तीतुस 3

दयाङ्गेलाइहेङ इदोइ काथा दोअ्लि मानिल्ली,दोअ्तेङ दोअ्, सासक कालाउ सरकारि अगुवागेलाइको खाबाराता हिसु,इङ्को आधिकारिगेलाइको आग्या पालन पालि कालाउ गोताङ किसिमको रेम्का कामको भाअ्सिङ तियार हिसु : 2 हासुकोबुङ बिरुद्ता मारेमका काथा मापासु;आरुगेलाइदोफा सान्तिसो हिसु, बोमि द्याङ्गेलाइदोफा सहनसिल कालाउ हेन्जा भद्र भालाद्मि जेङ्सु | खान्धुराइगेलाइ झाराङ्हेङ द्याङ्गेलाइदोफा एसा वा दोअ्तेङ दोअ् | 3 लाङ-लाङ केलाइ हाइदोङ मागिनाघाखे(मुर्ख) | केलाइ आग्या पालन मापानाहि,केलाइ गलत हिघानाखे कालाउ ताइको जिउको बङसता हिघानाहि,ज्याइ मारेम्का काथा पालि खाङ्घाखे | केलाइ दुस्त्तता कालाउ इर्साको जिवन बान्चिन्हाहि | द्याङ्गेलाइ मन्दामाताका जिवन बान्चिघानाखे कालाउ केलाइ इम्बालाइहेङ मन्दामातानाहि | 4 एला ते केलाइको मुक्ति दाता परमेस्वर द्याङ गेलाइको भाअ्सिङ वाको दाया कालाउ प्रेम केलाइहेङ बनाइहि | 5 वा केलाइहेङ ताइको दायासो बान्चिपाहि परमेस्वर दोफा सहि जेनाङ दोअ्तेङ केलाइ पाका रेम्का कामसो कारनहोइ माको | वा केलाइहेङ झातेङ बान्चिपाहि ज्याइ केलाइहेङ नावा द्याङ बानाइहि | वा केलाइहेङ पबित्तरो आत्मासो नावा बानाइतेङ केलाइहेङ बान्चिपाहि | 6 परमेस्वर इङ्को पबित्तरो आत्मासो केलाइको मुक्ति दाता येसु: ख्रिस्ट पाहासो केलाइ हुता पुरा रूपता हुपिहि | 7 वाको अनुग्रहहोइ केलाइ धर्मिजेङ्नाहि, कालाउ परमेस्वर केलाइहेङ आनन्त जिवन निङ्लि आत्मा पिहि | केलाइ इङ्को आसाता हिघानाहि | 8 इङ्को सिक्स्या सत्ये हि कालाउ का चाहिखा कि द्याङ्गेलाइ इदोइ काथागेलाइ बुझिलि गोयाङ दोअ्तेङ निसित पासु | कालाउ कि परमेस्वरको द्याङ्गेलाइ नेलाइको जिवनता रेमका काम पालि ,इम्बालाइहेङ ताइमिङ अरपन पावा इदोइ काथा रेमका हि कालाउ इङ्को काथागेलाइ द्याङ्गेलाइहेङ असल जेङ्लि सहयोग प्यावा | 9 मुर्ख भाइपाङ काथा माफेसेसु हारा गुटियादोफा झगडा पातेङ मालान्हासो कालाउ व्यवस्था सम्बन्धोको काथागेलाइ सो चेरसुतेङ हिकासो दुरे हिसु, | इन्सिका निर्थक काथागेलाइहोइ हासुहेङ्बुङ फायदा मापाङ इङ्को ते गोतेङ व्यर्थ हिखे | 10 एदि हासुबुङ काथा चेरसुलि खाङ्खेहेपानु,वासेहेङ चेताउनि पि आरूङ | घुरि-घुरि एन्साङ पाहे पानु वासेहेङ लाअ्पिहि | 11 इदोइ खालको द्याङ मारेम्का कलाउ पापि हि दोअ्तेङ ना गिलि गोइखे | वाको पाप होइ वाको बेउरा मारेमका हि दोका प्रमान पिखे | 12 आर्तिमास कालाउ टाइकिकसहेङ का नाङ्को हिका थामेता दिङ्गिल्लाङका | इम्बालाइहेङ दिङ्गिल्लि दोअ्तेङ न्हुसो निकोपोलिसता कासेहेङ भेतिलि दोअ्हे पानु लोउ | इदोइ चुनजिन का इन्ता बितिपालि निसित पाका हिघा | 13 वकिल जिनास कालाउ ओपोलोस ताइको दामा इतासो सुरु पावा | इम्बालाइ दामातेलिको भाअ्सिङ ना जेथे द्वाना इम्बालाइहेङ साघाइ | इम्बालाइहेङ गोइका गोताङ आमेनेको ब्यबस्था ज्याको | 14 रेम्का काम पातेङ कालाउ गोइकालाइहेङ साघाइ पातेङ ताइको जिवन जिउका तरिका केलाइको द्याङ्गेलाइ धिरलि गोयाङ जेलाउ इम्बालाइ एन्सा पाखे कालाउ इम्बालाइको जिवन मास्यावा | 15 इङ्को झाराङ ज्याइ कादोफा हि नेलाइहेङ प्रमान पिका हि | इन्ताको इङ्को द्याङ्गेलाइ झाराङ्हेङ ज्याइ खान्धुरिता प्रेम पाखे,कालाउ रेम्का प्रमान हि | इम्बालाइ झाराङ्हेङ परमेस्वरको अनुग्रह ह्याको |