तीतुस 2

कालाउ ना द्याङ्गेलाइहेङ जातिङ्को सिक्स्याको भाइपाङ पालि ना इम्बालाइहेङ हाइ-हाइ पालि गोइखे इङ्को दोअ्पिलि गोइखे | 2 आराङ बेराङ द्याङ्गेलाइहेङ आत्मा स्म्यमि,गम्भिर कालाउ ग्यानि जेङ्लि काथा धिरपा | इम्बालाइ खान्धुरिता,प्रेमता कालाउ धर्यता जेङ्लि र्-हुतेङ गोइखे | 3 बुरिका बेराङ बेबालगेलाइहेङ ताइको जिवनको दामाता पबित्तरो हिलि धिरपा | इम्बालाइ भेनेङ्को बिरूदता काथा पालि माएल कालाउ हेन्जा गोरा चि -आमका बानि पालि माएल | इङ्को बेबालगेलाइको भाअ्सिङ हिदोइ रेम्का हिखे इङ्को धिरपा | 4 इङ्कोङ खाल्को नेलाइ धानि बेजानगेलाइहेङ ताइको 'के' कालाउ जामालगेलाइहेङ मायारू पालि धिरपालि गोइखे | 5 इम्बालाइ बुदिमानि कालाउ पबित्तरो,ताइको साको ख्याल ताअ्लि,ताइको के गेलाइ दोफा दायालि कालाउ आग्याकारि हिलि दोअ्तेङ धिरपालि गोयाङ | इन्सिका आबस्थाता परमेस्वर केलाइहेङ पिका सिक्स्याको बारेता हिदोइबुङ दोसिका काम माजेनाङ | 6 एन्साङ्पाङ दोङ नव वाजानगेलाइहेङ ग्यानि जेङ्लि हाउसाइपा लि | 7 इङ्को नव वाजन गेलाइको भाअ्सिङ गोताङ काथाता रेम-रेम्का काम पाकाताङ ना एलोङ उदाहरन जेङ्लि गोयाङ | जेलाउ ना इम्बालाइहेङ धिरपाना ना इमानदार कालाउ गम्भिर जेङ | 8 जेलाउ ना सत्ये नुइ धुइयाना,इसिका खाल्को नुइ धुइ,जेसाङ कि ,हासुबुङ नासिहेङ मादोसियावा कालाउ नाङ्को बिरुदता जेङ्का हिदोइबुङ द्याङ ताइमिङ लेदेरका जेङ्का अनुबाद पावा | हाइपालि पानु केलाइको बिरूदता नुइ धुइका वादोफा हाइदोङ मान्ठुवा वा | 9 कालाउ इसिका काथागेलाइबुङ बान्धाइतिगेलाइहेङ दोअ् | इम्बालाइ दिनाङ ताइको माझनगेलाइको आग्या पालन पाको | इम्बालाइ ताइको माझन गेलाइहेङ लोङ्चापालि कोसिस पाको,इम्बालाइ ताइको माझनगेलाइ दोफा ताइको तर्क मापालि | 10 केलाइ एसापा जिउलि गोइखे हाइपालिपानु परमेस्वरको अनुग्रह केलाइकोता थुकाकाहि | इङ्को दायाका झाराङ्हेङ बान्चिपालि द्वावा | कालाउ उङ्को दाया केलाइहेङ पिका हि | 11 इङ्को अनुग्रहहोइ केलाइहेङ परमेस्वरको बिरुद माहिलि दोअ्तेङ धिरपाखे ,कालाउ सुमिङ चाहेका भाइपा कु-काम पाकासो केलाइहेङ खोराइखे | इङ्को अनुग्रहहोइ केलाइहेङ पृथ्विता ग्यानि कालाउ सहि तरिकासो केलाइको जिवन जिउलि धिरपाखे ओदोङ भाअ्सिङ कालाउ परमेस्वरको सेवा पानाखे दोअ्का तिङ्पाखे | 12 इङ्को अनुग्रहहोइ केलाइहेङ परमेस्वरको बिरुद माहिलि दोअ्तेङ धिरपाखे ,कालाउ सुमिङ चाहेका भाइपा कु-काम पाकासो केलाइहेङ खोराइखे | इङ्को अनुग्रहहोइ केलाइहेङ पृथ्विता ग्यानि कालाउ सहि तरिकासो केलाइको जिवन जिउलि धिरपाखे ओदोङ भाअ्सिङ कालाउ परमेस्वरको सेवा पानाखे दोअ्का तिङ्पाखे | 13 केलाइको परमप्रभु परमेस्वर कालाउ मुक्ति दाता येसु: ख्रिस्त लोलाउ र्-हुम्लाउ केलाइ केलाइको जिवन एसापाङ्दोङ बान्चिलि गोइखे | वा केलाइको माहान आसा हिका हि,वा ताइको महिमा दोफाङ ल्वाङ | 14 वा ताइमिङ्दोङ केलाइहेङ गोताङ दुस्त कामसो मुक्ति पिलि समर्पन पाहि | केलाइहेङ केवल वाको द्याङ बानाइलि कालाउ ज्याइ दिनाङ रेम्का काथागेलाइ पालि मन हिका बानाइलि वा प्रान पिहि | 15 इदोइ काथागेलाइ द्याङ्गेलाइ दोअ् | नाङ्को पुरा खाबारा हि | ओदोङ भाअ्सिङ द्याङ्गेलाइहेङ सुद्द बानाइलि कालाउ नेलाइ हाइ पालि गोइखे दोअ्तेङ इम्बालाइहेङ दोअ् इङ्को खाबारा प्रयोग पासु | कालाउ थिसु कि हासुबुङ नासेहेङ महत्वहिन समझितेङ इन्सिकाङ ब्यवभाहार मापाको |