तीतुस 1

Titus

तीतुस

परमेस्वरको सेवक कालाउ प्रभु येसु: ख्रिस्तको प्रेरित पावलको सेउपाखा | परमेस्वरको साल्का द्याङ्गेलाइको खान्धुरिहेङ साघाइलि कालाउ द्याङ्गेलाइहेङ सत्ये दोअ्पिलिको भाअ्सिङ कासिहेङ दिङ्गिल्का हि | परमेस्वरको सेवा हेसा पालि इङ्को सत्ये द्याङ्गेलाइ हेङ धिरपाखे | 2 इङ्को खान्धुरि कालाउ इङ्को ग्यान अनन्त जिवनको रेम्का आमासो उत्पन्न जेङ्खे | इङ्को जिवन पिका वचन परमेस्वर केलाइहेङ लाङ्फोर्तिसोङ पिका हि,परमेस्वर हेलाउ बुङ माधाताइखे | 3 परमेस्वर ठिक समयता सुमिङ्हेङ इङ्को जिवनको बारेटा गिलि पिहि | परमेस्वर इङ्कोहेङ बानालपाहासो गिलि पिहि इङ्को| काम परमेस्वर कासेहेङ सुम्पिपिहि | का इङ्को केलाइको मुक्तिदाता परमेस्वरको आदेसता बानाल पाघा | 4 तितसहेङ सेउपाखा | केलाइको साझा खान्धुरिता ना काङ्को सत्ये चान हिना | 5 का नासिहेङ क्रेटता इदोइ भाअ्सिङ लाअ्धिघा कि इनता बाकि हिका काम पुरा जेनाको | कालाउ गोताङ सहरता धर्मगुरुगेलाइहेङ्बुङ नियुकती पालि दोअ्तेङ का लाअ्घा | 6 धर्म गुरु इसिका द्याङ हिलि गोइखे ज्याइ गलत जिवन बितिपाकाताङ हिका दोसिलिका माजेङ्का | वाको एलोङ खिनिङ 'बे' हिलिगोइखे | वाको जामालाइ खान्धुरिराइ हिलि,गोइखे, कालाउ चरित्तरो हिन् जिवनता बान्चिका, आग्याकारिहिन् कालाउ दोसिलिका कालाउ मादिका हिलि गोइखे | 7 धर्मगुरुको काम परमेस्वर दोफा कामको ख्याल ताअ्लि गोइखे | कालाउ हिदोइबुङ खाल्को गलत कामको भाअ्सिङ वा दोसिलि(दोसी) माहिका हिलि गोइखे | वा बोलदिका (घमण्दि) कालाउ स्वार्थि माहिलि गोइखे,वा चेरसुका- फेसुका माहिलि गोइखे | वा गोरा चि माआमका हिलि गोइखे | वा फेसुका ठगितेङ धनि जेङ्का आकाङ्साता माहिका हिलि गोइखे | 8 धर्मगुरु द्याङ्गेलाइहेङ ताइको साता चुम्पुतेङ साघाइ पालिगोइखे | वा जेदोङ असल हि इङ्को प्रेम पालि गोइखे,ग्यानि जेङ्लि गोइखे,सहि कालाउ पबित्तरो जिवन जिउलि गोइखे | वादोफा आत्मा सयंम हिलि गोइखे | 9 धर्मगुरु केलाइहेङ धिरपाका सत्ये खान्धुरिसोङ मानिलि गोइखे | वा सहि कालाउ सत्ये सिक्स्याको उपयोगसो द्याङ्गेलाइहेङ साघाइलि दोलि समर्थ हिलि गोइखे | कालाउ द्याङ्गेलाइ ज्याइ सत्ये सिक्स्याको बिरुदृ हि इम्बालाइ गलत हि दोअ्तेङ प्रमानित पालि समर्थ हिलि गोइखे | 10 आग्यापालन मापाका हेन्जा हि, इम्बालाइ व्यर्थको (माजेङ्का काथा) काथागेलाइ पागिल्खे कालाउ द्याङ्गेलाइहेङ गलत दामापाहा अगुवाइ पाखे | का बिसेस पातेङ का नेलाइको बारेता काथा पादोङ्खा ज्याइ यहुदि मतसो बाहार जेङ्का हि | धर्मगुरु द्याङ्गेलाइहेङ भुलता हि दोअ्तेङ तिङ्पालि दोलि गोइखे कालाउ इम्बालाइहेङ इन्सिका माजेङ्का काथागेलाइसो रोकिलि दोलि गोइखे | 11 इम्बालाइ माधिरपालि गोइका काथागेलाइ धिरपातेङ इन्सिका द्याङ्गेलाइ गोताङ जाहानगेलाइहेङ बिगारपातेङ हि | खिनिङ द्याङ्गेलाइहेङ ठगिलि कालाउ ताका कामाइलि खिनिङ इन्सिका इम्बालाइ सिक्स्या पिखे | 12 नेलाइको ताइकोङ एमि सारभिको द्याङ ज्याइ इम्बालाइको अगम बक्ता दोअ्हि क्रेटको द्याङ्गेलाइ जेलाउबुङ धाताइखे | इम्बालाइ झारभारिको गुपुसगेलाइ भाइका हि कालाउ इम्बालाइ कुरिहृया हि, इम्बालाइ हेसा इङ्को चालि इङ्को खिनिङ गिखे |'' 13 अगमबक्तादोङ दोअ्का इङ्को काथागेलाइ ठिक हि,एन्साङ ना इम्बालाइहेङ तिङ्पालि गोयाना कि वा गलत हि | ना इम्बालाइ दोका ठाङ्का जेङ्लि गोयाना कालाउ कि इम्बालाइ सत्ये खान्धुरि भाइपाङ ओसाङ पावा | 14 कालाउ इम्बालाइ यहुदि काथागेलाइ हिङ्हि कालाउ इङ्को द्याङ्गेलाइको आदेस माकितावा ज्याइ सत्येहेङ तुच्स स्म्झिखे | 15 सुद्द हृदय हिकालाइहेङ गोताङ काथा सुद्ददोङ जेङ्खे | कालाउ इम्बालाइको भाअ्सिङ,ज्याइ पापसो हिदोइबुङ असुद्द जेङ्का हिखे कालाउ खान्धुरि मापाकालाइको भाअ्सिङ हाइदोङ बुङ सुदद माजेङ्खे जातिङ्को | इम्बालाइको बिचारदोङ खाराब जेङ्का हि ,कालाउ ठिक हाइ वाला इङ्को नाल्लि इम्बालाइको सरबुङ नासा जेङ्लिदोका हि | 16 इम्बालाइ परमेस्वरहेङ गिनाखे दोअ्तेङ दाबि पाखे कालाउ इम्बालाइको कामसो इदोइ स्पस्टजेङ्खे कि इम्बालाइ वासेहेङ मामानिखे | इम्बालाइ थिलिगोइका द्याङ्गेलाइ हि इम्बालाइ अनाग्याकाकारी (मासाका) हि कालाउ इम्बालाइ हिदोइबुङ खाल्को रेमका कामको भाअ्सिङ सोबाइका मान्थु |