इब्रानियों 3

ओदोङ भाअ्सिङ केलाइ झाराङ येसु:को बिसयता सोचिलि गोयाङ परमेस्वर येसु:हेङ केलाइ हिकाता दिङ्गिल्का हि कालाउ वा केलाइको खान्धुरिको प्रधान धामिगेलाइ हिका हि | जेदोङ खान्धुरि केलाइ ताअ्का हिनाहि | काङ्को पबित्तरो दादा-ओनेगेलाइ बाइ-ओनेगेलाइ का दोअ्खा ! नेलाइ परमेस्वरसो काइनाकागेलाइ हिसुना | 2 परमेस्वर येसु:हेङ केलाइको माझाता दिङ्गिल्हि कालाउ वासेहेङ प्रधान धामि बानाइहि , येसु:बुङ मोसा भाइपाङ परमेस्वरदोफा खानधुरि हिका हिघाहि , मोसा इङ्को गोताङ कामगेलाइ पाहि जेदोङ परमेस्वर ताइको सात पालि भोगाखे | 3 एदि हासुबुङ सा बानाइखे कालाउ द्याङ्गेलाइ साहेङ खान्तेङ सा बानाइकालाइहेङ हेन्जा आदार पाखे | एसापाङ मोसाहेङ खान्तेङ येसु:हेङ हेन्जा आदारको खाबारा मानिलि गोइखे | 4 गोताङ सा हिदोइबुङ द्याङ्सो बानाइखे ,कालाउ परमेस्वर गोताङ थोक बानाइहि | 5 परमेस्वर साता मोसा एलोङ खान्धुरिनिय बान्धाइति भाइका हिघाहि | वा द्याङ्गेलाइहेङ इङ्को काथागेलाइ दोअ्पिहि जेदोङ भबिस्यता परमेस्वर दोअ्प्यावा | 6 कालाउ ख्रिस्त चाहि परमेस्वरको साता चानभाइका जेङ्पितेङ खान्धुरि योग्य हिका हिघाहि,कालाउ न्हुसो थेकापाङ केलाइ केलाइको साहस कालाउ आसाको घमण्डहेङ थामितेङ ताअ्न्हा हेपानु ते केलाइ वाको सा | 7 ओदोङ भाअ्सिङ पबित्तरो आत्मा दोअ्खे: ''नानि एदि नेलाइ परमेस्वरको गाला हिङ्सुन्हापानु, 8 उदा दाङ्का थामेता जाचिका समयता बिद्रोह दिनाता भाइकाङ पातेङ ताइको हृदय थाङ्का मापासु, 9 न्हेकुरि बासार थेकापा मारालाका थामेता का हाइ -हाइ पाघा इङ्को नाङ्को आबा आजुगेलाइबुङ तिङ्हि | कालाउबुङ इम्बालाइ काङ्को धर्यको जाच पाहि | 10 ओदोङ भाअ्सिङ का इम्बालाइ दोफा चेरताम्पाघा कालाउ का दोअ्घा: नेलाइको बिचार दिना जेलाउबुङ गल्ति हि इम्बालाइ हेलाउबुङ काङ्को दामा माबुझिहि |' 11 ओदोङ भाअ्सिङ का चेरतामपाघा कालाउ केरा चाघा कि इम्बालाइ हेलाउबुङ दुल्लि मानिनाङ कालाउ कादोफा माइसालि मानिङ्स्वाना |'' 12 ओदोङ भाअ्सिङ दाइ-ओनेगेलाइ कालाउ बाइ-ओनेगेलाइ हासुबुङ पापि माजेङ्सु, खान्धुरिहेङ असुइकार मापाको कालाउ हुसिहिका (सिन्हुका) परमेस्वरहेङ मालाताको | 13 कालाउ गोताङ दिना एमिसो भेनेङ्को उत्साह पिसु , एलाङ दोङ एसा पासु | एमिसो भेनेङ्हेङ साघाइसु जेदोङ्ता कि हासुबुङ पाप कालाउ इङ्कोको दि:का भाइपा तरिकासो हासुबुङ थाङ्का माजेनाको | 14 केलाइ झाराङ ख्रिस्तको सहभागिता हिनाहि,केलाइ लाम्फा निङ्का खान्धुरि न्हुसो थेकापा थामितेङ हि:हेपानु इदोइ सत्ये ह्यावा | 15 धर्म सास्तरता इसिका लेखेका हि, नानि नेलाइ वाको गाला हिङ्स्वाना पानु,चेर ताम्पाका दिनाता भाइपा पातेङ नेलाइको हृदय थाङ्का मापासु |'' 16 उङ्को हासु हिघाहि ज्याइ परमेस्वरको गाला हिङ्हि कालाउ वाकोबिरुद्ता बिद्रोह पाहि ? इङ्को गोताङ मोसा पाहासो मिस्रोसो चुम्कागेलाइ हिघाहि | 17 कालाउ परमेस्वर ओबालाइदोफा न्हेकुरि बासार थिकापा चेर ताम्पाका हिघाहि ? परमेस्वर इम्बालाइ दोफा चेर ताम्पाका हिघाहि ज्याइ पाप पाहि कालाउ जाइ मारालाका थामेता सि:हि | 18 कालाउ परमेस्वर हासुको बारेता केरा चाका हिघाहि जाइ दुल्लि मानिङ्का कालाउ माइसाचालि मानिङकालाइ हिघाहि ?परमेस्वर ओबलाइकोङ बारेता दोअ्दोङ घाखे जाइ वाको आग्या माकिहि | 19 ओदोङ भाअ्सिङ केलाइ गिनाखे कि,खान्धुरि मापाको कारनहोइ उङ्को द्याङ्गेलाइ दुल्लि कालाउ परमेस्वरको माइसाका दिना निसेस हिघाहि |