइ आथार दिनाको माइसाचाका दिना झन लोदोङखे 10 ताइको काम दोअ्तेङ परमेस्वर माइसाचाहि | ओदोङ भाअ्सिङ ज्याइ दुल्खे कालाउ परमेस्वरको माइसाचाका निङखे वा परमेस्वर पालि दोअ्का भाइपा ताइको काम पालि दोअ्का भाइपा ताइको काम पालिदोका जेनावा | 11 गोताङ केलाइबुङ परमेस्वरको माइसाकाचाकाता दुल्लि दोअ्मा दोअ्पा कोसिस पाइने | केलाइ सक्दो कोसिस पालि गोइखे ता कि परमेस्वरको आग्या माकिकालाइको नमुना जेङतेङ केलाइ मनासाताइने | 12 परमेस्वरको बचन हुसिहिका हि कालाउ काम पादोङखे | वाको बचन हिदोइबुङ न्हेधारे तरबार खान्तेङ धारिका हि | परमेस्वरको बचनहेङ केलाइहेङ लिता थेकापा पाल्नाखे | इङको आत्मा कालाउ प्रान,गासिका थामेता पाल्खे | इङकोहोइ जोर्नि कालाउ हारा सुधाङ पाल्खे | इङकोहोइ लिताको मन कालाउ बिचार थिकापा जाचि 13 सुमिङको हिदोइबुङ आनेमाने परमेस्वरसो म्होलि मादोअ्खे | वा गोताङ काथा झालाझालापा तिङखे | केलाइको जिबनको लेखाजोखा हेसापालाउबुङ बुझाइलि गोइखे | 14 केलाइ महाप्रधान धामि हि ज्याइ स्वर्गको परमेस्वरकोता हानिका हि | वा परमेस्वरको चान,येसु:हिकाहि | एसापा,केलाइ सुइकार पाका खान्धुरिता र्हुम्तेङ ह्याइने | 15 केलाएको प्रधान धामि,येसु:हिकाहि ज्याइ केलाइको क्मजोरिगेलाइ बुझिलि दोअ्का हि | जेलाउ येसु:या सुमिङता हिका हिघाहि वा गोताङ काथाता जाचिन्हाहि जेसाङ केलाइ जाचिन्हाहि,कालाउ वा हेलाउबुङ पाप मापाहि | 16 येसु:केलाइको प्रधान धामिहिका हिनाङ परमेस्वरको अनुग्रहको सिहासन आगा जाअ्लि केलाइहेङ स्वतन्त्तर हि | इन्ता केलाइ साघाइ निङलिको भाअ्सिङ करुना कालाउ अनुग्रह निनाङ जेलाउ इङको केलाइ चाहिनाखे |